काठमाण्डौं, २४ वैशाख
नेपाल सरकारले लकडाउनको अवधी पुन: १० दिन थपेको छ । जारी लकडाउन बैशाख २५ गते सकिनै लाग्दा आज अपरान्ह बसेको मन्त्रिपरिषदको बैठकले कोरोना भाइरसको जोखिम मुलुकमा अझै कायमै रहेको भन्दै जेठ ५ गतेसम्म लकडाउन जारी राख्ने निर्णय गरेको हो ।
उच्चस्तरीय समन्वय समितिको मंगलबार बसेको बैठकको सुझावलाई मध्यनजर गर्दै मन्त्रिपरिषदको आज बसेको बैठकले लकडाउन अवधि १० दिन थपेको हो। सरकारले गत चैत ११ गतेबाट लागु गरेको लकडाउन विहिबार ४५ दिन पुग्दैछ ।