विगत वर्ष देखि फरक संस्कृति भएको देश साउदी अरबमा होली विशेष कार्यक्रम गर्दै आईरहेको हेल्प मधेशी साउदीले आउदो मार्च ३ तारिखमा होली कार्यक्रम गर्ने भएको छ।
हेल्प मधेशीले मार्च ३ मा साउदीको पुर्बी क्षेत्र दम्माम जुबेलको रोडको जाष्मिन फार्महाउसमा बिहान ११:०० देखि बेलुका ०४:३० बजे सम्म होलि विशेष कार्यक्रम गर्ने संस्थाका अध्यक्ष राम दुलार मण्डलले जानकारी दिए।
साउदीमा सक्रिय संघसंगठन , सामाजिक ब्यक्तित्वहरुलाई पत्राचार गर्ने क्रममा रहेको हुदा सबैलाई समेट्ने हाम्रो प्रयास रहेको छ ,कुनै कारण हाम्रो पत्र पाउन भएन भने हामिलाई सम्पर्क गर्न हार्दिक अनुरोध गर्दछु अध्यक्ष मण्डलले भने ।
कार्यक्रममा साउदीका स्थानीय कलाकारहरुको होली विशेष प्रस्तुति रहने संस्थाका अध्यक्ष राम दुलार मन्डलले जानकारी दिए।
स्थान:- जाषमिन फार्महाउस जुवैल-दमाम रोडमा समय: बिहान ११:०० देखि बेलुका ०४:३० बजे सम्म तिथि: ०३ मार्च २०२३
तिलगङ्गा आँखा प्रतिष्ठानका कार्यकारी निर्देशक तथा वरिष्ठ आँखा रोग विशेषज्ञ डा सन्दुक रुइत ‘इसा अवार्ड’बाट सम्मानित हुनुभएको छ ।
बहराइनमा आयोजित कार्यक्रममा बहराइनका राजा सेख हमद विन इसा अल खालिफाले उहाँलाई अवार्र्ड प्रदान गर्नुभएको प्रतिष्ठानका जनसम्पर्क अधिकृत सुनिता केसीले जानकारी दिनुभयो । उहाँका अनुसार बहराइनका राजा अल खालिफाले डा रुइतलाई १० लाख डलर बराबरको उक्त अवार्र्डसहित सम्मानपत्र प्रदान गर्नुभएको हो ।
‘इसा अवार्ड फर सर्भिस टु ह्युमानिटी’ संस्थाले उहाँलाई आँखा उपचार गरेर अन्धोपन हटाउन खेलेको भूमिकाको योगदान गर्दै अवार्र्ड प्रदान गरेको हो । गत माघ महिनामा डा रुइतलाई उक्त संस्थाले इसा अवार्र्ड दिने घोषणा गरेको थियो ।
उक्त अवार्डका लागि एक सय ४५ व्यक्ति तथा संस्थाले मनोनयनमा दर्ता गराएका थिए । अन्तिम छ व्यक्ति तथा संस्थाको सूचीमा परेर उहाँ छनोट हुनुभएको हो । बहराइनका राजा सेख हमद विन इसा अल खालिफाले सन् २००९ मा पूर्वराजा सेख इसा बिन सलमान अल खालिफाको नाममा स्थापना गरेको ‘इसा अवार्ड फर सर्भिस टु ह्युमानिटी’ संस्थाले अवार्ड प्रदान गर्दै आएको छ ।
डा रुइतले मोतियाविन्दु उपचार गर्ने सरल विधि विकास गर्नुभएको छ । उहाँले प्रतिष्ठानमा अन्धोपन हटाउनका लागि आँखामा हाल्ने अन्तर्राष्ट्रियस्तरको लेन्स ‘इन्ट्राअकुलर लेन्स’ उत्पादन गर्दै आउनुभएको छ ।
काठमाडौंबाट नयाँ दिल्लीतर्फ उड्न लागेका एक जना टर्किस नागरिकको साथबाट ठूलो परिमाणमा साउदी रियाल फेला परेको छ । दिउँसो सवा २ बजे एअर इण्डियाको उडानमा त्यसतर्फ जान लागेका हैदर कायान सारिकाकमाकको साथबाट एक लाख २६ हजार साउदी रियाल बरामद गरिएको बताइएको छ ।
टर्किस पासपोर्ट नम्बर यु२६९२०२८२ बोकेका सारिकाकमाकको ह्याण्ड ब्याग सुरक्षाकर्मीले जाँच गर्ने क्रममा निजलाई उक्त विदेशी मुद्रासँगै प्रहरीले पक्राउ गरेको हो । प्रहरीले उनीमाथि थप अनुसन्धान तथा आवश्यक कारबाहीको थालिएको जनाएको छ ।
