“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयबाउन्नौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/१०/०८
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १५२[एकसयबाउन्नौं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]
~~~~~
पञ्चाङ्ग:०१
सरस्वतीको बास होस्
दुःख सबैको नाश होस्
ज्ञानको प्रकाश छरुन् ,
सुख शान्तिको रास होस् ।
आजको दिन खास होस्।
-सुशीला पौडेल
पञ्चाङ्ग:०२
मनैदेखि नमन छ माता तिमीलाई
धन मन र ज्ञानकी दाता तिमीलाई
माघको शुक्ल पंचमीको तिथि पारेर,
विद्याबुद्धि सिकाउने छाता तिमीलाई
कैले पनि नमेटिने नाता तिमीलाई।।
-घनश्याम पौडेल,पोखरा
पञ्चाङ्ग::०३
सरस्वतीको पूजा गर्छु म
यिनैको चरणमा पर्छु म
ज्ञान दिनु माता सधैंभरि,
तिम्रै पाउ नजिक सर्छु म
तिम्रो साथ समुद्र तर्छु म।
-ह्यारिस ह्यारिसन
पञ्चाङ्ग:०४
ज्ञानको भण्डार सरस्वती माता हजुर
ज्ञानबिना दुरुस्त हुँदैन खाता हजुर
अध्ययन नभए संसार हुन्छ अँध्यारो,
विद्या अधिष्ठात्री,,शारदा हुन् दाता हजुर
भाषाले विश्व सजिलै जाेड्ने नाता हजुर ।
प्रद्युम्न चालिसे
पञ्चाङ्ग-०५
बन्दनाहरू धेरै छन् सरस्वती माताको गाउनको लागि
ठाउँ-ठाउँमा मन्दिरहरू पनि धेरै छन् धाउनको लागि
बन्दना गरी लड्डु चढाएर मात्रै ज्ञान प्राप्त हुँदैन नि,
यस्ता कुरा त फगत हुन् मात्रै बाहिर सजाउनको लागि
बदलौं है पूजा विधिको वास्तविक विद्या पाउनको लागि ।
-पशपती राई खोटाङ ।
पञ्चाङ्ग:०६
विणा र पुस्तक हातमा धरेकी तिमीले
विद्या, विवेक जगतमा छरेकी तिमीले
हे माता! तिम्रो गुणकाे कति गरूँ ? बखान ,
अज्ञानता हटाइ ज्ञान भरेकी तिमीले
हौ , सरस्वती , उपकार गरेकी तिमीले।
भवानी घिमिरे
सर्लाही ।