‘स्वास्थ्यकर्मी’ विषयमा सृजना गरिएका उत्कृष्ट टुक्काहरू

टुक्का साहित्य समाज काठमाडौं अन्तर्गत रहेका सक्रिय सर्जकहरूले स्वास्थ्यकर्मी विषयमा उत्कृष्ट टुक्काहरू सृजना गरेका छन् । समाजको आयोजनामा सञ्चालित नियमित टुक्का अभ्यासका क्रममा टुक्काहरू सृजना गरिएका हुन ।

अन्त्यानुप्रास सहित २ हरफमा समान अक्षरमा लेखिने टुक्का कविता काव्य विधाको एक उदियमान प्रविधा हो । टुक्का कविताको उन्नयन र विकासका लागि समाजले टुक्का अभियन्ता समूह गठन गर्नुका साथै नियमित रूपमा टुक्का लेखन अभ्यासको कार्यक्रम सञ्चालन गर्दै आएको समाजका अध्यक्ष ताराप्रसाद चापागाईंले बताउनुभयो । समाजले टुक्का लेखन, वाचनका अलावा सामाजिक सेवामा पनि हात हाल्ने गरेको छ । हालसालै अध्यक्ष चापागाईंको परिकल्पना एवं समाजकी सचिव विमुन्स पौडेलको संयोजनमा वृहत् रक्तदान तथा टुक्का वाचन कार्यक्रम सम्पन्न गरेको छ ।

नियमित अभ्यासकाे क्रममा सङ्कलन गरिएमा “स्वास्थ्यकर्मी” विषयमा सृजना गरिएका टुक्का कविताहरू

१.
सेतो पहिरन भित्र दुखेको मुटु,
बिमारीको गर्छन् सेवा भोकै गुटुटु।
२.
न रात हुन्छ न त दिन,
बस्दिनन् उनी एकै छिन।
३.
पेशाले स्वास्थ्यकर्मी रोग उखेलेर फाल्छू,
रोग फैलाउने किटाणुलाई जेल हाल्छू।
✍️ पौडेल विमुन्स, पाेखरा

१.
अाफ्नाे ज्यानकाे ख्याल नगरी सधै ड्युटी उनकाे,
ज्यान बचाउने स्वस्थ्य कर्मी छाप बस्याे गुनकाे।
२.
अाफ्नाे खुसी समय सब समर्पित जनमा,
सलाम गर्छु स्वास्थकर्मी हर्ष छायाे मनमा।
✍️ ताराप्रसाद चापागाईं
धुनिबेशी ।

१.
संसारभरि सबै दर्जाका स्वास्थ्यकर्मीहरू तमाम,
सङ्क्रमणकालीन समयका नायकलाई सलाम।
२.
आफू भन्दा अरूको सेवामा चौबिस घण्टा तल्लीन,
स्वास्थ्य मापदण्ड पालनामा राम्रो सोचौँ एकछिन।
✍️म्यामराज राई
हतुवागढी-६,होम्ताङ्,भोजपुर,हाल:-जापान

१.
मनले सत्य रोजे तिमी ईश्वरझैँ धर्मी,
सेवा नै त हो ठूलो धर्म भन्छन् स्वास्थ्यकर्मी ।
२.
मरेपछि पनि पैसा पाउने भित्री आशले,
भेन्टिलेटर उपचार खान्छ बरा लाशले ।
३.
मृत्युको मुखबाट फेरि जीवन दिने काम,
ईश्वर नै हौ स्वयम् तिमी किन धाउनु धाम ?
✍️ श्रीकृष्ण शर्मा, पोखरा

१.
बिरामीको हेर चाह गरेर तापक्रम नाप्दछन्
कर्तव्यमा अडिग रहनु पर्छ मनमा छाप्दछन् ।
२.
सल्यक्रिया गर्दा डाक्टरलाई सघाउँछ्न्,
मिठो बोली बोलेर बिमारी ती भगाउँछ्न्।
✍️ तारा घिमिरे, संखुवासभा

१.
हाँसी खुशी बिरामीको सहयोगी बन्छौँ,
छिटै सन्चो हुनुहुन्छ  नअात्तिनु भन्छौ।
२.
बिरामीलाई खुशी पार्नु कर्तव्य हाम्रो,
दिन्छौँ हामी सेवा अनि उपचार राम्रो।
✍️ “नानीबाबा अधिकारी”
कलंकी, काठमाडाैं

१.
बिरामीलाई निको पार्नु उनको लक्ष्य हुन्छ,
पीडा हुँदा विरामीलाई उसको मन रुन्छ ।
२.
मान्छे नै हुन् स्वास्थ्यकर्मी हुन्छ दु:ख पीडा चोट,
निस्वार्थ सेवामा लाग्दा थुप्रै लान्छना र चोट ।
✍️ वसन्त अनुभव
घोराही उपमहानगरपालिका १४, दाङ

