म त मुख्या बाको छोरो
बिना काम डुल्ने मोरो ।।
पढ्न लेख्न जानिएन
पैले भन्या मानिएन ।।
हे बरी हे बरी आम्मै
लाई दिऊँ माया ठ्याम्मै ।।
मैंले माया लाको छैन
बिहे पनि भाको छैन ।।
दाजु भाई पर्देशैमा
म बस्दैछु स्वदेशैमा
हे बरी हे बरी आम्मै
लाई दिऊँ माया ठ्याम्मै ।।
हेर्दा लाटा सिधा जस्ता
कुरा गर्ने चिप्ला कस्ता !!
सकिँदैन भेटाउन
मन्को प्यास मेटाउन ।।
हे बरी हे बरी आम्मै
लाई दिउँ माया ठ्याम्मै ।।
कुरा गर्न चिप्ला खाले
यस्तै लेउ भन्थे बाले ।।
दाजुभाई आरिस् गर्छन्
ल्याऊँ भने रिस्ले मर्छन् ।।
हे बरी हे बरी आम्मै
लाई दिऊँ माया ठ्याम्मै ।।
- गुणनिधि घिमिरे
पाँचथर