वीरगञ्ज,भदौ २८
आर्थिक अभावका कारण बिष सेवन गरि मृत्यु भएको परिवारको बिचल्ली भएपछी मृतक संतन माँझीमुसहर को परिवारलाई सामाजिक अभियन्ताले खाद्यान्न सहयोग गरेका थिए ।
वीरगञ्ज–३१ बेल्वा टोलका मुसहर परिवारलाई सामाजिक अभियन्ता प्रकाश थारु र प्रेम घिमिरेले मुसहर परिवारको पीडितको घरमै पुगि आइतबार बिहान खाद्यान्न सहयोग गरेका थिए ।
आफ्नो खाजा खर्च कटौती ग़री मुसहर परिवारलाई चामल नब्बे किलो,, दुई लिटर खाने तेल, तीन किलो दाल, नुन दुई प्याकेट, नुहाउने साबुन २ पिस, लुगा धुने साबुन आधा दर्जन लगायतका समान प्रदान गरेका हुन् ।
परिवारमा चरम आर्थिक समस्या भएपछि बेल्वा टोलका ३० बर्षीय युवक सतन माझीले गएको शुक्रबार विष सेवन गरेर आत्महत्या गरेका थिए !
मृतक जङ्गलबाट दाउरा ल्याएर बेचेको पैसाले घर परिवार पाल्दै आएका थिए । कोरोना महामारीका बेला बेरोजगार भइ परिवार पाल्न नसकेपछि उनले विष सेवन गरी आत्महत्या गरेका थिए ।
अरुको जग्गामा घर बनाइ बस्दै आएका माझीको श्रीमती ,आमा र एउटा 3बर्षीय छोरी तथा एउटा नै महीने दुधे बालक छन् । परिवारमा कमाउने माझीकै मृत्यु भएपछि उनको परिवारलाई खान समेत समस्या हुँदै आएको छ ।
सोही समस्यालाई मध्यनजर गर्दै मुसहर परिवारलाई खानाको लागि भन्दै मृतक माझिकी श्रीमती रबिता देवीलाई खाद्यान्न सामग्री प्रदान गरेको समाजिक अभियन्ता प्रकाश थारुले जानकारी गराउनु भएको छ