काठमाडौँ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको १२१ औँ शृङ्खला सम्पन्न भएको छ । अभ्यासमा नेपाल लगायत विश्वका ६० जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको १२१ औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
चलेकै छ कुराले देश, युगौँयुग चल्छ छक्क पर्छु केवल तिम्रो, मन किन जल्छ ?
वसन्त अनुभव घोराही, दाङ
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१] अबुझ छन् सारा जनता, कुरै बुझ्दैनन् हजुरको महान् वाणी सुन्ने कोही भैनन् । ✍️वसन्त अनुभव घोराही, दाङ [२] भाषणले नै सरकार भित्र विकास चल्दैछ दङ्ग सबै गठबन्धनमा प्रतिपक्ष जल्दैछ । ✍️ ताराप्राद चापागाईँ धुनिबेसी [३] गठबन्धनमा सबैले मिलेर खाने अर्को चुनावमा गठबन्धनमै जाने। ✍️प्रदीप के रिमाल। [४] गर्नुपर्छ हामी सबैले देश लुट्ने ,भुँडी भर्ने काम रेमिटेन्सले देशमा भित्रेकाे नै छ कराेडाैँकाे दाम । ✍️केसर बाेहरा “सङ्घर्ष” सुदूरपश्चिम ” अछाम ” हाल भारतबाट । [५] सत्ताको मोहले बाहिर निस्कन कस्लाई हुन्छ मन कमाएका छन् जालझेल गरी पुस्तौंपुस्तालाई धन । ✍️अर्जुन प्रसाद चौलागाई रामेछापः-सुनापति-१ हालः-अमेरिका,बोस्टन। [६] हाम्रो देशमा चल्ने भनेको नै कुराले हो सारा अर्को चुनाव आएर पनि उस्तै हुनेछ पारा । ✍️बेदु न्यौपाने 🇳🇵 [७] एउटाले देश बनाउन खोज्छ अर्काले खुट्टा तान्छ कुर्सीको लडाइँमा त पाँच वर्ष त यत्तिँकैमा जान्छ । ✍️अम्बिका अधिकारी झापा बिर्तामोड [८] कुरा नै त रहेछ मानव जिवनको भविष्य मित्र काम कार्बाहीको त सधैँ अनिकाल हुन्छ देशभित्र। ✍️सुरेशकुमार पाण्डे दाङ घोराही १८ [९] त्यही त भन्या छक्क परेको छु म पनि आजभोलि तिमीलाई देखेर यसो समय मिले आँखा लगाउनु पठाएको छु एक टुक्का लेखेर। ✍️अनुग्रह राना मगर ‘पुष्प’ पाँचखपन नपा – ६ संखुवासभा । [१०] भाषण अनि आश्वासनमा देश चल्दैछ पाउनेले भुँडी भरे नपाउने जल्दैछ। ✍️बिके मुखिया दार्जिलिङ भारत [११] लुटेराहरूको बढ्दैछ चलखेल नेपालको अर्थतन्त्र बन्दैछ फेल । ✍️कला ढकाल झापा [१२] नेताहरूको कुकृत्य झन बढ्दैछ देशमा भ्रष्टाचार उकालो चढ्दैछ। ✍️सरस्वती श्रेष्ठ इटहरी [१३] पेशा केही छैन यिनको झुटको राजनीतिभन्दा तर पनि राम्रै चलेको छ, लुटाहाहरूको धन्दा । ✍️शंकर कार्की थाहा नगरपालिका ३ मकवानपुर [१४] कसैलाई प्रेम दिवस रे कसैलाई खान लुट्नको चटारो भ्रष्टाचारी भूमाफिया अदालतलाई निर्दोष भन्न हतारो । ✍️चुडामणी देवकोटा [१५] जमायाै आसन चलायाै शासन केवल मन जलायाै देखायाै लालच कमायाै दाैलत सर्वत्र भ्रष्ट फलायाै । ✍️त्रिलाेचन भण्डारी मेचीनगर,झापा [१६] छैनौ मरेका ! छरेकै छ चारो नहान झटारो ठुङ्दा यी भालेहरूले किन मान्नु गाह्रो चटारो ? ✍️विवश पारदर्शी झापा, [१७] झन अस्थिरता आज, अस्ति हिजोभन्दा अचम्मको चलेको छ तिम्रो भ्रष्ट धन्दा । ✍️प्रेम थापा “मन”बागलुङ [१८] कुराले नै बनाउँछन् नेता नेपाललाई जापान टाेकियो साच्चै नेपाल विकसित भए ठगि धन्दा यिनको रोकियो । ✍️सुशीला शिखा काठमाडौं कागेश्वरी [१९] देशको लागि गर्छु भने, भ्रष्टाचारको काममा बेचिखाए खोला र नाला,विदेशीको नै नाममा। ✍️एवाइ प्रभात सहिदभुमि धनकुटा [२०] नगर मेरो रिस सके तिमी पनि लुट बाँड अलिकति घुस पाइनेछ है छुट। ✍️सुस्मिता अधिकारी ,काठमाडौँ [२१] चलोस् देश कुराले, नचलोस् तिखा धारिला छुरा मन जले जलोस्, नजलोस् वसन्त, कपना, भूरा । ✍️मोती सुब्बा दार्जिलिङ भारत। [२२] जल्नेहरू खरानी बन्छन् अस्तित्व पनि फेरिन्छ यस्तै हो यहाँको चलन सन्सारलाई हेरिन्छ । ✍️दीपा गुरुङ्ग (समभाव) काठमाडौ [२३] जस्तालाई तस्तै मिले खुसीयालीले प्रफुल्ल हुने राजनीति विकृति डुङ्डुङ्ती गन्हाउँदा मन रुँने । ✍️प्रद्युम्न चालिसे [२४] मेरो तिम्रो भन्नुभन्दा हाम्रो भन्नुपर्दछ स्वयम् हाम्रो उन्नति अघि अघि नै सर्दछ । ✍️कार्की डिबी माकुम सुनवल-४, नवलपरासी [२५] मेरो देश मेरो धर्ती मलाई प्यारो लाग्छ सबै मिले यस देशको बैँरी आफैँ भाग्छ । ✍️नीमा छिरिङ भोटिया जलढका कालेबुङ भारत [२६] हेर्दाहेर्दै सिङ्गो देशलाई मज्जाले नै निल्यो नेताहरूलाई अजिङ्गर भने ठ्याक्कै मिल्यो। ✍️बि.