Category: राजनीति

काठमाण्डाै – कांग्रेस सभापतिको चयनका लागि फेरि मतदान हुने भएको छ । पहिलो चरणमा कसैले पनि ५० प्रतिशत कटाउन नसकेपछि फेरि मतदान हुन लागेको हो ।

सभापतिका लागि शेरबहादुर देउवा, डा.शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धामा थिए । महाधिवेशनका ४ हजार ७ सय ४३ प्रतिनिधिहरूमध्ये ४ हजार ६ सय ७९ मत खसेको थियो । पहिलो चरणमै जित निकाल्नका लागि बहुमत अर्थात २३ सय ४० मत आवश्यक थियो ।

तर, सभापतिका प्रत्यासी कसैले पनि बहुमत प्राप्त गर्न सकेनन् । पहिलो चरणमा देउवाले २२५८ मत प्राप्त गर्नुभएको छ । उहाँले ८२ मतले ५० प्रतिशत कटाउन सक्नुभएन । कोइरालाले १७२९, सिंहले ३७१ निधिले २४९ र गुरुङले २० मत प्राप्त गर्नुभयो ।

अब सबैभन्दा धेरै भोट प्राप्त गर्ने देउवा र कोइरालाका बीच प्रतिस्पर्धा हुनेछ । कांग्रेसको विधानअनुसार सभापतिमा निर्वाचित हुन बहुमत अर्थात ५० प्रतिशतभन्दा बढी मत ल्याउनैपर्छ । यदि कसैले पनि ५० प्रतिशत नकटाएको अवस्थामा सबैभन्दा धेरै मत प्राप्त गर्ने दुई प्रतिस्पर्धीकाबीच पुनः मतदान गराउनुपर्ने व्यवस्था छ ।

निर्वाचन समितिले मतपत्रको तयारी गरेर तुरुन्तै मतदान प्रक्रिया अघि बढाउने जनाएको छ ।

काठमाण्डाै – कांग्रेस महाधिवेशनमा सभापतिको मत गणना अन्तिम चरणमा पुगेको छ ।

अहिलेसम्म ४२ सय ७६ मत गणना भएको छ । अब ४ सय ३ मत गन्न बाँकी छ । सभापति शेरबहादुर देउवाले दुई हजार मत कटाउनुभएको छ । उहाँले २ हजार ४६ मत प्राप्त गर्नुभएको छ । त्यस्तै अर्का उम्मेदवार डा.शेखर कोइरालाले १६ सय १५ र प्रकाशमान सिंहले ३ सय ३५ मत प्राप्त गर्नुभएको छ ।

अहिलेसम्मको मत परिणाम अनुसार विमलेन्द्र निधिले २ सय ३८ र कल्याण गुरुङले २० मत मात्र पाउनुभएको छ । नेतृत्वका लागि शेरबहादुर देउवा र शेखर कोइरालाबीच मुख्य प्रतिस्पर्धा छ । कुल ४ हजार ७ सय ४३ मतदातामध्ये ४ हजार ६ सय ७९ मत खसेको छ ।

अब ४ सय ३ मत गन्न बाँकी छ । काठमाण्डौको राष्ट्रिय सभागृहमा आज बिहानैदेखि मतगणना चलिरहेको छ ।

काठमाडौं । राष्ट्रियसभा गृहको मतदानस्थलको सभापतिको मतपेटिका मतगणना स्थलमा पुर्‍याइएको छ । मतदान सकिएपछि मतपेटिका मतगणास्थल पुर्याएको हो । अबको केही समय पश्चात सभापतिको मतगणना सुरु हुने निर्वाचन समितिले जनाएको छ । मतगणनास्थलमा सुरक्षाव्यस्था कडा पारिएको छ । केही समय अगाडि गृहमन्त्री बालकृष्ण खाँड मतदानस्थलको नीरिक्षण गरेर फर्किएका थिए ।

