यो संसारमा धेरैलाई दाम प्यारो छ

            गजल

************ ***********

यो संसारमा धेरैलाई दाम प्यारो छ
कसै कसैलाई त फेरि नाम प्यारो छ

दिन रातै पसिनाले निथ्रुक्क हुनेलाई
पापी पेटकालागि हरेक काम प्यारो छ

आफ्नो भागमा परेका दु:ख सुख पछि
घरका बा-आमालाई चारधाम प्यारो छ

जतै देखाउने र देखिने होड जोडिएको
आधुनिक युगमा ताम झाम प्यारो छ

सबैको खुशी देख्ने यो समीपलाई भने
आकाशका जून तारा र घाम प्यारो छ

सन्तोष लुइंटेल (समिप)