“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयछब्बिसौमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०१/११ गते
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १२७[एकसयसत्तासीऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
-सुशीला पाैडेल
चित्र संकलन
सुशीला पाैडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
नेपाल आमा मलाई बचाउ भन्छिन्।
मेरो दिलमा घाउ छ जँचाउ भन्छिन्।
नेपाल भएर नेपाली भन्छौ हामी,
नेपालको पहिचान रचाउ भन्छिन्।
आफ्नै देशकाे गीतमा नचाउ भन्छिन्।
-सुशीला पौडेल
ॐ
पञ्चाङ्ग:०२
आमाको मृत्युको दाेसाँधमा जन्मिए प्रभु !
बाबाको मुटुमा गाँठाेबिच अन्मिए प्रभु !
नारी सहनशीलताकाे प्रतिमूर्ति साँच्चै
म जन्मिएको घरबाट नै मन्छिए प्रभु !
आमाकाे पवित्र काखबाट पन्छिए प्रभु !
-प्रद्युम्न चालिसे
भक्तपुर कटुञ्जे ।
पञ्चाङ्ग:०३
छोरीको घरमा सबैलाई चाहा! भयो।
म संसारमा जन्मेर आएँ आहा! भयो।
जबसम्म बढ्दै म गएर ठूलो भएँ,
जब हुर्कँदै गएँ सबैमा डाहा भयो।
पराईको घर पठाउँछन् थाहा भयो।
✍️ वेदु न्यौपाने 🌹🌹
पञ्चाङ्ग-४
आजभन्दै भोलिभन्दै झन्झन् एक्लो हुँदैछिन नेपाल आमा
मुटु सम्झेर देशको माटोलाई छुँदैछिन नेपाल आमा
जहाँ जन्म्यौ जहाँ हुर्क्यौ छाडी नजाउ तिमी मलाई भन्दै,
यै माटोमा पसिनाले आफ्नो जीउ धुँदैछिन नेपाल आमा
लुटेराले देश रातारात लुट्दा रुँदैछिन् नेपाल आमा।
-पशपती राई खोटाङ ।
पञ्चाङ्ग:०५
त्यो तिम्रो आशमा बाँचेका छौँ
पीडाकाे रासमा बाँचेका छौँ
कहानी झुपडीकाे हाे साथी ,
श्रमकाे गाँसमा बाँचेका छौँ
दल्दल भासमा बाँचेका छौँ ।
भवानी घिमिरे
सर्लाही ।
पञ्चाङ्ग:०६
देश डुब्न लागेको कसैले छेकेनन आज
सहि अनि सत्य कागजमा टेकेनन आज।
अत्यचार,अन्याय जनताले कति सहने
झण्डै त्यो झुत्रो कपडा सरी फेकेनन आज
बलेको आगोमा सिध्रा जस्तै सेकेनन आज।
दुर्गा आचार्य
मोरङ