समर्पण रम्जान
२८ मार्च २०२१, साउदी अरब ! ‘नेपाली कला संस्कृति संरक्षण र पहिचान, एनआरएनए दोस्रो पुस्ताको अभियान” भन्ने मूल नारालाई आत्मसात गर्दै गैरआवासीय नेपाल संघ, अन्तर्राष्ट्रिय समन्वय परिषद् मध्यपूर्व क्षेत्रीय युवा समितिले एनआरएनएको इतिहासमै पहिलो पटक “ग्लोबल सिङ्गिङ्ग आइडल – २०२१” कार्यक्रम आयोजना गर्न लागिरहेको छ ।
आगामी अप्रील १६ र १७ तारिख २०२१ मा सम्पन्न गर्न लागिएको उक्त कार्यक्रमबारे जानकारी दिन आज (२८ मार्च २०२१) एक भर्चुएल पत्रकार सम्मेलन आयोजना गरि सबैमा जानकारी गराइएको छ ।
उक्त कार्यक्रममा एनआरएनए भएको सबै राष्ट्रहरुबाट प्रतियोगीहरुको सहभागी गराइने छ । शुद्ध नेपाली भाषामा आफ्नो गायन प्रतिभा प्रस्तुत गर्नु पर्ने छ ।
३० बर्ष भित्रका प्रतियोगीले मात्रै सहभागी हुन पाउने उक्त कार्यक्रममा डिजिटल, अपनिङ र फाइनल राउन्ड गरि तीन राउन्डमा समापन हुनेछ ।
लोक गित, आधुनिक, पप र सेमि फल्क गितमा मात्रै प्रतिस्पर्धा गराइने छ । उक्त “ग्लोबल सिङ्गिङ्ग आइडल – २०२१” कार्यक्रममा प्रथम हुनेलाइ दुई लाख, दोस्रो हुनेलाइ एक लाख, तेस्रो हुनेलाइ पचास हजार चौथो हुनेलाइ पच्चीस हजार र ग्रान्ड फिनालेमा प्रवेश हुने ५ जनालाइ गीति एल्बममा गित गाउने अबसर प्रदान गरिने आयोजक ले जनाएको छ ।
बृस्तित जानकारीका लागि तलको फाइलमा हेर्न सक्नुहुनेछ ।
