साउदी अरब । एनआरएनए , अन्तराष्ट्रिय समन्वय समिति , आई.सी.सी. ,स्वास्थ्य समितिद्वारा आयोजित दोश्रो विश्व नेपाली स्वास्थ्य सम्मेलन यही आउँदो सेप्टेम्बर १८ ,१९ र २० ( २०२० ) गरी तीन दिनसम्म अमेरिकामा हुन गैरहेको छ।
गतसाल अमेरिकाको जर्जियामा भएको पहिलो विश्व नेपाली स्वास्थ्य सम्मेलनको भब्य र ऐतिहासिक सफलतापछि यसको महत्व र निरन्तरताको अरु महसुश भएपछि दोस्रो सम्मेलनको आयोजना गरिएको कुरा ।
मेडिया तथा प्रमोसन दोस्रो बिश्व नेपाली स्वास्थ्य सम्मेलन, अमेरिकाका को- चेयर डाक्टर चिरन्जीबी भट्टराईले जानकारी दिनु भयो।
अहिले कोरोना भाइरसको ( कोभिड-१९ ) को विश्व महामारीको कारणले समय फरक र अरु कठिन भए पनि यो दोश्रो विश्व नेपाली स्वास्थ्य सम्मेलनलाई पनि अत्यन्त भब्य र ऐतिहासिक रुपमा सम्पन्न गर्ने विश्वास आयोजकहरुले लिएका छन्।
यो विश्व नेपाली स्वास्थ्य सम्मेलन देश -विदेश का स्वास्थ्य क्षेत्रमा काम गर्ने डाक्टरहरु , नर्सहरु एबं स्वास्थ्य क्षेत्रका विभिन्न विधाहरुमा रुचि राख्ने नेपालीहरु ,बिज्ञ ,बैज्ञानिकहरु ,अनुसन्धानकर्ताहरु लगायतका व्यक्तिहरुको बिशेष उपस्थितिले अरु ऐतिहासिक हुनुका , साथै उपस्थित व्यक्तिहरु बीचको छलफल , विचार ,बिमर्श र सुझाबले अझै महत्त्वपूर्ण हुने छ ।
स्वास्थ्य क्षेत्रका बढी भन्दा बढी बिधाहरुलाई समेट्नु, संसार भरि कै बढी भन्दा बढी देशहरुबाट प्रतिनिधिहरु वा स्वास्थ्य क्षेत्रका बिषय विज्ञहरु सहभागी गराउनु सम्मेलनको बिशेषता रहेको छ । यस सम्मेलनले संसार भरि कै बिषय विज्ञहरुको अनुभवहरु आदान
प्रदान गर्नमा पनि ठूलो मद्दत पुग्ने, स्वास्थ्य क्षेत्रमा कार्यरत नेपालीहरुले यस सम्मेलनलाई अत्यन्त नजिकबाट र महत्वकासाथ लिने, र
यो सम्मेलनको आशातित सफलताले आउदा दिनहरुमा यो क्षेत्रको समग्र बिकासका लागि पनि अत्यन्त महत्व राख्ने सोचिएको छ।
वर्तमान कोभिड-१९ को विश्व महामारीको संघारमा हुन गैरहेको यो सम्मेलनले संसार भरि कार्यरत नेपाली डाक्टर ,नर्स तथा
स्वास्थ्य क्षेत्रका विभिन्न विधामा कार्यरत सबै व्यक्तिहरुको सामुहिक अनुभब , विचार बिमर्श र छलफल एबं सुझावले नेपाल तथा संसार भरि बस्ने नेपालीहरुले यो महामारीबाट बढी भन्दा बढी कसरी सुरक्षित हुने भन्ने सम्बन्धमा पनि एकिकृत , ठोस र अत्यन्त भरपर्दो सुझाब दिने पनि विश्वास गरिएको छ ।
