कुवेत स्थित अल मुत्ला सिटी प्रोजेक्टको कार्याक्षेत्रमा बालुवाको ढिस्कोले पुरिएर भएको दुर्घटनामा ६ जना नेपाली कामदारहरुको मृत्यु भएको पुष्टि भएको छ।
कुवेत स्थित रहेको नेपाली राजदुताबासले जारी गरेको प्रेस विज्ञप्ति अनुसार कुवेतको अल मुत्ला क्षेत्रमा १२ फेब्रुअरी २०२० बुधबार निर्माणस्थलमा काम गरिरहेका नेपाली कामदारहरु माथि बालुवाको ढिस्को खस्दा ६ जना नेपाली कामदारको मृत्यु भएको हो जसमा पाल्पाका एक बहादुर गाहा, सिराहका गंगाराम चौधरी, ताप्लेजुङका बसन्त गुरूङ, दाङका श्याम नारायण चौधरी रहेका छन् भने अन्य दुई जनाको सनाखत हुन बाँकी रहेको छ।दुई जना घाईते कुमार शाह र रमेश मण्डलको कुवेतको जाहारा अस्पतलमा उपचार भई रहेको छ।
चिनियाँ कम्पनी(CGGC)ले निर्माणको जिम्मा लिएको मुत्ला सिटी प्रोजेक्टको निर्माणस्थलमा काम गरिरहँदा एक्कासी बालुवा र ढुंगा खसेको थियो ।
