पढिलेखी के काम भन्छन् तल्नाघरे बाले,
राम्रो काम पाएका खोइ पढेलेखेकाले ।
१
पाइन्न यहाँ काम भन्दै विदेश भिसा हाले,
बेरोजगार युवा जति विदेश जान थाले ।
२
सरकारी नोकरी पाउन भयो साह्रै नै गाह्रो,
प्राइभेटको काममा तलब कम अति साह्रो ।
३
सैद्धान्तिक मात्र भयो औपचारिक शिक्षा,
समयानुकूल बनेन् खै भयो खाली भिक्षा ।
४
गरेपनि डिग्री आखिर काम बालुवा चाल्ने,
खाडीमा दु:ख गर्दै रहेछ परिवार पाल्ने ।
५
व्यावहारिक शिक्षा बनाऔं युवा दक्ष बनाउने,
रोजगार सृजना गरि युवा स्वेदेश बसाउने ।
६
युवा नै कर्णधार हुन् देशका मजबुत खम्बा,
दक्ष सबल पार्न सके पाउछ देशले अम्बा ।
७
दक्ष भै विदेश गए मिल्छ राम्रो काम,
ईज्जत् सँगै आकर्षक मिल्ने गर्छ दाम ।
८
आफू दक्ष बनौं पहिले पाइन्छ रोजगार,
अनि मात्र आफूसँगै स्वेदेश लाग्नेछ पार ।
९
जागरुक भइ युवा अब चाडै उठ्नुपर्छ,
उचित मार्ग पहिल्याउन् एकठाम् जुट्नुपर्छ ।
१०
दक्ष बनुन् रोजगार मिलोस् सफल होस् युवा चाहना,
विश्व युवा दक्षता दिवसको हार्दिक शुभकामना !
११
✍️
वसन्त अनुभव
घोराही उपमहानगरपालिका – १४, दाङ