एनआरएन लाखौ लाख बिदेशमा बस्ने सबै नेपालीहरुको साझा भरपर्दो सामाजिक संस्था भएकोले बिदेशमा बस्ने लाखौ लाख नेपालीहरुको हितमा सक्दो काम गर्नु एनआरएनको कर्तब्य भएको र स्वास्थ्यको पाटो पनि एनआरएन को लागि बिशेष पाटो भएकोले स्वस्थ्य क्षेत्रमामा उल्लेखनीय सेवा प्रदान गर्नका लागि, बिदेशमा बस्ने लाखौ लाख नेपालीहरुको स्वास्थ्यको क्षेत्रमा काम गर्न,पनि एनआरएनएले एक महत्वपूर्ण स्वास्थ्य समिति बनाएको छ ।,
यो समितिलाई सबै पक्षबाट अरु सबल र बृहत्तर बनाउन पनि यो सम्मेलनलाई बढी भन्दा बढी सफल बनाउन आवश्यक
रहेकोले यो सम्मेलनमा विश्वभरिबाट नै बढी भन्दा बढी सहभागी सबै देश बिदेशमा बस्ने नेपालीहरुमा हार्दिक अनुरोध गरिएको छ।
एनआरएनए बिदेशमा बस्ने सम्पूर्ण नेपालीहरुको अन्तरास्ट्रिय साझा सामाजिक संस्था पनि भएको हुँदा यस अन्तर्गतका विभिन्न समितिहरुलाइ यस्ता काम तथा सम्मेलनहरुलाई सफल , प्रभाबकारी र उद्धेश्यमुलक बनाउन एनआरएनए अन्तरास्ट्रिय समन्वय समितीले अनुरोध गरेको छ ।
साथै नेपालको समग्र बिकासमा प्रबासमा बस्ने लाखौ लाख नेपालीहरुको पनि अत्यन्त ठूलो र महत्वपूर्ण योगदान हुने हुदा एनआरएनएले गर्ने यस्ता कार्यक्रमहरुमा नेपाल सरकारले पनि आफ्नो ठाउँबाट सक्दो सहयोग गर्न नेपाल सरकारसंग पनि यस सम्मेलनलाई सबै प्रकारले सक्दो सहयोग पुर्याउन एनआरएनए ले विनम्र अनुरोध गरेको छ ।
” मिटिगेटिंग पान्डेमिक वीथ हेल्थ ,रिसर्च , कोलाबोरेसन एन्ड एक्सन “
भन्ने मूल नारा रहेको यो सम्मेलनका प्रमुख अथिति तथा बक्तामा नेपालका स्वास्थ्य मन्त्रि माननीय श्री भानुभक्त ढकालज्यू हुने र अन्य बक्ताहरुमा बिश्व स्वास्थ्य संगठन र युनिसेफका ग्लोबल, रिजनल र कन्ट्री डाईरेक्टर , एनआरएनएका प्रेसिडेन्ट एबं एनआरएनए स्वास्थ्य समितिका सभापति डाक्टर सन्जिब सापकोटा हुनेछन् ।
तीन दिनसम्म चल्ने यो सम्मेलन सफलतापूर्बक सम्पन्न गर्न बिभिन्न समितिहरु र एउटा सल्लाहकार समिति पनि बनाईएको छ । यो दोस्रो बिश्व नेपाली स्वास्थ्य सम्मेलन नेपाल र नेपालीहरुको स्वास्थ्य सम्बन्धि यस किसिमले बृहत्तर रुपमा सम्बोधन र मनन् गरिएको एउटा अत्यन्त महत्वपूर्ण र बिशेष कार्यक्रम भएकोले पनि यस्लाई अत्यन्त सफल र सार्थक बनाउन : सबैमा हार्दिक अनुरोध गरिएको छ । समाचार श्रोत मेडिया तथा प्रमोसन
दोस्रो बिश्व नेपाली स्वास्थ्य सम्मेलन, अमेरिकाका को- चेयर डाक्टर चिरन्जीबी भट्टराई । ।