उमेश कुशवाहा ,बिरगंज,असोज १४
अखिल नेपाल पिछडावर्ग महासघ पर्साद्वारा समाजिक कार्यमा तीब्रता देखाईएको छ भने आफ्नो छूटै पहिचान बनाएको छ।
मठ-मन्दीर, बिद्यालय,अस्पताल तथा बिभिन्न सार्बजनिक स्थलहरु सरसफाई,कोरोनाको जनचेतना मूलक सन्देश र विपन्न परिवारलाई राहत बितरण गरी समाजमा आफ्नो छूटै पहिचान बनाएको छ।
अखिल नेपाल पिछडावर्ग महासघ पर्साद्वारा भिखमपुर स्वास्थ्य केन्द्रमा पनि सरसफाइ गरिएको छ।
अखिल नेपाल पिछडावर्ग (ओबीसी) महासंघ पर्साको स्वच्छ बिरगंज सफा बिरगंज कार्यक्रम अन्तर्गत नै आज भिखमपुर स्वास्थ्य केन्द्रमा सरसफाइ गरिएको छ ।
अखिल नेपाल पिछडावर्ग (ओबीसी) महासंघ पर्सा धोबिनी गाउपालिका कमिटी अध्यक्ष औनिराज रौनियारको अध्यक्षतामा बुधबार भिखमपुर स्वास्थ्य केन्द्र सरसफाइ गरिएको थियो ।
विश्वभरी फैलिएको कोरोना भाइरसको महामारीका कारण लकडाउन तथा निषेधाज्ञा हुँदा स्वास्थ्य केन्द्रमा घाँस पलाउनका साथै फोहोर बढेको थियो । झण्डै ७ महिनाको अन्तरालपछि सामान्य अवस्थामा फर्किदै गरेको अवस्थालाई मध्यनजर गर्दै सामाजिक उत्तरदायित्वस्वरुप स्वास्थ्य केन्द्रमा सरसफाई गरिएको संघका अध्यक्ष रौनियारले बताउनुभयो ।
सरसफाइ कार्यक्रममा प्रहरी निरीक्षक किस्मान तामाङ, डा. मनोज यादव , बिकास साह , ओबीसी धोबिनी गाउपालिका कमीटीका उपाध्यक्ष अतेन्द्र पटेल , सचिव देवसिस पटेल , सहसचिव पवन कुमार पटेल, कोषाध्यक्ष बृज किशोर रौनियार , सदस्य सतेन्द्र कुस्वाह, नागेन्द्र गुप्ता, राजु साह कानु, सुबास पटेल ,:समाजसेवी राजेन्द्र प्रसाद कुर्मी, हरिनारायण पटेल , प्रमेस्वर रौनियार , धिरज कुमार, प्रदीप पटेल, कृष्ण पटेल , दिना राउत , सुजित पटेल , राज कुमार गुप्ता , दिनानाथ पटेल लगायतकाकाे सहभागीता रहेको थियो।