राजपुर, दाङ, ११ बैशाख
दाङ जिल्लाको राजपुर गाउँपालिकामा गठित अनुगमन टोलिले बुधबार गा.पा. भित्रका पसलहरुको अनुगमन गरेको छ ।
गाउँपालिका उपाध्यक्ष धनपती देवी यादव, प्रमुख प्रशासकीय अधिकृत रेमन्त बहादुर डाँगी, प्रहरी चौकी चंगवाका इन्चार्ज नयाँ राम कार्की, प्रशासन शाखाका पाचौं तहका कर्मचारी पृथ्वी पौडेल लगायतका व्यक्तिहरु सम्मिलित टोलिले राजपुर गा.पा.का वडा नम्बर ५ र ६ का पसलहरुको अनुगमन गरेको हो ।
लकडाउनका बेला भएको अनुगमनमा क्रममा केही सामानहरुको बिक्री मुल्य भन्दा बढि मुल्य लिने गरेको पाईयो । गा.पा उपाध्यक्ष यादवले केही पसलहरुमा नुनको मुल्य बढी लिने गरेको पाइएको बताउनु भयो ।
साथै ती ब्यापारीहरुलाई मुल्य भन्दा बढि मुल्यमा बेच्न नहुने बारे सचेत गराइएको र आगामी दिनमा पु:न अनुगमन गर्दा पुन: गल्ती भेटिएमा कानुनी दायरामा ल्याई आवश्यक कारवाही गरिने चेतावनी दिएको बताउनुभयो ।