कुलङ दार्जिलिङ रंगबुल् [२७] इमानी भई काम गर्न कहाँ मन मान्छ उसको ? अरूका महल देख्दा मन पुग्छ फन्दामा घुसको । ✍️कमला देवकोटा, पाल्पा [२८] तिम्रो गफको साम्राज्य अब धेरै टिक्तैन तिम्रो झुटो आश्वासन अब बिक्तै बिक्तैन । ✍️नन्दलाल आचार्य, सिद्धार्थटोल, उदयपुर । [२९] उसको यादले घरी घरी सधैँ मन पाेल्छ नचिनेको मान्छेले पनि त सधैँ राम्रो बोल्छ ! ✍️श्री कृष्ण धामी – बझाङ [३०] बोल्दाबोल्दै वृद्ध भयौ भूमिमा झर्छौ अब तिम्रो कुरा चल्दै हुन्छ देश रोकिन्छ तब । ✍️धनुष न्यौपाने गुठीचौर गाउँपालिका ०४ बिगारे जुम्ला [३१] खै कताकता बस्यौ र तिमी पुग्यौ सत्तामा मूल एजेन्डा बसेको हुन्छ आफ्नै भत्तामा । ✍️दीपा तिम्सना-ईलाम [३२] जसरी नि दलमा लुटतन्त्र फस्टाएकै हुन्छ नेपाली हामी कराउने मात्र हो कसले सुन्छ । ✍️टिकाराम पुन पुकार छत्रेश्वरी गाउँपालिका २ सल्यान [३३] बिक्छ पिठो यहाँ ,जसले गर्छ मिठा कुरा स्वार्थ सिद्ध भएपछि रोप्छन् पिठमा छुरा । ✍️शुक्रराज कुँवर धरान १० [३४] भएभर रित्याएर तिमी खाने गर्छाै अब ज्यादा खायौ भने भुँडी फुटी मर्छाै । ✍️केशवप्रसाद ढकाल ‘प्रीतबीज’ सिरान्चाेक-७, उपल्लो गाेहाेरे, गाेरखा। [३५] देश चलाउने हिँडेका छन् दलालकाे भर ठगी धन्दा गरी बनाएका छन् ठुल्ठुला घर। ✍️राज कुमार राजभण्डारी “खाेटाङ्गे” मध्यपुर ठिमी ५ संगम काेलाेनी भक्तपुर । [३६] अनेक तारतम्य मिलाएर देश चलेकै छ त भन्छौ कुराले टिक्न नसकेर युवा विदेशिए, के पत्याउनु बुढा र भुराले ! ✍️प्रमोद भट्टराई ‘प्रतीक’ कौशलटार, भक्तपुर [३७] कुर्सीमा बस्छौ झार्ने होइन धुलो यी नेताहरूको कुरा मात्रै ठुलो । ✍️हिमा आर सी मेहेलकुना सुर्खेत [३८] हुँदैन उन्नयन, हुँदैन विकास दलालले खाए, छैन यहाँ निकास । ✍️नागेन्द्रप्रसाद यादव [३९] देशकाे सिमानाभित्र कसरी भित्रियाे सय किलाे सुन ? साह्रै नै लगाएका रहेछाै ती दुई नम्बरीलाई गुन । ✍️अनिता भण्डारी ताप्लेजुङ [४०] कुराले नै बाठाटाठा जताततै धेरै छन् खाने इमानदार निराश भई ओइलाएर जाने । ✍️गंगा खड्का बूढानीलकण्ठ , काठमाडौँ [४१] कुरै कुराले बन्ने भए राष्ट्र किन जनता रुन्थे युवाहरू खुसीसाथ अहिले आफ्नै देशमा हुन्थे । ✍️शोभा आचार्य गौतम काठमाडौँ [४२] बाहिर एक अनेकभित्र कालो छ मुहार कालैले आज चम्किलो हुन खोज्दै छ जुहार ! ✍️आर्त अकुलीन [४३] सास चलेर मात्र के गर्नु चाहिँदो ठाउँमा बोल्दैन भने, सेवक हुँ म भनेर आएका पदमा पुग्दा मालिक बने । ✍️ कृष्णकुमार वैद्य बनेपा ९, काभ्रे [४४] थाहै भए पनि कार्बाही गर्दैनन् स-प्रमाण हुँदा प्रष्ट, नामैका लागि त ठुलाले गरेका हाेलान् नि पथमा भ्रष्ट । ✍️रामप्रसाद पुरी, बादेल, खाेटाङ [४५] पृथ्वीनारायण शाहले बनाएको देश सम्हाल्न सकेनौ देश बनाउँछु भन्दै थोत्रा भाषण तिमी यति त बकेनौ। ✍️तेजप्रसाद खनाल दाङ। [४६] ख्याल गर्नु चलाउँदा अब देश कुरै कुराले? चियो गर्न थालेका छन् अचेल सचेत भुराले l ✍️बाबुराम गौतम, गुल्मी [४७] ज्यान कसले दिने हो र देश विकास भनी मौका पर्दा भकारी भर्ने हो पैसा गनि गनि । ✍️राजेशराज गड्तौला कॅाडाघारी, काठमाण्डौ [४८] सबै देश बनेर जाँदा हाम्रो मात्र सधैँभरि किन बिग्रन्छ भोट हाल्ने भोकभोकै तर राष्ट्रको धन नेता कहाँ थिग्रन्छ ! ✍️पवन कुमार बुढाथोकी काठमाडौँ [४९] सफलता मिलेकै छ कालो धनलाई सेतो बनाउने, भन्नेले जेसुकै भनुन् तिनकै मुख नमिठो गनाउने । ✍️होम प्रसाद नेउपाने धरान,सुनसरी । [५०] लुटेराको हातमा देश सुम्पेपछि त्यस्तै हुन्छ जनता सबै भेडा नेता बहिरा कसले सुन्छ । ✍️यामनाथ आचार्य पर्वत [५१] नेता कामले माखो मार्ने होइनन् दुनो सोझ्याउँदै ठिक्क पढेका युवाहरू देशमा बस्नै मान्दैनन् म भए दिक्क । ✍️भगवती दवाडी दमक, झापा [५२] बुढाहरूको दिन गए, अब चलाउनुपर्छ देश युवाले भ्रष्टाचार नियन्त्रण गर्यो भनेपनि, सुख पाउँछौँ साराले । ✍️कबिताहरी सुन्दर हरैंचा नगरपालिका १ मोरङ [५३] चल्ने मात्र कुरा गर्छौ,तिमी हौ पराइ भक्ति एकमुठी सास बाँकी रह्यो,छैन उठ्ने शक्ति । ✍️मन्दिरा