१.
बिरामीको उपचार गर्न हुन्छन् राजी,
नगरी प्रवाह ज्यान लगाएर बाजी।
२.
गर्नु पर्छ हामीले  सधैँ  मनदेखि सम्मान,
बिरामीको स्याहार गर्ने मान्छे हुन्छन् महान।
✍️  लालीमाया थापा मगर, प्यूठान

१.
न भन्न पाइन्छ जाडो नत कुनै चर्को गर्मी,
डटेर  उपचारमा   लाग्नुपर्छ   स्वास्थकर्मी।
२.
निकै कठिन हुन्छ छोरा डाक्टर नर्स नबन्नू,
सेवा  गर्ने  मन हुनेलाई यो कहिल्यै नभन्नू।
३.
जीवनमा  कष्ट  गरी  नाम  कमाउन पर्छ चर्कै,
सेवा गर्न स्वास्थकर्मी बनौँ पैसा कमाउन अर्कै।
✍️ बादल गुरुङ वियोग, संखुवासभा,हाल काठमाडौं

१.
दुनियाँकाे जीउ धन सुरक्षामा टेवा ,
खट्कीँदाे छ उपचार स्वास्थ्य स्वयं सेवा ।
२.
अध्ययनमै एउटा अठाेट लिनु धर्मी ,
जाेखिम उठाएर खट्न सक्छन् स्वास्थकर्मी ।
३.
कमजोरी, लापरवाही हुन सक्ने ठानी ,
मीठै बाेल्छन् स्वास्थ्यकर्मी अादर मानी मानी।
✍️ रामकृष्ण दुवाडी,  पाेखरा ।

१.
रात-दिन नभन्ने ती महान छन्  स्वास्थ्यकर्मी,
नानाथरी कुरा गर्ने  पो हुन् ती पापी अधर्मी।
२.
जीउज्यानको बाजी लगाई गर्यौ निरन्तर तिमीले सङ्घर्ष,
कुनै पल पनि कस्तो छ भनी सरकारले गरेन बिमर्श ।
✍️ मुक्तिनाथ अधिकारी, भरतपुर, चितवन

१.
तिमी नै देशका सच्चा पहरेदार स्वास्थ्यकर्मी ।
बाँच्दैन तिमीबिना रोगी साथी तुल्य सहकर्मी।
२.
खटेर रात दिन सेवा रोगी त्यो हुन्छ निको
लाग्दैन भोक तिर्खा, र  गर्दैन नराम्रो सिको ।
३.
आस्था छ ठूलो अझ विश्वास धेरै स्वास्थ्यकर्मी ।
गर्नु सेवा सधैँ राम्रो, नहुनु तिमी अधर्मी ।
✍️ सूर्य मणि रेग्मी, चितवन

१.
खटेका छन् आफ्नै ज्यानको पर्वाह नगरी,
खै त स्वास्थ्य कर्मीलाई स्याबासीको पगरी?
२.
स्वयं  धुरू-धुरू  रोएर  अरूलाई हँसाउने,
स्वास्थ्य कर्मी हुन् आफू मरी मरी सबै बचाउने।
३.
अग्र पंक्तिका योद्धाहरू स्वास्थ्य कर्मीलाई सलाम,
तिमीहरू हौ  कोरोना कालको  फाटकको फलाम।
✍️ अरुण कुमार भुजेल , गोरूबथान,कालेबुङ्ग।

१.
स्वास्थ्यकर्मीको सल्लाह लिऊँ,
हामी  जिन्दगी  मज्जाले  जिऊँ।
२.
सल्लाह सुझाव लिनु हो सबै भन्दा ठूलो कुरा,
अनि मात्र  हुन्छन्  सोचेका सबै सपना पूरा‌।
✍️ जगत थापा, बझाङ्ग

१.
मेरो बिरामी सधैँको पेवा,
डाक्टर  नर्सले गर्छन् सेवा ।
२.
शरीर   सुन्दर   नै    पारौँ ,
जीवन स्वास्थ्यमा गुजारौँ ।
३.
पीडा दुःखमा नबस्नु सारा जन,
राम्रो स्वास्थ्य हुनेले कमाए धन।
✍️ भगवती दवाडी, दमक ५ ,झापा

१
जीवनमा जतिबेला पनि त  बिरामी पर्न सकिन्छ,
स्वास्थ्यकर्मीको सल्लाह लिएर नै उपचार गरिन्छ l
२
स्वास्थ्यकर्मीको सल्लाह सबैले मान्नु राम्रो ,
बिरामी हुँदा उपचार गर्न खट्छ्न् हाम्रो l
✍️ रिता खराल ,रुपन्देही

सोचे स्वास्थ्यकर्मी भगवान हुन् हाम्रा,
ती भन्दा को पो छ र समाजमा राम्रा ।
✍️राजेशराज गड्तौला
रतुवामाई- १०, मोरंग, हाल- प्रवास

::::: जय टुक्का!जय साहित्य !! :::::