नेपाली पत्रकारहरुको अन्तराष्ट्रिय सन्जाल (इन्जा)ले यस बर्ष देखि शुरु गरेको इन्जा फोटो पत्रकारिता पुरस्कार लामो समयदेखि कार्यरत २ जना फोटो पत्रकारलाई प्रदान गर्ने निर्णय गरेको छ । फोटो पत्रकारिताको माध्यमद्धारा नेपाली समाज तथा आम नागरिकलाई सुसूचित गराउदै आउनु भएका बरिष्ठ फोटो पत्रकार नरेन्द्र श्रेष्ठ र सुरेशकुमार श्रेष्ठ ( सुरज श्रेष्ठ)लाई प्रदान गर्ने निर्णय गरेको इन्जा ग्लोवलका अध्यक्ष गुणराज लुइटेलले जानकारी दिनुभयो ।
बिस २०५२ सालदेखि नेपाल समाचारपत्रबाट फोटो पत्रकारिता शुरु गर्नु भएका नरेन्द्र श्रेष्ठले कान्तिपुर पव्लिकेस, लस एन्जलस टाइम्स, न्यूर्योक टाइम्स, टाइम्स म्यागजिन,गार्डियन डेली, टेलिग्राफ युके, इन्डिपेन्डेन्ट युके, फाइनान्सियल टाइम्स, वालस्ट्रीट जर्नल,द टाइम्स लण्डन,डाइ वेल्ट,नेशनल ज्योग्राफी, वाशिंगटन पोष्ट लगायतका संचार माध्यममा काम गरी सक्नु भएको छ ।
त्यसै गरी पुरस्कृत हुने अर्का फोटो पत्रकार सुरेशकुमार श्रेष्ठ( सुरज श्रेष्ठ) ले पोखरालाई आफ्नो कार्यक्षेत्र बनाएर फोटो पत्रकारितालाई निरन्तरता दिदै आउनु भएको छ । २०६२ सालबाट फोटो पत्रकारितमा संलग्न रहनु भएका श्रेष्ठ बिभिन्न सामाजिक संघ संस्थामा समेत आवद्ध रहेर सामाजिक क्षेत्रमा समेत आफ्नो पहिचान बनाउन सफल हुनु भएको छ ।
५०– ५० हजार राशीको उक्त पुरस्कार नेपाली पत्रकारहरुको अन्तराष्ट्रिय सन्जाल (इन्जा) को स्थापना दिवस मार्च १ अर्थात फागुन १७ गते प्रदान गरिने भएको छ ।
वैदेशिक रोजगारीको सिलसिलामा साउदी अरबमा कार्यरत मोरङ पथरी शनिचरेका धन बहादुर तामाङको सव हिजो अपरान्ह ५ बजे काठमाडौ आईपुगेकाे थियो ।
शवलाई नेपाली साझा मंचका केन्द्रिय अध्यक्ष शारदा भुसालको उपस्तिथिमा मृतकको परिवारले बुझेका हुन् ।
भुसालको समन्वय तथा नेपाल सरकारका सम्बन्धित निकायको सहयोगमा सव घर सम्म पुर्याउन निशुल्क यातायातको गरिएको थियो।
साउदी अरबको एक प्रतिष्ठित कम्पनीमा कार्यरत तामाङको गत माघ १ गते हृदयघातका कारण मृत्यु भएको साउदीको यम्बु जनरल अस्पतालले जनाएको थियो।
तामाङको मृत्यु भएको जानकारी प्राप्त भएपछि नेपाली साझा मन्चका अकल प्रधानले संस्थाका अध्यक्ष, परिवार ,कम्पनी , जेद्वा महाबाणिज्य राजादुताबासमा समन्वय गरेर आबस्यक प्रक्रिया लागि पहल गरेका थिए ।
मृतक कार्यरत कम्पनीबाट पाउनु पर्ने तलब लगायत सुबिधा साउदी रियाल १३८६४/- जेद्वा महाबाणिज्य दूतावास मार्फत जिल्ला प्रशासन कार्यालय मोरङले परिवारलाई उपलब्ध गराउने दूतावासका अधिकारी भुवन पौडेल बताउनु भएको छ।
काठमाडौँ । परराष्ट्रमन्त्री डा.विमला राई पौड्यालसँग नेपालका लागि साउदी अरेबियाका राजदूत साद अबु हैमेदले आज मन्त्रालयमा भेटवार्ता गरेका छन् । भेटवार्तामा परराष्ट्रमन्त्री पौड्यालले विश्वभर फैलिएको कोरोना महामारीका बेला त्यहाँ रहेका ४ लाखभन्दा बढी नेपालीलाई सुरक्षित राखेकामा सरकारको साउदी अरबीया सरकारलाई नेपाल सरकारको तर्फबाट धन्यवाद व्यक्त गरिन् ।