सेढाई मलेखु,धादिङ [५४] हाम्रो देश गुज्रिरहेकाे भ्रष्ट अनि दलालहरूकाे परेर भर भ्रष्टाचार गरि जनतालाई रुवाई ठाउँ ठाउँमा बनाए घर।। ✍️सहयात्री शोभा अर्याल रुपन्देही [५५] भाषणलेनै जम्छ आसन भने किन गर्नु राम्रो कर्म पापलेनै चल्छ जीवन गजब भने किन गर्नु धर्म । ✍️ध्रुव श्रेष्ठ हाल काठमाडौँ [५६] कुराले मात्रै हुँदैन नि विकास याे हाम्राे गाउँ नगराैँ सधैँ भ्रमकाे खेती सम्हालाैँ आफ्नै ठाउँ । ✍️हरिगाेपाल प्रधान काभ्रे पलाञ्चाेक, बनेपा १४ साँगा बजार । [५७] नेता दलाल, जनता भेडा नेपाल खुला बजार दलाली मै मोलमोलाइ छ देशको मूल्य हजार । ✍️पद्मा काश्यप पाण्डे, मोरङ [५८] मख्ख छन् दुनियाँ ती, चिल्लो बोलेर जान्छन् फेरि त्यही, चिल्लोले पोलेर । ✍️चन्द्रकली राना मगर नौबहिनी ३, प्युठान [५९] तछाड मछाड केको सधैँ न सकेको देशको मुहार फेर्न गर देशमा रजाइँ जनता बसेका छन् तिम्रो रमित हेर्न। ✍️दुर्गा आचार्य मोरङ [६०] चारैतिर टलक्कै सेतै हिमाल हाँसेको सलल बग्ने नदीलाई देख्दैछु मासेको । ✍️शशीश्री आचार्य बौद्ध कुमारीगाल काठमाडौँ
काठमाडौँ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ११९ औँ शृङ्खला सम्पन्न भएको छ । अभ्यासमा नेपाल लगायत विश्वका ७१ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ११९औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
फर्केला पालाको पैँचो आउँला तिम्रो नि दिन
व्याज र हर्जाना सहित, तिर्ला छोराले रिन ।
✍️ वसन्त अनुभव
घोराही उपमहानगरपालिका १४, दाङ
[२]
बाबा आमाको सेवा गर आफ्नै देउता मानी
पालो आउला छोरो होला भन्ने आफैँले जानी ।
✍️समुद्र आचार्य
[३]
हतारमा कहिल्यै नगर्नु निर्णय त्यसले ज्यान लिन्छ
घरको के कुरा गर्छौ सहरमा पसी दलालीले किन्छ ।
✍️अम्बिका अधिकारी
झापा बिर्तामोड
[४]
बुबाआमालाई वृद्धाश्रम पुर्याउनु नै घोर अपराध मानिन्छ
फर्केर आउँदाखेरि अब त खुशी साटासाट व्यक्त गर्न जानिन्छ ।
✍️कबिताहरी
सुन्दर हरैंचा नगरपालिका १ मोरङ
[५]
बुढाबुढी बाआमा झर्को लाग्यो घरमा
खुशी छु छोडी आएँ आश्रमको भरमा ।
✍️डम्बर थामी 'अनुपम '
कालिन्चोक गा. पा. -६, दोलखा ।
[६]
बाआमालाई पुज्ने गर भगवान ठान
तिनै लाेकमा पाउनेछाैँ तिमीले सम्मान ।
✍️केसर बाेहरा ( सङ्घर्ष )
सुदूरपश्चिम अछाम । हाल भारतबाट ।
[७]
बालाई फ्याँके पनि डोको राख्नुपर्छ भन्छ छोरो
किन भन्दा तिमीलाई फ्याँक्न चाहिन्छ भन्छ मोरो ।
✍️गुणनिधि घिमिरे, अमेरिका
[८]
बाआमाको सेवा गर तिम्रो पनि आउॅंछ पालो
आश्रममा छोडी नफर्क आफैँ बन्छौ निलोकालो ।
✍️अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[९]️
रातदिन घरमा बसेर, इज्जत धेरै पाएँ,
आँखा छलेर श्रीमानज्यूको माइत भागी आएँ ।
✍️होम प्रसाद नेउपानेे
धरान,सुनसरी
[१०]
छोरी जन्मिई भनेर बाबा दु:खी हुन्छन्
अहिले गलत रहेछु भन्दै पो रुन्छन् ।
✍️शशीश्री आचार्य
बौद्ध कुमारीगाल काठमाडौं
[११]
जिन्दगी दिने जिउँदो परमात्मालाई चिन
तिमीले तिर्नुपर्छ जसरी नि उनको रिन ।
✍️रतन पाण्डे, 'पारतन',दार्जीलिङ।
[१२]
उसको पनि रापिलो घाम तुवाँलोले छेक्ला
आफैँले दु:ख पाएपछि काँडे महल टेक्ला ।
✍️ प्रदीप के रिमाल
इटहरी -८
[१३]
ईश्वर समान बाआमा ति हुन्छन् धेरै घाँडाे
के स्वार्थ हाे ? सन्तानले नै भुल्छन् कर्तव्य चाँडाे ।
✍️ ताराप्रसाद चापागाईँ
धुनिबेसी
[१४]
बाबाआमा जिउँदा भगवान रहेछन् नामका
बुढेसकालले छोएपछि छैनन् कुनै कामका ।
✍️अच्युत घिमिरे, सर्पाङ, भुटान🇧🇹
[१५]
स्वास्नीकाे कुरा सुनेर बाबुआमालाई डाँडै कटायाे
कुम्ल्याई सबै सम्पत्ति जति गई बल्ल धुलाे चटायाे ।
✍️भवानी पाेखरेल (बाबू विराज)
बाणगङ्गा १ चार नम्बर कपिलवस्तु
[१६]
पृथ्वी गोलो छ भन्छन् आउँनेछ घुमेर
पालो पक्कै आउँला गएपछि उमेर ।
✍️चन्द्रकली राना मगर
प्युठान
[१७]
हतारको निर्णय सक्छ गलत हुन
बेलैमा सचेत भए पर्नेछैन रुन ।
✍️सरिता सेढाई धादिङ
[१८]
पैसा नहुने र बुढाेलाई नगन्ने रहेछन्
बुढेसकालमा वृद्धहरू आश्रम गएछ्न् ।
✍️भाेलामान बर्देवा धरान ८ सुनसरी
[१९]
ईश्वर खाेज्छौ गुम्वा, चर्च, मन्दिर, मुर्तीसँग किन ?
