दाङ, २५ मंसिर । जे.भि.फाउन्डेसन नेपालले घोराही उपमहानगरपालिकाको कार्यक्षेत्र भित्र अवस्थित गोरखनाथ वैदिक गुरुकुलका बटुक तथा कन्यालाई न्यानो कपडा वितरण गरेको छ । जे.भि.फाउन्डेसन, लुम्बिनी प्रदेश प्रमुख प्रकाश भट्टराईले उक्त सामग्री वितरण गर्नुभएको हो ।साथै उहाँले ३० हजार भन्दा बढी रकम बराबरको कपडा वितरण गरिएको जानकारी दिनुभयो।
विगत लामो समयदेखि समाजसेवाको क्षेत्रमा कार्य गर्दै आएको फाउन्डेसनले आर्थिक अवस्था कमजोर रहेका विद्यार्थीहरू लगायत देश भरिका मठ, मन्दिर, गुरुकुल, अनाथालय, बाल गृह जस्ता संस्थाहरूमा प्रा.डा.जगदिश वैद्यको सक्रियतामा हरेक वर्ष खाद्यान्न लगायत लत्ताकपडा वितरण गर्दै आएको फाउन्डेसनका लुम्बिनी प्रदेश प्रमुख भट्टराईले बताउनुभयो।
पीर मठाधीश याेगी सन्ताेषनाथकाे प्रमुख उपस्थितिमा भएको कार्यक्रममा गुरुकुलका विद्यार्थीहरूले स्वस्ति वाचन र वैदिक मन्त्रोच्चारण गरेका थिए।
अभिभावक,साधु,सन्त मठ तथा गुरुकुल समितिका सदस्य सहभागी रहेकाे कार्यक्रममा गुरुकलका सचिव ताेयनाथ याेगी ,लमहि पतञ्जलि याेग प्रभारी भेषराज भट्टराई ,वैदिक सनातन हिन्दू परिषदका केन्द्रीय अध्यक्ष दधिराम शर्मा, लगायतले शुभकामना मन्तव्य दिनुभएकाे थियाे ।