–वसन्त अनुभव-
घोराहीमा जारी तेस्रो मेयर कप रनिङ फुटबल प्रतियोगीतामा घोराही उ.म.न.पा. वडा नम्बर १४ र १८ बीच अन्तिम खेल हुने भएको छ । घोराही १८ को नवलपुर खेल मैदान आज भएको सेमीफाइनल खेलमा दुबै वडाले फाइनलमा प्रतिस्पर्धा गर्ने भएका हुन् ।
प्रतियोगीतामा वडा नम्बर १४ ले वडा नम्बर ७ लाई हराउँदै फाइनल यात्रा गरेको छ । वडा नम्बर १४ ले वडा नम्बर ७ लाई ८ —१ गोल अन्तरले हराउँदै फाइनल यात्रा गरेको छ । यस्तै वडा नम्बर १८ ले वडा नम्बर ६ लाई ३—१ गोल अन्तरले हराउँदै फाइनलमा पुगेको खेलको सहजिकरण गरिरहनुभएका दाङ जिल्ला फुटवल संघका महासचिब नरेन्द्र पुनले जानकारी दिनुभएको छ ।
पुुस २७ गतेदेखि सुरु भएको तेस्रो मेयर कपको फाइनल खेल माघ १३ गते हुने आयोजक घोराही उपमहानगरपालिकाले जनाएको छ । २०७४ सालदेखि मेयर कप फुटबल प्रतियोगीता सञ्चालन हुदै आएको छ ।
पहिलो मेयर कप वडा नम्बर १५ ले जितेको थियो भने दोस्रो मेयर कप वडा नम्बर १३ ले जितेको थियो । मेयर बिजेता वडाले एक लाख रुपैया पुरस्कार प्राप्त गर्ने छ ।
सोसल मिडियामा शेयर