काठमाडाैँ,
भूकम्प पीडितलाई सहयाेग गराैँ भन्ने आव्हान गर्दै टुक्का साहित्य समाजकाे आयाेजना २०८० कार्तिक १९ गते टुक्का कविता लेखन श्रृङ्खला १०० सम्पन्न भएकाे छ ।
टुक्का साहित्य समाजका अध्यक्ष ताराप्रसाद चापागाईँकाे संयाेजकत्वमा सञ्चालन भएकाे उक्त कार्यक्रममा नेपाल, भारत लगायत विश्वका विभिन्न स्थानबाट ४५ जना टुक्काकारहरूकाे सहभागिता रहेकाे थियाे । भर्च्युअल माध्यमबाट सञ्चालन भएकाे उक्त कार्यक्रमकाे प्रशिक्षण अध्यक्ष चापागाईँले नै गर्नु भएकाे थियाे भने सहभागीहरूले “भूकम्प पीडितलाई सहयाेग गराैँ” भन्ने विषयमा केन्द्रित भई सुन्दर टुक्का कविताहरू सिर्जना गरेकाे थिए ।
टुक्का साहित्य समाजले विशेष अवसरहरूमा विशेष टुक्का कविता लेखन कार्यक्रमहरू सञ्चालन गर्नुकाे साथै अन्य विभिन्न किसिमका नियमित अभ्यासका कार्यक्रम तथा नियमित प्रशिक्षणहरू समेत सञ्चालन गर्दै आएकाे छ ।
कार्यक्रमकाे समापन गर्दै अध्यक्ष/ प्रशिक्षक चापागाईँले
२०८० कार्तिक १७ गते मध्यरातमा आएको विनासकारी भूकम्पले जाजरकाेट र रुकुम जिल्लामा पुर्याएकाे ठुलाे जन धनकाे क्षतिकाे कारण अहिले देश भित्र र परदेशमा रहेका सबै नेपाली मनहरू राेएका छन् । यतिबेला सुरक्षा निकायहरू, सरकार, राजनीतिक पार्टि तथा सहयाेगी मन भएका जनहरू सबै सहयाेग, उद्धार र राहत लागेका छन् । छिमेकी राष्ट्रहरू लगायत संसारका धेरै देशहरूले सहयाेग गर्नुकाे साथै गहिराे दुख प्रकट गरि रहेका छन् । यसमा हामी सबैले सकेकाे सहयाेग गरेर पीडामा मलम लगाउनु पर्छ भन्ने आव्हान गर्दै भूकम्पमा परि निधन हुनु भएका सम्पूर्णमा हार्दिक श्रद्धाञ्जली, घाइतेहरूमा सिघ्र स्वास्थ्यलाभकाे कामना साथै शोकाकुल परिवारजनमा हार्दिक समवेदना व्यक्त गर्नुकाे साथै कार्यक्रममा सहभागी भएर सुन्दर टुक्का कविताहरू सिर्जना गर्ने सम्पूर्णलाई धन्यवाद व्यक्त गर्नु भएकाे थियाे ।
उक्त कार्यक्रममा सङ्कलन गरिएका केही टुक्का कविताहरू
[१]
१.
जाजरकाेट र रुकुममा क्षति धनजन
दुख भर्न जुटाैँ अब लगाएर तनमन ।
२.
शाेकमा डुव्याे मध्य पश्चिम मन राेयाे हाम्राे
दुख पर्दा सहयाेग गर्नु स्वधर्म हाे राम्राे ।
✍️ ताराप्रसाद चापागाईँ
धुनिबेसी
[२]
१.
प्रकृतीले बनायो कालो तिहार
उजाड्यो याे देश रुवायो संसार।
२.
कसोगरि मनाउँ तिहार लाश भित्र
देश विदेशमा रुवावास भयो मित्र।
✍️ सुरेशकुमार पाण्डे
दाङ घोराही १८
[३]
१.
साह्रै दु:खद घटना घट्यो त्यो मध्य रातमा
मृत लासहरू भेटिए खात माथि खातमा ।
२.
हात खोलि सकेको सहयोग गरॅौ मिलेर यो दुखमा
श्रद्धाञ्जली व्यक्त गर्दै परिवारलाई डोर्र्याऔँ सुखमा ।
✍️ राजेशराज गड्तौला
कॅाडाघारी, काठमाण्डौँ
[४]
१.
भूकम्पको पीडामा छ रुकुम र जाजरकोट
सहयोगी हात पुगुन् भगाउन अभाव चोट।
२.
भाइचारा एकताको लगाऊँ सबले नारा
पीडितमा राहत होस् पुछियोस् आँसुका धारा।
✍️ रामशरण न्यौपाने
भक्तपुर
[५]
१.
जनधन भन्दैन केही निष्ठुरी दैव भयो
आशा अभिलाषा कति थिए ईश्वर मै गयो ।
२.
राहत बाँड्न जानपनी लौ डरमर्दो भयो
पटकपटक कम्पन त्यो हुँदा सातो गयो ।
✍️ बेदु न्यौपाने
काठमाडौँ
[६]
१.