मानव, दानव, देव के हाै ? कर्मवीर भई चिन ।
✍️जी.वि.चिन्तन घाेराही-१४ दाङ ।
२०८०/१०/०६ बिहान ४:४८
[२०]
साहस कस्तो हुन्छ भनेर थाहा हुन्छ बल्ल खोला तरेपछि
अहिले खिस्स हाँस्दै गर, चाल पाउँछौ आफैँलाई परेपछि ।
✍️अनुग्रह राना मगर 'पुष्प'
पाँचखपन नपा - ६ संखुवासभा ।
[२१]
बाआमा आश्रम छोडी घरमा कुकुर पाल्छन्
देउता नचिन्नेले मन्दिर गई दियो बाल्छन् ।
✍️बिके मुखिया
दार्जिलिङ भारत
[२२]
असल साथी त्यो हो जो दु:ख पर्दा
साथ
राख्न सकुँ उसैलाई सधै मेरो माथ ।
✍️देव मगर
तिनाउ-१, कचल,पाल्पा
[२३]
वृद्ध आमाबाबुलाई जसले गर्छ हेला
अखिरमा उमेर काटेपछि पर्छ फेला ।
✍️राज कुमार राजभण्डारी "खाेटाङ्गे"
मध्यपुर ठिमी ५ संगम काेलाेनी भक्तपुर ।
[२४]
स्वार्थ खातिर सन्तान आज बाबुआमा नै भुल्छ्न् ,
भगवान् राखी वृद्धाश्रममा मन्दिर खाेजी डुल्छन् ।
✍️त्रिलाेचन भण्डारी
मेचीनगर,झापा
[२५]
बाआमालाई लगेर आश्रम फाल्न मन कसरी मानेको
आखिर सन्तान हुर्कँदैछ गर्ला अवश्य देखेको जानेको ।
✍️दीपा तिम्सना पौडेल-ईलाम
[२६]
घरमा अचेल चल्ने गर्छ सधैँ नै जुहारी
कहिले सासू उफ्रने कहिले चाहिँ बुहारी ।
✍️ बाबुराम पाण्डे
अर्घाखाँची
[२७]
पछिसम्मको सहारा बन्छु भनेर अहिले मोड्यौ
श्रीमतीको कुरा सुनी बा आमालाई आश्रम छोड्यौ ।
✍️हिमा आर सी
मेहेलकुना सुर्खेत
[२८]
सम्झेर बाेझ बाआमा कुटीमा छाेडेर आएँ
घर फर्किआउँदा रित्ताे र सुनसान पाएँ ।
✍️खुनराज काेईराला
सिद्दलेक-३, गैरीगाउँ धादिङ
[२९]
छोराछोरीको अमेरिका जाने भिसा आयो
वृद्ध बाआमा वृद्धआश्रमको जिम्मा लायो ।
✍️चुडामणी देबकोटा
चनपा १३ काठमाडौँ
[३०]
सवारी के थियो पुर्याउँने आश्रम जाँदाखेरि
छोराले खै भनी सोध्न सक्छ, तिम्लाई लाँन फेरि ।
✍️निलहरि काफ्ले
[३१]
जोइटिङ्ग्रे भएपछि यस्तै त हुन्छ
कुरा सुन्दा मात्रै नि मन मेरो रुन्छ ।
✍️गंगा खड्का
बूढानीलकण्ठ, काठमाडौँ
[३२]
आफू पो बुढो हुन्छु हुन्न थाहा छैन अहिले
वृद्धाश्रम छोडी आउँछु बाबुआमा पहिले ।
✍️ कमला देवकोटा, पाल्पा
[३३]
हटाउनु पर्छ भन्छन् सबैले मनकाे विकार
अनि बल्ल आउने छ जीवनमा राम्राे निखार ।
✍️नवराज भट्ट
कञ्चनपुर
[३४]
परदेश आएपछि हुँदैन बाबाआमा भुल्नू
पैसा कमाउने उमेरमा यताउता नडुल्नू ।
✍️ श्री कृष्ण धामी - बझाङ
[३५]
भगवान भन्नू नै हुन् बाबाआमा
मन्दिर किन जान्छौ, हेर त मामा ।
✍️एवाइ प्रभात
धनकुटा
[३६]
मनलाई सम्झाएर फेरि आएँ
तर पनि यहाँ खै पो मैले पाएँ ।
✍️नीमा छिरिङ भोटिया
जलढका कालेबुङ भारत
[३७]
चारधाम लैजाउँला भनेर बुढाबुढी फुरफुर पारे,
धर्मकर्मको बहानामा सुटुक्क लगेर वृद्धाश्रम झारे ।
✍️ कृष्णकुमार वैद्य
बनेपा ९, काभ्रे
[३८]
वृद्ध बाआमाको किचकिच सुनेर दुवै हात जोडी,
बुहारीको सल्लाहमा छोरा आयो वृद्धआश्रम छोडी ।
✍️विवश पारदर्शी
झापा
[३९]
जुन दिन आमाबाबालाई वृद्धाश्रममा लग्यौ
त्यही दिनदेखि तिमी आफूले आफैँलाई ठग्यौ ।
✍️प्रेम थापा "मन"बागलुङ
[४०]
बाबा आमा ईश्वरको रूप, भुलिसके आज
पुत्र सुन्छन् कुरा श्रीमतीको, पचाएर लाज ।
✍️दीपा गुरुङ्ग (समभाव)
बुनपा-१२ काठमाडौ
[४१]
देखाएर ङिच्च दाँत बुवाआमालाई गर्छन् घातैघात
खान नै दिँदैनन् राम्रो मुखले लगाएर नमिठो बात ।