बिगत ११ बर्ष देखि बैदेशिक रोजगारिको शिलशिलामा युएइमा रहेका निश्चल दाहालले राष्ट्रिय प्रजातन्त्र पार्टीको काठमाडौमा भइरहेको एकता महादिवेशनमा केन्द्रिय सदस्य पदमा उम्मेद्बारी दिएका छन । 
१८ बर्ष देखि राजनितिमा सक्रिय रहेका दाहाल सामाजिक कार्यमा पनि अग्रसर रही एनआरएनए युएइमा एक कार्यकाल युवा संयोजक र हाल महासचिव पदमा कार्यरत छन् । 
नेपाली राजनीति प्रति युवाहरुको बढ्दो बितृष्णा देखेर “अबको आवश्यकता युवा पुस्ताको राजनितिमा सक्रियता”को नारा लिएर उनी चुनावी मैदानमा होम्मिएको बताउछन् । 
देशले अब परिवर्तन खोजेको छ, उदारवादी चरित्रका राजनितीज्ञ चाहेको छ । लोभ लालचमा नपरी समाजलाई दिने मात्र संकल्प बोकेको त्यागी युवा मागेको छ, दाहालले भने । युवाहरुको साथ लिएर जनताको नेता हैन, सेवक हुन म राजनितिमा होम्मिएको हो, उनले भने । 
आज आफुले राजनीतिको कखरा पनि नसिक्दै देखि नेतृत्वमा रहनु भएका नेतागणहरुले अझ नेतृत्वमा दावी गरिरहेको देख्दा अब पनि पुस्ता हस्तान्तरण नभए कहिले हुने हो ? दाहाल प्रश्न गर्छन् । 
झापा जिल्ला कचनकवल गाउँ पालिका वार्ड नं ६ मा बसोबास गर्ने दाहालले सोही निर्वाचन क्षेत्रका राप्रपाका एक मात्र सांसद राप्रपा नेपालका अध्यक्ष पदका प्रत्यासी राजेन्द्र प्रसाद लिङ्देनको प्यानलबाट आफु केन्द्रिय सदस्य पदमा दावेदारी दिएका हुन् । 
“मलाइ राजेन्द्र दाइको शालिनता, भ्रष्टाचार विरुद्धको कठोरता र परिवर्तन प्रतिको बफादारिता मन पर्छ, म राजेन्द्र दाइको साथ हिडेर मेरो आफ्नो क्षेत्रमात्र हैन, सम्पुर्ण देशको परिवर्तन गर्न अग्रसर हुन्छु। ” दाहालले भने । 
पहिचानको मुद्दा जुरमुराएको समयमा आदिम सभ्यता बोकेको हिन्दु धर्मावलम्बीहरुको पहिचान विश्व जगतमा नेपालले मात्र बोक्न सक्ने र यो नै बिश्वमा नेपालको चिनारी बन्नेमा बिस्वस्त दाहाल आफुलाई मतदान गरेर कसैले पनि पछुताउन नपर्ने बताउछन् । 
“म मेरा भोटर्सहरुको भावनासॅग खेल्दिन, त्यस्को प्रतिनिधित्व गरेर वहाँहरुको आवश्यकतालाई मेरो कर्तब्य बनाएर अघि बढ्ने प्रतिबद्धता जाहेर गर्दछु”, दाहलले थपे। 
राजेन्द्र लिङ्देनको अध्यक्षतामा बन्ने केन्द्रिय समितिमा रही राप्रपा नेपाललाइ देशको अत्यावश्यक शक्ति बनाउन सम्पुर्ण प्रतिनिधिहरुमा दाहालले आव्हान गरेका छन।  राप्रपाको निर्वाचन शनिबार हॅुदैछ ।

नेपाली कांग्रेस चितवनका सभापति जीतनारायण श्रेष्ठले पार्टीको १४ औं महाधिवेशनमा केन्द्रीय सदस्य पदमा उम्मेदवारी दिने घोषणा गरेका छन्।

उनले आज चितवनमा कार्यक्रम गरेर केन्द्रीय सदस्य उठ्ने घोषणा गरेको नेविसंघ नेता श्रीकृष्ण लामिछानेले सेतोपाटीलाई बताए।

महाधिवेशन प्रतिनिधिहरूलाई सँगै राखेर श्रेष्ठले केन्द्रीय सदस्य पदमा उम्मेदवारी दिने घोषणा गरेका थिए।

उनले चितवनबाट अहिलेसम्म कांग्रेस केन्द्रीय सदस्य नरहेकोले आफूले यसपालि उम्मेदवारी दिन लागेको बताएका थिए।

कांग्रेसले यही मंसिर २४ गतेदेखि २६ गतेसम्म काठमाडौंमा केन्द्रीय महाधिवेशन गर्दैछ। साभार सेतोपाटीबाट