उहाँलाइ सहयोग गरि उद्धारगर्न अपिल
नेपाल बेलबारी ४ मोरङ घर भएका दिपेन तामाङ साउदी अरबको रियाद स्थित अजीजिया फ्रुट मार्केटमा केही दिनदेखि दिमागी अबस्था गुमाएर घुम्दै गरेको अवस्थामा भेटिएक छन् ।
रियादका एक नेपाली अहमद भन्डारी आफ्नो फेसबुक पेजबाट जानकारी गराउंदै सहयोगको लागि अनुरोध गरेका छन् । उनले भेनेका छन “एकजना हाम्रा नेपाली सन्तोष तामाङ (अब्दुल्लाह) ले उहाँलाइ देखेपछि अहमद भन्डारी लाई जानकारी गराउनु भयो । मैले अब्दुल्लाह भाइलाई त्यो घुम्ने अपरिचित भाइसँग भेटेर उहाँको बारेमा सही जानकारी लिन गर्न आग्रह गरे । उहाँले दुई दिनपछि फेरी भेटनु भएछ अनि त्यो भाइसित प्रत्यक्ष कुराकानी पनि गर्नु भएछ । सोधपुछकै क्रममा उहाँले भाइको पासबाट “सगरमाथा स्कुल बेलबारी- 2 मोरङ” स्कुलको परिचय पत्र पाउनु भएछ । उहाँको साथमा पासपोर्ट र अकामा (सऊदीको परिचयपत्र) पनि छैन । तैपनि स्कलको परिचय पत्रबाट उक्त भाइ नेपाली नै भएको पुष्टि भएपछि उहाँलाई उद्धार गर्न हामीले तुरुन्तै प्रकृया अगाडी बढाएका छौं ।
रियाद स्थित नेपाली राजदुतावासका एकजना कर्मचारीसँग सम्पर्क गरेर भाइको उद्धारको बारेमा कुरा भैसकेको छ ।
उक्त पिडित भाइको परिवारका सदस्यसम्म उहाँको अवस्थाको जानकारी गराइ जतिसक्दो चाँडै नै नेपालबाट पनि सरकारी निकायबाट उद्धारको पहल गर्नुहुन अनुरोध गर्दछौं ।
उहाँको उद्धारको लागि यहाँबाट हामीले यथासम्भव कोसिस गर्दैछौं साथै सम्पूर्ण सामाजिक सन्जालमा जोडिनु भएका दाजुभाइ तथा दिदीबहिनीहरूसित पनि यो भाइलाई चिनेको भए परिवारसम्म सम्पर्क गराइदिनु हुन र नचिनेको भएपनि सामाजिक सन्जाल मार्फत शेयर गरेर सम्बन्धित निकाय र परिवारसम्म पुर्याइदिनु हुन अनुरोध गर्दछौं ।
अब्दुल्लाह तामाङ भाइले उक्त पिडित भाइसित गरेको कुराकानीका भिडियोहरू र सगरमाथा स्कुल बेलबारी – 2 मोरङको परिचय पत्र पनि अपलोड गरेको छु ।
अहमद भण्डारी “बोधी” रियाद, मोबाइल नं. +966502586183
अब्दुल्लाह तामाङ “सन्तोष” रियाद, मोबाइल नं. +966582683313