✍️टिकाराम पुन एटम
सल्यान, छत्रेश्वरी गाउँपालिका २
[४२]
भएजति तागतलाई थुतुनोमा सारे
अतएव वृद्धाश्रममा राख्न बाध्य पारे l
✍️बाबुराम गौतम, गुल्मी
[४३]
जिउँदा भगवान बुबाआमा नगर्नू कहिल्यै हेला
कुमालेको चर्खा हो हाम्रो यो जीवन भोलि पर्छौ फेला ।
✍️दुर्गा आचार्य
मोरङ
[४४]
बाआमालाई वृद्धाश्रम पुर्यायौ, स्वास्नीको कुरा सुनेर
राख मोराहरू घरबार सबै, ताला लगाई थुनेर ।
✍️मोती सुब्बा
दार्जिलिङ भारत।
[४५]
बल हुँदा बैँस हुँदा केही थिएन गाह्रो
उमेर ढल्दै जीर्ण बन्दा बाँच्न भयो साह्रो ।
✍️तोया नाथ चापागाईं
दमक,झापा,नेपाल
[४६]
याद गर जस्ताे राेपेकाे छ त्यस्तै लाग्ने हाे फल
आमाबाबा नै ईश्वर हुन् बग्ला आँखाबाट भल ।
✍️प्रद्युम्न चालिसे
भक्तपुर कटुञ्जे ।
[४७]
सबैको दिन आँउछ एक दिन वृद्ध हुने
एकदिन जानैपर्छ सम्झी सम्झी किन रुने ?
✍️ध्रुव श्रेष्ठ
हाल काठमाडौँ
[४८]
बाआमाको मन हुन्छ सधैँ छोराछोरीलाई
छोराछोरी बुझ्ने हुन्छन् बल्ल आफ्नो पालो आई ।
✍️पुष्पा राई, खाेटाङ
[४९]
तान्दै घिसार्दै वृद्धाश्रम लैजाऊ छोरा भाइ
छोरा चाहियो भन्दै छोरी गर्भैमा मार्नेलाई ।
✍️पुष्पा सुवेदी
नेपालगंन्ज, बॅाके।
[५०]
शान्त म जति छु, उति भन्छन् कचकचे
बोलेर केही हुँदैन अङ्ग थला बसे ।
✍️मनोहरी पौडेल
गैडाकोट १
२०८०/१०/६
[५१]
अग्रजलाई उच्च स्थानमा राख्दा कलह गर्छौ,
हुर्काएका पसिनाको मूल्य तिमी कसरी भर्छौ ?
✍️शोभा आचार्य गौतम
काठमाडौँ
[५२]
कमाई गर्न नसक्नेलाई किन गर्ने माया ?
अगति परिन्छ होला परेमा तिनको छाया ।
✍️कार्की डिबी माकुम
सुनवल-४, नवलपरासी
[५३]
कसरी हुर्किएँ सम्झिन्नँ आफू चाहन्छु डुल्न
घरको स्वर्ग बिगारेर देखावटीमा भुल्न ।
✍️सुस्मिता अधिकारी
काठमाडौँ
[५४]
अस्तायो घाम अँध्यारो भयो गाउँ र सहर
बुढेसकाल लागेर होला छैन नि रहर ।
✍️आर्त अकुलीन
[५५]
छोरो भने दुलही ल्याए हुन्छ हेर न पराई
बुढेसकालमा बाबाआमा बस्छन् रोइकराई ।
✍️ईन्दु श्रेष्ठ
चितवन
[५६]
बुढो भयो सब रङ्ग गयो आँगन परदेश हुने बेलामा
घरमा देखि नसहेर पुर्यायौ आश्रम आज भए हेलामा ।
✍️भगवती दवाडी, झापा
[५७]
अर्धनग्न कपडा लगाउँदा हुने भयो सस्तो
जाडोमा पनि स्यान्डो लगाउने भन तिमी कस्तो ।
✍️धनुष न्यौपाने
गुठीचौर गाउँपालिका ०४ बिगारे जुम्ला
[५८]
स्वास्नीको कुरा सुनी बाबुआमा पारे पर
तिनका आँसुले पोल्ला महोदय होस् गर ।
✍️दुर्गा भट्टराई
मोरङ
[५९]
आफ्ना ती सबै पराई भए
हेलाले मस्तिष्क गल्दै गए ।
✍️गम्भीर दुवाडी
गजुरी-५, धादिङ्ग
[६०]
बल बैँस हुँदा बाबाआमालाई हेला गर्ने
घुमीफिरी समय आउँदा आफैँ फेला पर्ने ।
✍️बुद्धिमान दनुवार ( सुरुङ्गेली कान्छो )
कनकाई ४ झापा
[६१]
सानो छँदा पाल्छु भन्ने ठुलेा भएपछि विदेश नै पो गयो
नेताले विकासको बत्ती निभाई दिएर अन्धकार भयो ।
✍️पवन कुमार बुढाथेाकी
काठमाडौँ
[६२]
जन्माउने हुर्काउनेको व्यर्थको दु:ख पाइयो
बुढेसकालको सहारामा आश्रम पो आइयो ।
✍️जमुना आचार्य, सिन्धुपाल्चोक
[६३]
'मारे पाप पाले पुण्य' छोरी दिएँ तिम्रै भरमा
भनी दियौ नि बाबा मलाई पराइको घरमा ।
✍️उमा दाहाल
शुन्दर हरैँचा -१० मोरङ
[६४]
अलकापुरीमा बस्ने हुतीहारा भनी कसलाई ठान्नु ?
