दाङ, २० असार
दाङ जिल्लाको तुलसीपुरस्थित टरिगाउँ एयरपोर्टमा आइतबारदेखि पुन हवाई उडान सुचारु गरिएको छ ।
सरकारले असार १७ गतेदेखि नै आन्तरिक हवाई उडान सुरु गरिसकेता पनि टरिगाउँ एयरपोर्टमा उडान सूचारु हुन सकेको थिएन ।
काठमाडौं देखि दाङ र दाङ देखि काठमाडौं उडान राखिएको उडानमा आइतबार काठमाडौदेखि दाङ ८ जना र दाङदेखि काठमाडौं १५ जना यात्रुले यात्रा गरेको विमानस्थल प्रमुख कैलाश शर्माले जनाए ।
साथै विमानस्थल प्रमुख शर्माका अनुसार दाङ- काठमाडौको भाडा ९ हजार १० रुपैयाँ र काठमाडौ-दाङको भाडा ९ हजार २ सय रहेको छ ।
दोस्रो चरणको कोरोना महामारीका कारण जारी लकडाउनको समयमा आन्तरिक हवाई सेवा अबरुद्ध रहेको थियोे ।