यस अवसरमा मन्त्री पौड्यालले साउदी अरेबियाको विकासमा नेपाली श्रमिकको पनि उल्लेख्य योगदान रहेको उल्लेख गर्दै आगामी दिनमा श्रम सम्झौता गरेर दक्ष जनशक्ति उपलब्ध गराउन सरकार तयार रहेको बताइन् । भेटमा राजदूत हैमेदले साउदी अरेबियाको प्रगतिमा नेपाली श्रमिकको ठूलो योगदान रहेको उल्लेख गर्दै आफ्नो देशमा विकास निर्माणका काम तीव्र गतिमा अघि बढेकाले श्रम सम्झौता गरेर थप नेपाली श्रमिकहरु लैजाने प्रतिवद्धता जनाए ।
खाेटाङ – खोटाङको दिक्तेल रुपाकोट मझुवागढी नगरपालिका–४ का दानबहादुर खत्री साउदीको एक अस्पतालमा हुनुहुन्छ । यता नेपालमा उहाँका चार वर्षीय छोरालाई मुटुको समस्या छ । जन्मिदै मुटुको समस्या भएका छोराको उपचार खर्चमा लागेको ऋण तिर्नकै लागि उहाँ परदेश जानुभएको थियो । तर समय नै उल्टो भइदियो । अहिले आफै अस्पतालको बेडमा हुनुहुन्छ दानबहादुर ।
दानबहादुर २०७७ सालमा साउदी जानुभयो । त्यहाँको अलिफाद कम्पनीमा कारपेन्टरको काम गर्नुहुन्थ्यो । तर साउदी गएको दुई महिना नहुँदै उहाँ कार्यस्थल दुर्घटनामा पर्नुभयो ।
यता छोरालाई बेला बेला फलो-अपको लागि काठमाण्डौमा रहेको बालकान्ती अस्पतालमा लैजानुपर्छ । तर कमाउन परदेश जानुभएका दानबहादुर आफै दुर्घटनामा परेपछि छोराको खर्चमा पैसा पुगेन । स्वास्थ्यअवस्था बिग्रिँदै गयो ।
घरमा पनि समस्या बढ्दै गयो । दानबहादुरको परिवारमा बिरामी एक छोरासहित श्रीमती र दुई छोरी छन् । आम्दानीको अरु स्रोत छैन ।
छोराको उपचार र साउदी जाँदा लागेको खर्च सबै ऋण काढेरै जुटाउनुभएको थियो । १ लाख ६५ हजार रुपैयाँ त साउदी जानमै लाग्यो । तर साउदी गएर कमाउन नपाउँदै दानबहादुर अस्पतालको एउटा बेडमा थन्किनुपर्यो । नेपालमा बुनेर गएका सबै सपना चकनाचुर भए । कम्पनीले केही समय उपचार गरेर मात्रै नेपाल पठाउँछु भनेका कारण उहाँ साउदीकै अस्पतालमा उपचार गराइरहनुभएको छ । पहिलेका भन्दा अहिले थोरै सुधार भएको छ ।
‘पहिले त बिस्तराको बिस्तरामै हुनुहुन्थ्यो, अहिले अलि अलि हिँड्न थाल्नुभएको छ’, दानबहादुरकी श्रीमती नरकुमारी थोरै आशावादी सुनिनुहुन्छ ।
आफ्नो छोराको उपचारको लागि पनि नरकुमारी उहाँले धेरै दौडधुप गर्नुभयो । आर्थिक सहायता पाइन्छ कि भनेर विभिन्न निकायमा पुग्नुभयो । अन्ततः वैदेशिक रोजगार बोर्डले वैदेशिक रोजगारीमा गएकाहरुको परिवारका सदस्यको स्वास्थ्य खर्च बेहोर्छ भन्ने थाहा पाउनुभयो । तर कहाँबाट कसरी त्यो सहयोग लिने भनेर थाहा थिएन । वडाबाट सिफारिस लिएर उहाँ सहयोग पाउने आशामा आप्रवासी स्रोत केन्द्रमा पुग्नुभयो ।
श्रोत केन्द्रको सहजीकरणमा दिक्तेल रुपाकोट मझुवागढी नगरपालिकाले इमेल मार्फत आवश्यक कागजातहरु वैदेशिक रोजगार बोर्डमा पठाइदियो । नरकुमारी खत्रीको खाता मा २०७९ मसिर १९ गते वैदेशिक रोजगार बोर्डले उपचार खर्च बापतको पैसा पठाइदिएपछि नरकुमारीलाई केही राहत भएको छ ।
