शुक्र मोक्तान
साउदी अरब | सरकारको सहजिकरण र नेपाली नियोगहरूको समन्वयमा प्रबासमा कोरोना प्रकोपका कारण अड्किएका नेपाली नागरिकहरू स्वदेश फर्किने क्रम जारी छ। गत हप्ता बाट सुरू भएको चार्टर उडान मार्फत नेपाल सरकारले निर्धारण गरेको मापदण्ड अनुसार प्राथमिकतामा परेको नेपाली नागरिकहरू स्वदेश फर्किँदै छन्। यसै क्रममा २३ जुनका दिन नेपाल एयरलाईन्सको जेद्धा बाट पहिलो उडान र दम्माम बाट हिमालय एयरलाईन्सको दोस्रो उडान मार्फत क्रमश: २५४ र १५४ गरी ४ सय ८ जना नेपाली स्वदेश फर्किएका छन्।
महावाणिज्यदुत रेवती रमण पौड्यालका अनुसार महावाणिज्य दुताबास जेद्धाले विभिन्न माध्यम बाट प्राप्त गरेको निवेदन र नेपाल सरकारले तय गरेको प्राथमिकताका आधारमा ११ सय ६० जनाले नेपाल सरकारको सहजिकरणमा हुने उडान मार्फत स्वदेश फर्किन अनुमती प्राप्त गरेका छन्।जस मध्ये २५४ जना पहिलो उडान बाट स्वदेश फर्किएका हुन।
महावाणिज्यदुत पौड्यालका अनुसार जेद्धा महावाणिज्य दुताबासको मातहदमा हाल विभिन्न कारणले मृत्यु भएका १२ जना नेपालीको शव रहेको मध्ये महावाणिज्य दुताबासले ५ वटा शवलाई एनओसी जारी गरिसकेको छ साथै मृत्यु भएको मध्ये कोभिड संक्रमण भएको २ जना नेपालीको नेपाल पठाउन विभिन्न प्राविधिक कठिनाई रहेको कारण साउदी सरकार र मृतकको परिवारको अनुमती लिएर साउदी अरबमै अन्तिम संस्कार गरिसकेको छ र ४ जनाको पोस्टमार्टम रिपोर्ट आउन बाँकी रहेको छ । उहाँले दिनु भएको जानकारी अनुसार जेद्धा बाट १ जनाको शव नेपाल पठाएको छ भने अब हुने अर्को उडान बाट बाँकी रहेको शव मध्ये कम्तिमा ३ जनाको शव नेपाल पठाउने महावाणिज्य दुताबास जेद्धाको तयारी रहेको छ ।
त्यसै गरी दम्माम बाट हिमालय एयरलाईन्सको उडानले २३ जुनकै दिन १५४ जना यात्रु संगै विभिन्न कारणले साउदी अरबमा मृत्यु भएको र अन्तिम संस्कारका लागी अनुमती जारी भएकोहरू मध्ये लम्जुङका १ र नवलपरासीका १ गरि २ जनाको शव नेपाल लिएर गएको छ।
