- वसन्त अनुभव –
नेपालमा चलिरहेको १३ औ दक्षिण एसियाली खेलकुद (साग) मा नेपालकी निमा घर्ती मगरले उसु खेलमा स्वर्ण पदक जितेकी छन ।
लगनखेलको कभर्डहलमा बिहिवार बिहान भएको महिला उसु तर्फको थाउलो नाम्छवान अलराउण्डमा उनले स्वर्ण पदक जितेकी हुन । कुल १८.९१ अंक जोड्दै उनले बंगलादेशकी मोर्जिना अख्तरलाई हराएकी थिइन।
निमाले स्वर्ण जित्दा एकदमै खुशी लागेको बताएकी थिइन। निमाले गत वर्ष भारतमा भएको १२ औ सागमा पनि उसु थाउलो खेलमै नेपालका लागि स्वर्ण पदक जितेकी थिइन । निमा उसुमा लगातार २ वटा स्वर्ण जित्ने पहिलो नेपाली खेलाडी भएकी छिन । उनको घर राप्ती अञ्चलको रोल्पा जिल्लामा पर्दछ ।