उहाँ भन्नुहुन्छ, ‘बोर्डको आर्थिक सहयोगले गर्दा छोरालाई तत्काल फलो अपका लागि काठमाण्डौ लिन सकिने भयो ।’
छाेराकाे उपचारकाे लागि पैसा त जुट्याे । तर नरकुमारीलाई परदेशमा उपचार गराइरहेका श्रीमान्काे भने चिन्ता लागिरहन्छ । उपचार त कम्पनीले नै गरिदिएकाे छ । तर निकाे भएर घर कहिले फर्किने हुन् थाहा छैन ।
श्रीलङ्काका श्रम तथा वैदेशिक रोजगारमन्त्री मानुषा नानायकाराले मङ्गलबार साउदी अरेबियाले सन् २०२३ मा दुई लाख श्रीलङ्काली कामदार लैजान इच्छुक रहेको बताएका छन्।
मन्त्रीले सन् २०२२ मा साउदी अरेबियाले श्रीलङ्काका लागि ५४ हजार रोजगारीको प्रस्ताव गरेको र सन् २०२२ मा तीन लाखभन्दा बढी श्रीलङ्कालीहरू वैदेशिक रोजगारीका लागि गएको र त्यसमा पनि अधिकांश मध्यपूर्वमा गएको जानकारी दिए।
श्रीलङ्काका लागि वैदेशिक राजस्वको मुख्य स्रोत कामदारको रेमिट्यान्स हो। श्रीलङ्काका आप्रवासी कामदारहरूले सन् २०२२ मा करिब ३.८ बिलियन अमेरिकी डलर पठाएको देशको केन्द्रीय बैङ्कको तथ्याङ्कले देखाएको छ।
पोर्चुगिज सुपर स्टार क्रिस्टियानो रोनाल्डो साउदी पुँगेसँगै अब विश्वकप च्याम्पियन अर्जेन्टिनी स्टार लियोनल मेस्सी पनि साउदी जान सक्ने चर्चा सुरु भएको छ।
रोनाल्डो साउदीको अल नासार पुगेपछि उनको चर्चा र आलोचना भइरहेको छ।
धेरैले रोनाल्डो युरोपका क्लबमा बिक्न नसकेपछि साउदी पुगेको बताइरहेका छन्। धेरैले रोनाल्डो साउदी आउँदा एसियन फुटबल पनि ठूला खेलाडीलाई भित्र्याउन सक्षम रहेको भन्दै सकारात्मक रुपमा लिनुपर्ने उल्लेख गरेका छन्।
अल नासारको स्थानिय प्रतिद्वन्द्वी अल हिलाल पेरिस सेन्ट जर्मेनका फरवार्ड मेस्सीलाई अनुबन्ध गर्न इच्छुक रहेको बताइएको छ।
आफ्ना प्रतिद्वन्द्वीले रोनाल्डोलाई दुई वर्षको सम्झौतामा ल्याउन सफल भएपछि साउदी क्लबले २०२२ को विश्व विजेतालाई पनि भित्र्याउन इच्छुक रहेको बताएका हुन्।
अन्तर्राष्ट्रिय समाचार संस्था मुन्डो डिपोर्टिभोका अनुसार अल हिलालले मेस्सी साउदी जान तयार भएमा प्रतिवर्ष ३० करोड डलरको प्रस्ताव गर्ने तयारी गरिरहेको छ।
साउदीको पर्यटन राजदूत रहेकाले मेस्सी पहिलेदेखि नै साउदीसँग जोडएका छन्। त्यसैले पनि साउदी सरकारले अल हिलाललाई देशको फुटबललाई बढावा दिन पनि मेस्सीलाई भित्र्याउन आर्थिक सहयोग गर्न सक्ने आकलनसमेत गरिएको छ।
साउदी अरबका अधिकांश दुग्ध कम्पनीहरूले जनवरी १ बाट लागू हुने गरी आफ्ना उत्पादनको मूल्य ३३ प्रतिशतसम्म बढाएका छन् ।
आफ्नो आधिकारिक ट्विटर विज्ञप्तिमा, साउदी अरबको चर्चित डेयरी कम्पनी अलमाराईले तीन मुख्य कारणहरू वृद्धिको कारण देखाएको छ । छ। ढुवानी लागतमा बृद्धि, उत्पादन सामग्रीको उच्च लागत, र दानाको मूल्यवृद्धि रहेको छ।
यी यावत कारणले पछिल्लो समय उत्पादन लागतमा ठूलो वृद्धि आएको कम्पनीले जनाएको छ, जुन उच्च लागतको केही अंश धान्न केही दुग्ध उत्पादनको मूल्य समायोजनमा भर पर्नुपर्ने भएको जनाएको छ ।
