वसन्त अनुभव
काठमाडौ, ४ जेठ
नेपालमा थप १० जना कोरोना संक्रमण भएको पुष्टि भएको छ । सिमावर्ती जिल्ला रौतहटमा भेटिएका १० जना संक्रमित सँगै नेपालमा कोरोना संक्रमितको संख्या २९१ पुगेको छ ।
स्वास्थ्य तथा जनसंख्या मन्त्रालयद्वारा जारी प्रेस विज्ञप्तिका अनुसार नयाँ संक्रमित भएको पुष्टि हुनेमा रौतहट राजपुर नपा फरहदवा – ९ निवासी १८, ३२, ३६, ३९, ३९, ४२ र ४८ वर्षिय पुरुष र रौतहट ईशनाथ नपा ३ र५ निवासी २८, ३० र ३३ वर्षीय पुरुष रहेका छन । राष्ट्रिय जनस्वास्थ्य प्रयोगशाला टेकु काठमाडौमा गरिएको पिसिआर परिक्षणमा निजहरूको कोरोना पोजिटिभ देखिएको हो ।
मन्त्रालयका सहप्रवक्ता डा समिरकुमार अधिकारीका अनुसार निजहरूको स्वास्थ्य अवस्था सामान्य रहेको छ । साथै स्वास्थ्यकर्मीको सम्पर्कमा रहेको बुझिएको छ ।
प्राप्त विवरण अनुसार नेपालमा संक्रमित भएका २९१ जना मध्ये एक जनाको मृत्यु भएको, ३६ जना निको भइ घर फर्किसकेको र बाकी संक्रमितहरुको विभिन्न स्थानहरूमा उपचार भैरहेको छ । संक्रमितहरु सबैको स्वास्थ्य अवस्था सामान्य रहेको बताइएको छ ।
