काठमाडौं, १० बैशाख २०७७
नेपालमा कोरोना भाइरस संक्रमितको संख्या थप ३ जना वृद्धि भएको छ ।
बुधबार वि.पि.कोइराला स्वास्थ्य विज्ञान प्रतिष्ठान, धरानमा गरिएको आर टि पीसीआर परीक्षणबाट थप ३ जना कोरोना संक्रमीत भएको पुष्टि भएसँगै कोरोना संक्रमितको संख्या ४५ जना पुगेको छ ।
बुधबार संक्रमित भएको पुष्टि हुनेहरुमा २४, ६० र ७२ वर्षीय पुरुष रहेका छन् । उनीहरुको थप विवरण भने खुलाइएको छैन । उनिहरु पनि उदयपुरको त्रियुगा नगरपालिका भुल्केको भएको जानकारी प्राप्त भएको छ । मस्जिदमा लुकेर बसेका कोरोना संक्रमितबाट संक्रमित हुन पुगेको बुझिएको छ ।
क्वारेन्टाइन स्थलबाट ती संक्रमितलाई अस्पताल ल्याउने तयारी भइरहेको जानकारी स्वास्थ्य तथा जनसंख्या मन्त्रालयका प्रवक्ता डा.विकास देवकोटाले बुधबार आयोजित पत्रकार सम्मेलनमा गराउनु भएको हो ।
साथै प्रवक्ता देवकोटाले दिएको जानकारी अनुसार आजै थप २ जना निको भइ डिस्चार्ज भएका छन । डिस्चार्ज हुनेमा सेती प्रादेशिक अस्पताल, धनगढीका ४० वर्षीय र टेकु अस्पतालका ३२ वर्षीय पुरुष रहेका छन ।
यो सँगै निको भइ डिस्चार्ज हुने कोरोना संक्रमितको संख्या ७ जना पुगेको छ । बाकी संक्रमित विरामीहरुको देशका विभिन्न अस्पतालहरुमा उपचार भइरहेको छ ।