कामधाम लात मारी अधोगति यात्रा गर्नेलाई मान्नु ।
✍️नन्दलाल आचार्य
सिद्धार्थटोल, उदयपुर ।
[६५]
बाआमा बोझ सम्झनेले कहाँ शान्ति पाउँछ ?
सम्झिराख तिमी भोलि तिम्रो नि पालो आउँछ ।
✍️मन्दिरा सेढाई
मलेखु,धादिङ
[६६]
वृद्धाश्रम बनाएर, धाकधक्कु गरे जब
बाबुआमा भए घाँडो, मर्यो मानवता तब।
✍️रामशरण न्यौपाने, भक्तपुर
[६७]
बुढेसकालको सहारा भन्नु बेकार छ छोरा
हामी बुढाबुढीलाई हेपिस् नि आज तैँले मोरा ।
✍️राजेशराज गड्तौला
कॅाडाघारी, काठमाण्डौ
[६८]
कहिले होला स्वदेशमै रोजगारीको व्यवस्था ?
जति सरकार फेरिए पनि उस्तै छ अवस्था ।
✍️पद्मा काश्यप पाण्डे, मोरङ
[६९]
आमाबाबुलाई वृद्धाश्रममा राखेको
समाजको भनाइ खाएर त थाकेको ।
✍️सहयात्री शोभा अर्याल
रुपन्देही , बुटवल
[७०]
घरमा बुबाआमालाई जसले रुवाउॅंछ
उही मन्दिरमा देवता पूज्न किन धाउॅंछ ?
✍️अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[७१]
छाेडेर आमाबुबा अरू कसको गराैँ सेवा ?
दुर्बललाई बेलैमा दिनुपर्ने थियोे टेवा ।
✍️हरिगाेपाल प्रधान
काभ्रेपलाञ्चाेक, बनेपा १४, साँगा बजार ।
काठमाडौँ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ११७ औँ शृङ्खला सम्पन्न भएको छ । अभ्यासमा नेपाल लगायत विश्वका ६१ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ११७औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
कामै गरेन नेताले भन्छन् बदमास अविकासी नगरेको भए लाखौँ युवा कसरी भए निकासी ?
वसन्त अनुभव घोराही, दाङ
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
क्विन्टलका क्विन्टल सुन भित्र्याउनु भयो देख्दैनन् त खोइ
महङ्गी बेरोजगार उपहारको लर्को बस्छन् अझै रोई ।
✍️
वसन्त अनुभव
घोराही उपमहानगरपालिका १४, दाङ
[२]
युवाहरूका रेमिटेन्सले नेपाल देश चल्दैछ,
अनि गरिब दुखीहरूका घरमा आगो बल्दैछ।
✍️
एवाइ प्रभात
सहिदभुमि-३,छेन्ताङ धनकुटा
[३]
युवा विदेश पठाउँदा पनि कमिसन पाइन्छ,
के हेर्नु छ र अब सबै विदेश लाइन लाइन्छ।
✍️
अच्युत घिमिरे, सर्पाङ, भुटान🇧🇹
[४]
मरेर यतिसम्म गर्दा पनि विकास
युवाले भन्छन् कहिले दिने हुन् निकास।
✍️
प्रदीप के रिमाल।
[५]
यस्तो देशमा जन्मिएका हामी भाग्यमानी कति
कहिले पलाउने बुद्धि र सुध्रने होला मति?
✍️
अर्जुन प्रसाद चौलागाई
रामेछापः-सुनापति-१
हालः-अमेरिका,बोस्टन।
[६]
मतदान गर्दा बुद्धि पुराएको खोइ
नेतालाई दोष दिदै रुन्छ लाटो पोइ ।
✍️
बिके मुखिया
दार्जिलिङ, भारत।
[७]
बेच्दै छाैँ युवा विदेशतिर किन खाेज्छाै एयरपाेर्टकाे लस्कर
युवाशक्ति निकासी सरकारकाे नीति कहाँ भाे मानव तस्कर ?
✍️
ताराप्रसाद चापागाईँ
धुनिबेसी
[८]
नगरेको हैन विकास देशमा राजनीति निकै भयो
यति हो यहाँ बेरोजगार बनी युवा चैँ विदेश गयो।
✍️
शंकर कार्की थाहा ३ मकवानपुर
[९]
मान्छेको रहेछ दुई दिने चोला,
मरेपछि त पक्कै जाने हो खाेला !
✍️
कृष्ण धामी - बझाङ
[१०]
कति गरून् त नेताले युवालाई गोली दिन्छन्,
सुन तस्करीको विकास गर्न चैँ झोले किन्छन् ।
✍️
विवश पारदर्शी
झापा,
[११]
मान र सम्मानको मात्र कुरा गर्छौ,स्वाभिमानको कुरामा तर्सन्छौ ?
राजनैतिकको मात्र भाषण छाट्छौ,नैतिकताको कुरोमा बर्सन्छौ ?
