प्रवास सम्वातादाता – दोहा कतार
गैर आवसिय नेपाली संघ राष्ट्रिय समन्वय परिषद कतारको १७ औं स्थापना दिवस तथा सम्मान कार्यक्रम सम्पन्न भएको छ । एनसिसी कतारले आफ्नो स्थापना दिवस शुक्रबार कतारको दोहामा एक कार्यक्रम आयोजना गरी भब्य रूपमा सम्पन्न गरेको हो। उक्त कार्यक्रममा गैर आवसिय नेपाली संघ राष्ट्रिय समन्वय परिषद कतारका अध्यक्ष मोहम्मद मुक्तदा मुसलमानको अध्यक्षता रहेको थियो भने कार्यक्रममा प्रथम उपाध्यक्ष उत्तम गुरुङले स्वागत मन्तव्य राखेका थिए | कार्याक्रम महासचिव पदम गिरिको सञ्चालनमा सम्पन्न भएको थियो |
उक्त स्थापना दिवसको कार्याक्रममा गैर आवसिय नेपाली संघ, अन्तर्राष्ट्रिय समन्वय परिषद २०१९-२०२१ कार्यकालका लागि नवनिर्वाचित एनआरएनए आइसिसी सचिव राजेन्द्र कुमार शर्मा, आइसिसी सल्लाहकारमा मनोनीत हुनुभएका टिबि कार्की, नवनिर्वा्चित मध्यपुर्व संयोजक प्रविन गुरुङ, मध्य पुर्व सह–संयोजक राजेन्द्र अर्याल (जोन), एनाआरएनए मध्यपुर्व युवा संयोजक राज रेग्मी तथा आइसिसी सदस्यहरु रमेश भट्ट, होमनाथ शर्मा, युवराज शर्मा, केवि हमाललाई सम्मानित गरिएको थियो ।
कार्यक्रममा बोल्दै नवनिर्वाचित मध्य पूर्व सह संयोजक राजेन्द्र अर्याल (जोन)ले सम्मानको लागी धन्यवाद व्यक्त गर्दै उक्त सम्मानले थप जिम्मेवारी बढेको बताए । मध्य पुर्वमा कार्यरत नेपाली श्रमिक हक र हितका लागी निरन्तर काम गर्ने प्रेरणा मिलेको भन्दै आगामी दिनमा पनि सामाजिक कार्यलाई निरन्तरता दिने बताए ।
कार्यक्रममा बोल्दै कतारका लागि नेपाली राजदुत डा. नारद नाथ भारद्वाजले कतारमा नेपाली बाट नेपाली ठगिने क्रम बढेको प्रती दुतावास गम्भीर भएको बताए । उनले व्यवसायको नाममा नेपालीबाट नेपालीनै ठगिनु दुःखद् रहेको भन्दै ब्यबसाय गर्दा मानविय धर्म नभुली श्रमबजारलाई स्वस्थ्य र सम्मानित बनाउन आग्रह गरेका थिए ।उनले नेपाल भ्रमण बर्ष २०२० लाई सफल बनाउनु प्रवासमा रहेका सम्पुर्ण नेपालीको दायित्व रहेको बताउंदै कतारबाट पनि अधिकतम पर्यटक नेपाल पठाउने पहल गर्न गैर आवासीय नेपाली संघ लगाएत सबैलाई आग्रह गरेका थिए |
कतारका युवा पुस्ता साहाशिक पर्यटनको लागि विभिन्न मुलुकमा जाने गरेको भन्दै राजदुत भारद्वाजले उनिहरुलाई नेपाल पठाउन सके ठूलो उपलब्धि हुने बताए । परिवार सहित कतारमा रहेका नेपाली विद्यार्थीहरुलाई लक्षित गरि नेपाली विद्यालय संचालनको लागि पहल भैरहेको भन्दै उनले नेपाल सरकारको शिक्षा मन्त्रालय मार्फत कतार सरकार संग कुराकानी अगाडि बढेको बताए ।
कार्यक्रममा आइसिसी सल्लाहकार टिबि कार्की, आइसिसि पुर्व संरक्षक एवं संस्थापक उपाध्यक्ष देवकाजी डङ्गोल, मध्यपुर्व संयोजक प्रविन गुरुङ, मध्य पुर्व सह–संयोजक राजेन्द्र अर्याल जोन, एनाआरएनए मध्यपुर्व युवा संयोजक राज रेग्मी, एनसिसि पुर्व अध्यक्ष बिनेश तामाङ, आइसिसी पुर्व उपाध्यक्ष एवं एनसीसी संस्थापक सागर नेपाल, निवर्तमान आइसिसी मानार्थ सदस्य राजु सैयद, निवर्तमान आइसिसी मानार्थ सदस्य बिमल गुरुङ, निवर्तमान आइसिसी सदस्य बिमल सुवेदी, प्रवासी नेपाली मञ्चका अध्यक्ष चानक पोख्रेल, नेपाली जनसम्पर्क समितीका कार्यबाहक सभापति शंकर न्यौपाने, नेपाली समाज कतारका संरक्षक हिराधन राई, नेपाल पत्रकार महासंघ कतार शाखा अध्यक्ष करिम बक्स मिया, नेपाली मुस्लिम समाजका युवा संयोजक मोहम्मद सद्दाम हुसेन अन्तर्रा्ष्ट्रिय मुस्लिम समाजका सल्लाहकार अजिज अलि, प्रदेश नम्बर १ समन्वय परिषदका अध्यक्ष चुडामणि कार्की, प्रदेश ३ समन्वय परिषदका अध्यक्ष समीर केसी, प्रदेश ५ समन्वय परिषदका वरिष्ठ उपाध्यक्ष ठाकुर कुमार परियार, सुदुरपश्चिम सेवा समाजका अध्यक्ष प्रेम चलाउने, जिल्ला संस्थाको तर्फबाट स्याङ्जा सहयोग समाजका अध्यक्ष अजमद अलि लगाएत अन्य उपस्थित अतिथिहरुले शुभकामना मन्तव्य राखेका थिए ।