रियाद – साउदी अरब
गैर आवसिय नेपाली संघ साउदी मातहदमा रहेको स्थानिय समन्वय समिति दम्मामका अध्यक्ष शंकर भट्टराईको विधिवत बिदाई गरेका छन्। भट्टराई विगत आठ वर्ष देखी साउदी स्थित प्रतिष्ठित एक होटलमा कार्यरत रहे तापनि गैर आवसिय नेपाली संघ साउदीका पंजिकृत सदस्यमा रही संघको विभिन्न कार्यक्रममा सहभागी हुँदै सामाजिक काममा जुट्दै आएका थिए भने २०१९/२०२१ कार्यकालका लागी स्थानिय समन्वय समितीको अध्यक्षमा निर्विरोध चयन भएका थिए।
भट्टराई आफ्नो स्वनिर्णय अनुसार साउदी अरबको बसाईलाई बिट मार्दै नेपाल फर्किने क्रममा एनआरएनए एनसिसी साउदीले विधिवत बिदाई गरेका छन। उक्त विशेष कार्यक्रममा एनआरएनए आईसिसी मध्यपूर्व सह संयोजक राजेन्द्र अर्याल (जोन), भू.पू. मध्यपूर्व सह संयोजक राजु सैयद, निवर्तमान मध्यपूर्व महिला सह संयोजक यशमिन वैगम, एनसिसी साउदीका अध्यक्ष तेज थापा, महासचिव उमेश भट्टराई, उपाध्यक्ष द्वय रोशन श्रेष्ठ, भोलानाथ पौड्याल लगायतका केन्द्रीय पदाधिकारीहरू साथै स्थानिय समन्वय समिति खोबार र दम्मामका पदाधिकारी हरूको उपस्थिती रहेको थियो ।
कार्यक्रममा भट्टराईलाई नेपाल बसाईको क्रममा सहजताको शुभेच्छा सहित आँटेको कार्य सफलताको शुभ कामना दिएका थिए भने उनलाई दम्माम कार्यसमितिमा रही सामाजिक कार्यमा सहयोग गर्दै संघको लागी महत्वपूर्ण भूमिका निभाएकोमा सम्मान सहित कदर पत्र प्रदान गर्दै खाता ओडाएर बिदाई गरेका छन्।
