संवाददाता
साउदी अरब | नेपाल सरकार, मन्त्रिपरिषदको निर्णयबाट जारी भएको ‘कोभिड-१९ को विश्वव्यापी संक्रमणको कारणबाट उत्पन्न परिस्थितिमा स्वदेश आउनै पर्ने नेपाली नागरिकलाई सहजीकरण गर्ने सम्बन्धी आदेश, २०७७‘ अनुरुप कतार बाट स्वदेश फर्कनैपर्ने नेपालीको सम्बन्धमा कतारको दोहा स्थित रहेको नेपाली दुताबास दोहाले विज्ञप्ति जारी गरेको हो।
नेपाली दुताबास दोहाले उक्त विज्ञप्ति मार्फत नेपाल जानै पर्ने अवस्थामा रहेका नेपाली नागरिकलाई स्वदेश आउन सहजीकरण गर्ने सम्बन्धी आदेश, २०७७‘ अनुरुप तेश्रो मुलुकबाट स्वदेश फर्कनैपर्ने नेपालीको सम्बन्धमा देहायवमोजिमका प्रावधानहरु उल्लेख गरेका छन्:
•अन्तरर्राष्ट्रिय हवाई उडानबाट स्वदेश आउने व्यक्तिले हवाई उडान गर्नु अघि कोभिड संक्रमण
नभएको स्वास्थ्य परीक्षण (पि सी आर, आर डि टी अन्य परीक्षण) को प्रमाण साथमा राख्नु
पर्नेछ । यस सम्बन्धमा थप जानकारी पछि उपलब्ध गराइनेछ ।
•नेपाल जाँदा लाग्ने हवाइ उडान खर्च र होटल क्वारेन्टिन खर्चलगायतका सम्पूर्ण खर्च आफैले
व्यहोर्नु पर्नेछ । हवाई उडान तथा यसका लागि लाग्ने खर्च साथै स्वदेश फर्कने प्रकृयाका बाँकी
सबै जानकारी उपलब्ध हुनासाथ जानकारी गराइनेछ।
•अन्तर्राष्ट्रिय विमानस्थलबाट होल्डिंग सेन्टर हुँदै होटल क्वारेन्टिन वा स्थानीय तहले व्यवस्थापन
गरेको सम्बन्धित क्वारेन्टिनसम्मको यातायात खर्च व्यक्ति स्वयमले व्यहोर्नुपर्ने पर्नेछ ।
• तोकिएका स्वास्थ्य सुरक्षासम्बन्धी मापदण्ड पालना गर्नु पर्नेछ ।
दुताबासले उपरोक्त प्रावधान पूरा गरी नेपाल फर्कने नेपालीहरुको सम्बन्धमा सम्बन्धित विषय अनुसार तोकिएको अधिकारीहरू संग सम्पर्क गरी विवरण टिपाउन भनिएको छ जस अन्तर्गत आफन्तको मृत्यु भई काजक्रियाका लागि नेपाल जानु पर्नेहरुले दुताबासको अधिकारी तृतीय सचिव जिना अधिकारी फोन नं.33880321 मा सम्पर्क गर्ने र कोभिड-१९ बाहेक अन्य कारणले गम्भिर स्वास्थ्य समस्या भएका, सुत्केरी तथा गर्भवति महिला बालबालिका, ज्येष्ठ नागरिक र अपांगता भएकाहरुले दुताबासका तृतीय सचिव मनिशा शर्मा फोन नं. 66963616 मा संपर्क गर्ने।
त्यसैगरी अध्ययन समाप्त भएका विद्यार्थी इन्टर्न समेत, पारिवारिक पुनर्मिलनका लागि आएका, पर्यटक तथा व्यापारिक भिसामा आएका नेपाली नागरिकले द्वितीय सचिव प्रवीण भट्टराई फोन नं.66950724 मा संपर्क राख्न दुताबासले सुचित गरेको छ।साथै कतार आई डी/भिसा समाप्त भएका वा आई. डी. रद्द भएका, श्रम करार अवधि समाप्त भएका वा रोजगारी गुमाएका, वार्षिक/बेतलबी बिदामा रहेकाहरूले https://forms.gle/oESHhvLbJqWtfr8s6 लिंकमा गई आफ्नो विवरण उपलब्ध गराउन दुताबासले विज्ञप्तिमा भनेको छ।
यसरी स्वदेश फर्कने क्रममा कतार सरकारको कानूनबमोजिम बहन गर्नुपर्ने कुनै पनि दायित्वको कारणले नेपाल जान नमिल्ने भएमा व्यक्ति स्वयं जिम्मेवार हुने दुताबासले बताएको छ।
यस सन्दर्भमा एनआरएनए कतार लगायत कतारस्थित रहेको संघ/संस्था तथा सामाजिक अभियन्ताहरुले माथि उल्लेखित सूचना अनुरुपको जानकारी सम्बन्धित सबैमा प्रवाह गर्न तथा उल्लेखित लिंकमा फाराम भर्न सहयोग गरी दिन पनि नेपाली राजदूतावास दोहाले अनुरोध गरेको छ ।
पुनश्च: (दर्ता फारामको लिङ्क)
https://forms.gle/3sGi4fWpHVQCVsEX7
