कार्तिक १४ । उदक साहित्य समाज नेपालको उदक वाचनको दोस्रो शृङ्खला मिति २०७८ साल कार्तिक महिनाको १४ गते आइतबार सम्पन्न भएको छ ।
उक्त उदक वाचन शृङ्खलामा विश्व नेपाली साहित्य प्रतिष्ठानको अध्यक्ष तथा काव्यिक विधाको लघुतम रूप खोरियाका प्रवर्तक वरिष्ठ साहित्यकार जनार्दन अधिकारी धड्कनले उदक काव्यिक विधा भएकोले यसमा परिष्कार ल्याउन काव्यिक तत्त्वअन्तर्गत बिम्बको प्रयोगमा जोड दिनुपर्ने बताउनुभयो ।
त्यस्तै बेलबारी साहित्य विकास समितिकी अध्यक्ष वरिष्ठ साहित्यकार तिला लेकालीले उदकले काव्यिक चेतना प्रवाहमा जोड दिएको भन्दै आफ्ना उत्कृष्ट उदकहरू वाचन गर्नुभएको थियो ।
उदक साहित्य समाज नेपालका अध्यक्ष साहित्यकार आर्त अकुलीनले उदकको अवधारणाका बारेमा प्रष्ट पार्दै उदकको रचना विधानमा उदक यात्रीहरूको ध्यानाकर्षण हुन अति आवश्यक भएको जानकारी गराउनुभयो ।
सो कार्यक्रममा साहित्यकार लक्ष्मी बस्याल, पुष्प राना, कमला देवकोटा, देवेन्द्र शाक्य, सविता केसी, रोशन पराजुली, केशव ढकाल, जमुना कायस्थ, वसन्त अनुभव, सुरेशचन्द्र घिमिरे, सरस्वती श्रेष्ठ, बालकृष्ण खनाल, बादल गुरुङ, सोम लुइटेल, श्रद्धा आचार्य, धर्मी साक्य लगायतका उदक यात्रीहरूले आ-आफ्ना उत्कृष्ट उदकहरू वाचन गर्नुभएको थियो ।
उदक साहित्य समाज नेपालका अध्यक्ष साहित्यकार आर्त अकुलीनको सभापतित्वमा सम्पन्न उक्त कार्यक्रमको सञ्चालन समाजका महासचिव हिमाल अम्मैले गर्नुभएको थियो ।