“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयसत्ताइसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०४/०१
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १२९{एकसयउन्नतीऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली”
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
मुसुक्क मुस्कुराएर पाे हाँस्याे फूलले
नजर नहट्ने गरेर टाँस्याे फूलले
अनेक रंगका फुलेछन् बगैंचा भरि,
सुन्दरताकाे अंकुसमा फाँस्याे फूलले
आत्मियताकाे मिठो नाता गाँस्याे फूलले।
-सुशीला पौडेल
पञ्चाङ्ग:०२
ढकमक्क लाली गुराँस फुल्यो बनमा
रङ्गीचङ्गी फूल, भमरा भुल्यो बनमा
फूलको स्वच्छता आफैँमा अनमोल छ,
बर्षातको सुन्दरता झुल्यो त्यो बनमा
अनेकन फूल चौतर्फी खुल्यो बनमा।
-शोभा आचार्य गौतम
काठमाडौँ
पञ्चाङ्ग :०३
गुराँस फुल्दा वन रमाइलो
सम्पूर्णकाे छ मन रमाइलो
वात्सल्यकाे प्रकृति लाेभ्याउने,
आहा! लाग्छ जीवन रमाइलो
त्यसैले छ गगन रमाइलो !
-नाम केसर बाेहरा ( आदर्श )
सुदूरपश्चिम अछाम ।
हाल भारतबाट ।
पञ्चाङ्ग:०४
लालीगुराँस फूलेर वन उज्यालो भयो
घुम्न आउँछौ भनेर मन उज्यालो भयो
फूल्नु र झर्नु त प्रकृतिको नियम हो नि,
राष्ट्रिय फूल देखेर तन उज्यालो भयो
नेपालीहरूको आफ्नो पन उज्यालो भयो !
-धनमाया चौधरी कैलाली
पञ्चाङ्ग:०५
पाखा भरि राष्ट्रिय फुल फुलेको देखियो,
टाढाबाट हेर्न आउने झुलेको देखियो
देशको सान,मान मानिन्छ यो फूलबारी ,
पाखा छपक्कै हुनेगरी खुलेको देखियो
पर्यटकहरूले धेरै डुलेको देखियो।
-दुर्गा आचार्य
मोरङ
।
पञ्चाङ्ग-०६
वनैभरि गुराँस फुल्दा कोइलीले गीत गाइ दिन्छ
प्रकृतिको अटुट माया सधैंभरि यिनैले लाइ दिन्छ
अनि त आँखामै ढकमक्क फुल्छ लाली गुराँस सधैं,
कानमा कुहुकुहु गर्दै कोइली मुटु नै खाइ दिन्छ
परदेशमा छु तर याद त वनपाखाकै आइ दिन्छ।
-पशपती राई खोटाङ ।
पञ्चाङ्ग :०७
पहाडको काखमा फुल्छ मन
लाली गुराँस हेरी भुल्छ मन
आँखाका रङ्गीन सपना छोडी,
जाती बँगैचातिर खुल्छ मन
प्रकृति चुम्बन लिन डुल्छ मन ।
✍️अच्युत घिमिरे, सर्पाङ, भुटान🇧🇹
ॐ
पञ्चाङ्ग:०८
सृष्टिको मूल हाे फूल हजुर
काेपिला टिपेमा भुल हजुर
बगैंचामा प्रफुल्लता छाउने
आँखा माया गाँस्ने पुल हजुर
खास संस्कार नै कुल हजुर ।
-प्रद्युम्न चालिसे
भक्तपुर कटुञ्जे ।