–वसन्त अनुभव-
घोराही, २४ पौष / दाङ जिल्लाको सुन्दर नगरी घोराहीमा आजदेखी अध्यक्ष कप फुटबल तथा क्रिकेट प्रतियोगिता सुरु गरिएको छ । प्रतियोगिता घोराही उपमहानगरपालिका वडा नं. १४ को आयोजनामा शुरु भएको हो । आगामी पुस २७ गते देखि हुने मेयरकप फुटबल प्रतियोगिताका लागि खेलाडी छनौट गर्न फुलबल प्रतियोगिता आयोजना गरिएको आयोजकले जनाएको छ ।
घोराही उपमहानगरपालिकाकि उप–प्रमुख सिता सिग्देल न्यौपानेले आज प्रतियोगिताको उद्घाटन गर्नु भएको हो । उप-प्रमुख न्यौपानेले कार्यक्रममा सम्बोधन गर्दै समाज रुपान्तरण र खेल क्षेत्रको विकास गर्न प्रतियोगिताले महत्वपूर्ण भुमिका खेल्ने बताउनु भयो । साथै उहाँले महिला र छात्राहरूको लागि भलिबल प्रतियोगिता आयोजना गरिने जानकारी दिनु भयो ।
उद्घाटन कार्यक्रमलाई सम्बोधन गर्दै वडा अध्यक्ष शक्तिराम डाँगीले सबै खेलाडीलाई अनुशासित र जिम्मेवार भएर खेल्न आग्रह गर्नुभयो । उक्त खेल प्रतियोगितामा घोराही उप-महानगरपालिका वडा नं.१४ मा अवस्थित सम्पूर्ण विद्यालयहरुबाट विद्यार्थीहरु सहभागी भएका छन। वर्षातका कारण खेल मैदानमा पानी जमेको र दिनभर चिसो जाडोयुक्त मौसम भए पनि खेलाडीहरुले कुनै प्रवाह नगरी अनुशासित र उमंगका साथ उत्साहवर्धक रुपमा खेलमा सहभागीता जनाएका थिए ।
घोराही उपमहानगरपालिका वडा नं. १४ का अध्यक्ष शक्तिराम डाँगीको अध्यक्षता एवं घोराही उपमहानगरपालिकाकी उप–प्रमुख सिता सिग्देल न्यौपानेको प्रमुख आतिथ्यतामा उद्घाटन कार्यक्रम सप्पन्न भएको थियो । कार्यक्रमको सन्चालन वडासदस्य गुलाम रसुलले गर्नुभएको थियो ।