✍️
पेम्बा योल्मो
[१२]
नेतालाई भन्दा पनि नीतिलाई मानौँ
हाम्रालाई भन्दा पनि राम्रालाई छानौँं ।
✍️
डम्बर थामी 'अनुपम'
कालिन्चोक गा. पा. -६, दोलखा ।
[१३]
दिएकै छन् भाषण चिल्ला सुनेकै छौँ चर्का बोली
भोको युवा देश छोडेर खाएकै छन् तिखा गोली
✍️
उमा दाहाल
शुन्दर हरैँचा -१० मोरङ
[१४]
देशमा राेजगार छैन् युवा जति विदेशतिर गएदेखि
काम भने सिन्काे भाँच्दैनन् नेताहरू ठुला ठुला गर्छन् सेखी ।
✍️
सहयात्री शाेभा अर्याल
रुपन्देही , बुटवल
[१५]
बदमास मान्छेहरू हुन् हाम्रा देशका अविकासी
देशमा रोजगार भए पो युवा नहुन् त निकासी
✍️
गुणनिधि घिमिरे अमेरिका
[१६]
नेताहरू हिँड्छन् कालो सिसा भएको गाडीमा
युवाहरूको सारा जवानी रित्तिन्छ खाडीमा ।
✍️
बि.कुलुङ
दार्जिलिङ
[१७]
हरेक युवाको जीवनसँग नखेल एकदिन बल्नेछ राको,
देशमा रोजगारीको ग्यारेन्टी नगरे सबैको निस्कनेछ डाको।
✍️
अम्बिका अधिकारी
झापा बिर्तामोड
[१८]
चप्पलका फिता लगाएर नमस्कार भन्दै भोट माग्न आए
गद्दी सम्हालेपछि जनताको विश्वास मासुझैँ पोलेर खाए ।
✍️
रतन पाण्डे, 'पारतन', दार्जीलिङ।
[१९]
मानव तस्कर सदियौँदेखि गरिरहेका छन्, यहाँ सरकार आफैँले
उल्टै जनताको हितमा बोल्नु र गर्नुपर्नेमा, झन भन्छन् के बुझिस् तैँले ?
✍️
कबिताहरी
सुन्दरहरैँचा नगरपालिका १ मोरङ
[२०]
फोस्रा भाषणमात्र गर्छन् नेता घुम्छन् चिल्लाे कारमा
देश डुब्न लाछ जनताहरू परेका छन् मारमा ।
✍️
नाम केसर बाेहरा ( सङ्घर्ष )
सुदूरपश्चिम अछाम ।
हाल भारतबाट ।।
[२१]
लाजविनाको सरकारको सदा काम खोटी
जनताको निकासी चाहीँ गर्छ हजार चाेटी ।
✍️
त्रिलाेचन भण्डारी
मेचीनगर,झापा
[२२]
धुन्धुकारीले रित्याइसके भकारीका बीज,
निकासी गर्न शासकले देख्दैन अरू चिज !
✍️
कृष्णकुमार वैद्य
बनेपा ९, काभ्रे
[२३]
रहर कहाँ हुन्छ विदेश जान छोडी आमाको काख
खोज्दै वेरोजगार नमार बरू निकासी गरी राख।
✍️
भगवती दवाडी
[२४]
नगरेका त कहाँ हुन् र आफ्नालाई त छँदै छन् नि च्यापेका
सोझासाझा र निमुखा जनताको पो मुखमा हिलो छ्यापेका ।
✍️
गंगा खड्का
बूढानीलकण्ठ ,काठमाडौँ
[२५]
त्यही युवा थिए देशमा निकासी गर्यो
अरूभन्दा महङ्गो सुन चोरेर मर्यो ।
✍️
चुडामणी ध्रुव देवकोटा
[२६]
धारे हात लगाउँछन् नेतालाई खराब छ भनी
चुनाव आउँदा भोट दिन्छन् तिनैलाई गनी गनी ।
✍️
रचना मोक्तान " यात्री "
नमोबुद्ध न. पा.-५, काभ्रे
[२७]
गरेनौ भन्दिनँ म धेरै गर्यौ अनि आफ्नै भर्यौ मानो
एकचोटी गएर हेरिदेऊ घरको चुहिने छानो ।
✍️
अनुग्रह राना मगर 'पुष्प'
पाँचखपन नपा - ६ संखुवासभा ।
[२८]
बदमासी गरेर सबैले कुरा गरे
राम्रो काम गर्यौ र त युवा जति मरे ।
✍️
हिमा आर सी
मेहेलकुना सुर्खेत
[२९]
जन्तालाई ठुला ठुला आश्वासन दिएर चढ्यौ सत्ता
मतदान जितेपछि बाचा बिर्सी भयौ आज बेपत्ता ।
✍️
दीपा तिम्सना पौडेल-ईलाम
[३०]
युवालाई विदेश पठाउनुलाई के भन्छौ विकास
कदापि यसरी हुनेछैन कसै गरी पनि निकास ।
✍️
प्रेम थापा "मन"बागलुङ
[३१]
कलकारखाना उद्योगधन्दा सबै बन्द गरे
युवा बाहिर पठाए टन्टै पो साफ हुन्छ अरे ।
✍️
सरिता सेढाई धादिङ
[३२]
देश विकासको नाममा विदेशीसँग ऋण मागी मागी,
गरेका छन् नेताले राम्रा राम्रा काम नातागोताकाे लागि ।
✍️
राज कुमार राजभण्डारी "खाेटाङ्गे"
मध्यपुर ठिमी ५ संगम काेलाेनी भक्तपुर ।
[३३]
नदीनाला पहिल्यै बिके मानव नबेचे कसरी कमाउने
एक क्विन्टल सुन ल्याउँदा पनि मुर्खहरू ऑखा लगाउने !
✍️
इन्दिरा देवकोटा
[३४]
उद्योग नभएर के भयो त, विकल्प छन् प्रसस्त
राजनीतिको व्यापार गरेर, कमाऊ पैसा मस्त।
✍️
होम प्रसाद नेउपाने
धरान,सुनसरी।
[३५]
भ्रष्टाचारकै सरकार छ भ्रष्टाचारीलाई मोज
पितपत्रकारिता नै गर्ने यो सरकारको खोज ।
✍️
समुद्र
जल्जला ७ गण्डकी
[३६]
दाेष दिन्छाै नेतालाई कर्मचारी के हुन ?
