संवाददाता
साउदी अरब | कोरोना भाइरस महामारीका कारण अन्तर्राष्ट्रिय हवाई उडानहरु स्थगन भएका कारण साउदी अरबबाट स्वदेश फर्कनका लागि पर्खिरहेका नेपाली नागरिकको लागी नेपाली दुताबास रियादले जरुरी सूचना जारी गरेको छ।
“कोरोना भाइरसको विश्वव्यापी संक्रमणबाट उत्पन्न असहज परिस्थितिमा स्वदेश आउनै पर्ने अवस्थामा रहेका नेपाली नागरिकलाई स्वदेश आउन सहजीकरण गर्ने सम्बन्धी आदेश २०७७” अनुसार साउदी अरबमा असहज अवस्थामा रहेका नेपाली नागरिकलाई नेपाल फर्काउनको लागि नेपाल सरकारले साउदी अरबका रियाद, दम्माम, र जेद्धा शहर बाट काठमाडौंका लागि पहिलो चरणमा निम्न अनुसार हवाई उडानहरु सञ्चालन हुने भएको छ।
दुताबासले जारी गरेको सुचनामा निम्नलिखित उडान तालिका उल्लेख गरिएको छ:
१५ जुन २०२० सोमबार दम्माम बाट (हिलामालय एयरलाइन्सको फ्लाईटA320)
१८ जुन २०२० बिहिबार रियाद बाट (नेपाल एयरलाइन्सको फ्लाईटA330)
१९ जुन २०२० शुक्रबार (हिलामालय एयरलाइन्सको फ्लाईटA320)
२४ जुन २०२० बुधबार (नेपाल एयरलाइन्सको फ्लाईटA330)
उक्त उडानहरू मध्ये १९ जुन र २४ जुनका उडान हुने शहरका बारेमा दुताबासले छिट्टै अर्को सुचना गरी गर्ने बताएको छ भने दुताबासले चार्टर्ड हवाई उडान टिकटको भाडा दर निम्न लिखित उल्लेख गरिएको छ:
- रियाद-काठमाडौँ US $630/- तथा SAR2363/- साउदी रियाल
- दम्माम-काठमाडौँ US $590/- तथा SAR2213/- साउदी रियाल
- जेद्धा-काठमाडौ US $770/- तथा SAR2888/- साउदी रियाल
दुताबासले सुचनामा दूतावासका टेलिफोन, वेबसाइटको अनलाईन दर्ता फारम र दुताबासको Whatsapp तथा ई-मेल बाट प्राप्त भएको विवरण र कागजातका आधारमा नेपाल सरकारले तय गरेको प्राथमिकताहरूलाई आधार मानी नेपाल जाने यात्रुहरू तय गरिने भनिएको छ जसमा
- साउदी अरब बाट नेपाल फर्कनका लागि बहिर्गमन भिषा (Exit Visa) लगाई टिकट काटेर बसेकाहरू,
- रोजगारदाता सँग करार समाप्त भएकाहरू,
- कोभिडका परिस्थितिजन्य कारणले रोजगारी गुमाउन पुगेकाहरू,
- बहिर्गमन भिषा (Exit Visa) लागेका महिला, गर्भवती, सुत्केरीहरू,
- पारिवारिक/भिजिट भिषामा आएकाहरू,
- आफन्तको मृत्यु भई काजकिरिया गर्न जानुपर्ने नागरिकहरू,
- गम्भिर र दीर्घ विरामी परेकाहरु,
- अध्ययन सकेर वा बिदामा नेपाल जानुपर्ने विद्यार्थीहरु,
- कम्पनीबाट रोजगारी सहित लामो बिदा पाएकाहरू,
- पर्यटक भिजिट भिषामा आएकाहरु रहेका छन्।
दुताबासले भनेको छ “उल्लेखीत प्राथमिकताका संभावित यात्रुहरूको सूची दूतावासले उडान अनुसार क्रमैसँग फेसबुक पेजमा प्रकाशित गर्ने प्रयास गर्नेछ। उक्त सूचीमा नाम परेकाले टिकटका लागि व्यक्तिगत रूपमा एयरलाइन्स कम्पनीका तोकिएका एजेन्सीहरुमा सम्पर्क गर्नु हुन अनुरोध छ।”
दुताबासका अनुसार यात्रीहरूले नेपालमा रहेका परिवारजनले नेपाल एयरलाइन्स र हिमालय एयरलाइन्सको नेपालस्थित कार्यालयमा सम्पर्क गरी टिकट खरिद गर्न पनि सक्नेछ। साउदी अरबमा हिमालय एयरलाइन्सको लागी सुवास तिमल्सिना संग ००९६६५९८४००१९८ मा संपर्क गर्न सकिने र नेपाल एयरलाइन्सको लागी संपर्क नंबर उपलब्ध हुन साथ दुताबासले सूचना जारी गरिने भएको छ|
यस दौरान नेपाल सरकारले हवाई यात्रा गर्नकोलागि covd-19 परीक्षण प्रतिवेदन अनिवार्य गरेको छ भने हवाई टिकट खर्च, कोभिड-19 परिक्षण खर्च, नेपाल पुगे पछि होटल/क्वारिन्टिन् खर्च, र गन्तव्य स्थानसम्म स्थानीय यातायात खर्च यात्रु स्वयंले बेहोर्नु पर्ने जानकारी उक्त सुचनामा उल्लेख गरिएको छ ।
सुचनामा हवाई उडान अगाबै यात्रुले कोभिड 19 संक्रमण नभएको यकिन हुने स्वास्थ्य परीक्षण (PCR/RDT) गर्नु पर्ने र परीक्षण गरी संक्रमण नभएको सात दिन भित्रको प्रमाण-पत्र साथैमा राख्नुपर्ने र उडानको समयमा यात्रुले फेसमास्क र पन्जा अनिवार्य प्रयोग गर्नुपर्ने भनिएको छ।
यस क्रममा समयमै टिकट खरिद नगरेमा प्राथमिकता अनुसार क्रमसंख्याका पछिल्लो यात्रुहरुलाई टिकट खरिद गर्ने मौका प्राप्त हुनेछ भने दोस्रो चरणको उद्धारका लागि हुने हवाई उडानको बारेमा दुताबासले पछि जानकारी प्रकाशन गरिने जानकारी दुताबासले जारी गरेको सुचनामा उल्लेख गरिएको छ ।
Thuuu tmeharulai. Jo alapatra pareko x jo sanga kunai poisa xena tyo chai k yetai marni??? thukka kp sarkaar.
3 mahina vyo visa sakera basi rako afani paisa le khako xam paisa sidhadhi sake ko xa ghar jaan Man xa hami lai family sang bhetna man xa Tara kasari jaanu paisa tirer paisa xaina haami sang tapai haru le yedi help garnu hune xa vane hamilai yaha dekhi nikalnu hamile online form vari sake ka xau hamro mbc le ke replay dinxa waiting ma xam dhanayabad jai Nepal