हिलाे छ्यापेर चाेखाे बन्ने प्रवृति हाे जुन ।
✍️
जि.बि.चिन्तन
२०८०/०९/२१ शनिवार बिहान ६:५४ दाङ
[३७]
अधिकार दिएर नेता बनाइयो
उसैले हाम्रो अधिकार खाइदियो।
✍️
नीमा छिरिङ भोटिया
जलढका कालेबुङ भारत
[३८]
युवाजति विदेश पठाउनू देश रित्तो पारी
नेताजति स्वादे तिध्रा देशमा सिन्का नै नसारी।
✍️
मोती सुब्बा
दार्जिलिङ, भारत।
[३९]
हिँड्दा हिँड्दै नेता खाडल हेर्न बिर्सेछ हरे
जनता विदेश फगत एक्लो परेछ भरे !
✍️
मनोहरी पौडेल
गैडाकोट १
[४०]
विकासको नाममा युवा र शरणार्थीको निकास दुखद
रकम खल्ती भर्दै बङ्गला गाडी नेताको जीवन सुखद !
✍️
कमला देवकोटा, पाल्पा
[४१]
माउ दुब्लो पारेर नेताले सकल मोटा भए
दाउ ठुलो राखेर खेताले नक्कल छोटा रहे
✍️
गम्भीर दुवाडी
गजुरी ५ धादिङ्ग
[४२]
विकासले देश भइसक्याे भरिभराउ केटा
जनता किनबेच गरी नेतृत्वले बेरे फेटा ।
✍️
खुनराज काईराला
सिद्दलेक-३ गैरीगाउँ,धादिङ
[४३]
कोही बाध्यताले विदेश लागे कोही लागे रहरमा
कोही योजना बनाएर लागे कोही भने लहरमामा।
✍️
ध्रुव श्रेष्ठ
हाल काठमाडौ ।
[४४]
अरूलाई खेदौँ आफ्ना सन्तानलाई अझै ठाउँ पुगेको छैन
स्याल खेदिकन जनताले नै व्वाँसाेलाई सत्ता सुम्पेको हैन ?
✍️
रामप्रसाद पुरी, बादेल, खाेटाङ ।
[४५]
एकले अर्काे माथि नै दाेषाराेपण मात्र गर्ने ,
देशमा युवा राेके विदेशी मुद्रा कसरी भर्ने ।
✍️
प्रद्युम्न चालिसे
भक्तपुर कटुञ्जे ।
[४६]
निकासी गर्न पनि ज्यान दिनुपर्ने यहाँ कस्तो हो यो खेल
आफ्नो फोहोरलाई पाकेटमा हाल्दा अवश्य आउँछ रेल ।
✍️
धनुष न्यौपाने
गुठिचौर गाउँपालिका ०४बिगारे जुम्ला
[४७]
दुष्टहरूले देख्नै चाहेनन् हामीले गरेको विकास
विदेशी मुद्रा आर्जन गर्ने खोलेका हौँ नौलो निकास ।
✍️
बाबुराम गौतम, गुल्मी
[४८]
काम, दाम कमाउन युवा विदेशीए
दोष जति सबै सरकारलाई दिए ।
✍️
बुद्धिमान दनुवार ( सुरुङ्गेली कान्छो )
कनकाई ४ झापा
[४९]
युवा निकासी गर्ने कारखाना बन्यो देश हाम्रो
जनतालाई सधैँ दुःख नेतालाई मात्र राम्रो ।
✍️
सुस्मिता अधिकारी ,काठमाडौँ
[५०]
ध्यान किन जाँदैन हो सरकारको, हाम्रा युवा पिँढीतिर
दुनियाँको नजरमा देश तल पर्ला कि भन्ने लाग्छ पिर।
✍️
यमुना प्रधानाङ्ग'मुना'
वीरगञ्ज, पर्सा
हाल: इमाडोल, ललितपुर
[५१]
उकाली बाटो बिर्सेर आफू विदेश गएका
किन हो मान्छे जननी भुल्ने निष्ठुर भएका !
✍️
आर्त अकुलीन
[५२]
गरिरहेछन् नेताले रोजगारीको काम हेर
फलस्वरूप विदेशीए, युवाहरू कति धेर।
✍️
शोभा आचार्य गौतम
काठमाडौँ
[५३]
अचेल विदेशमा पासपोर्ट बिक्छ
पाठशालामा यहाँ, छात्र खै के सिक्छ ?
✍️
नागेन्द्रप्रसाद यादव , दाङ
[५४]
कुर्सीमा बसी ठुलो बनी जसरी नी लाखौँ विदेश छु त पठाएको
जति गरे नि देख्दैनन् जनता चारैतिर कार्यकर्ता छु खटाएको ।
✍️
सुशीला शिखा
काठमाडौ कागेश्वरी
[५५]
स्वदेश भुलेर नजाऊ काेही विदेश
गर्न जाने यही रमाइलो परिवेश ।
✍️
हरिगाेपाल प्रधान
काभ्रे पलाञ्चाेक , बनेपा १४ साँगा जार ।
[५६]
युवा गरियो निकासी, यो पैठारी किन चाहियो
बेचेरै नेपाली युवा खल्ती टन्न भर्न पाइयो ।
✍️
राजेशराज गड्तौला
कॅाडाघारी, काठमाण्डौ
[५७]
युवा लक्षित स्वरोजगार बहानामा पनि
नेताको नै झोला भर्ने गर्छन् सबै भ्रष्ट बनी ।
✍️
पद्मा काश्यप पाण्डे, मोरङ
[५८]
जनतालाई बाख्रा जस्तै बेच्छ सरकार हाम्रो
झोलेहरू अझै भन्छन् विदेश पठाएको राम्रो ।
✍️
बिके माकजू , भक्तपुर ।
[५९]
म नेताले कुन जनताको लखेटेको छु र छोराछोरी
तिम्रा सन्तानहरू बुरुक्क भई हिँड्छन् हेर उफ्रि ओरी ।
✍️
कमला पौडेल
[६०]
देशको उन्नति प्रगति दोस्रो कुरा
कमाउनै मस्त सरकार बबुरा ।
✍️
कोपिला अधिकारी
सिरानचोक ७ , गोरखा
[६१]
युवा विदेश खेदिन्छन्, लाखौँ पर्छन् प्रहारमा
विकासको झिटी गुन्टा, खाने छन् दरबारमा।
✍️
रामशरण न्यौपाने, भक्तपुर