मानवीय क्षति गरायो ,भुकम्पले गर्दा
मिल्न सक्छ थोरै राहत हामी अघि सर्दा।
२.
जाजरकोट र रुकुमलाई सद्भाव भरौँ
सबै मिलेर तन मनले सहयोग गरौँ।
✍️ होम प्रसाद नेउपाने
धरान, सुनसरी ।
[७]
१.
जाजरकोट र रुकुममा ठुलो क्षती भयो
कैयौँ घाइते रुवाबासी कैयौँको ज्यान गयो।
२.
सहयोगी हातहरू अघि बढ्नु पर्छ
आलो ति घाउमा मलमको काम गर्छ।
✍️ सरिता सेढाई
धादिङ
[८]
१.
एघार बजे मध्यरातमा कस्तो विपत्ति आयो
रुकुम र जाजरकोटमा हाहाकारले छायो।
२.
जति सकेको सहयोग गरौँ तनले
धनजनको क्षतिपूर्ति भरौँ मनले।
✍️ अम्बिका गिरी
बिराटनगर
[९]
१.
मिलेर दुःखमा सबैलाई सघाऊ
यस आपत कालमा हात बढाऊँ।
२.
कसले पो बुझ्न सक्छ ईश्वरको काम
यसैले राख सधैँभरि उसैको नाम।
✍️ नीमा छिरिङ भोटिया
जलढका कालेबुङ
[१०]
१.
निश्चित छ मृत्यु हे! प्रभु किन अकालमा ?
भुकम्पको प्रकोप किन पर्यो यो सालमा ?
२.
सहयोगी हातहरू उठौँ त अब
बाँचेकालाई राहत मिल्नेछ तब ।
✍️ कार्की डिबी माकुम
सुनवल-४, नवलपरासी
[११]
१.
अनायास यस्तो कसैले दु:ख नपाओस्
रुवाबासी देख्न अनि सुन्नमा नआओस् ।
२.
दु:खको बेला मलम बनी सहयोग गरौँ
कसैले गरिदेला भन्दै अब भर नपरौँ ।
✍️ प्रेम थापा “मन”
बागलुङ
[१२]
१.
विपत्तिले गाज्याे फेरि पश्चिमकाे नगरमा
स्तब्धछु पीडा सहँदै बसेँ ढुङ्गे बगरमा ।
२.
भुइँचालो झै हल्लिदैछ मन हर प्रहर
पुछाैँ आँसु रुझि रहेछ आज हाम्राे शहर ।
✍️ रश्मि रिमाल
झापा
[१३]
१.
मेरो देश दुखेको छ यति बेला हेर
जहाँ जस्ताे सक्छौँ सहयोग गराैँ धेर ।
२.
कस्तो हो याे दैवको लिला हल्लायो सब घर
को धनी ? को गरिब ? छोडेन सबलाई तर ।
✍️ उमा गाैतम
काठमाडाैँ
[१४]
१.
भुकम्पको आघातले जनताहरू छन् आहतमा
सहयोगी हात बढाई टेवा पुर्याऔँ राहतमा ।
२.
विपत्तिले गाँज्यो बरै रुकुम अनि जाजरकोट
हात उठाई मलम जुटाऔँ सितल हुन्छ चोट ।
✍️ बाबुराम गौतम
गुल्मी
[१५]
१.
कस्तो अकस्मातले आयो भुकम्पको चाल
दशा कहिल्यै फिँजाएर आउँदैन जाल ।
२.
एक ठाउँ मात्र हैन आपत हरेक जिल्लामा नि पर्दछ
विपतिमा परेकालाई सरकारले सहयोग गर्दछ ।
✍️ अम्बिका अधिकारी
झापा बिर्तामोड
[१६]
स्तब्ध बनायो प्रकृतिको विनाशले रोयो रूकुम र जाजरकोट पनि
सिङ्गो नेपाल दुखेको छ आफन्तलाई अकालमा गुमाउँनु पर्यो अनि ।
✍️ पुष्पा राई
खाेटाङ।
[१७]
१.
तेरो मेरो भन्छौँ सधैँ मेरो के नै छ र?
मिनेट मै सखाप भो भए जति घर।
२.
थोपा थोपा मिलेर नै सागर बनेछ हेर
सहयोग गरौँ सके जति जाने छैन खेर।
✍️ सञ्जना शर्मा
लमही, दाङ
[१८]
१.
भूकम्पको धक्का बढेर डर छ कति
पीडितलाई दिऊ राहत सके जति ।
२.
नेपालीलाई कति दिन्छौ प्रकृति विपत्ति अनि
दुःखले बनाएको घर ध्वस्त भो सम्पत्ति पनि ।
✍️ भगवती दवाडी
दमक, झापा
[१९]
१.
मध्यराती कसैले नसाेचेकाे धेरै ठुलै भुकम्प गयाे
धेरै मानिसहरू भाग्न पाएनन् ज्यानै माटाे मुनि भयाे।
२.
मर्ने त मरिगए बाँच्नेलाई एक आपसमा सहयाेग गराैँ
आफूले जे सकिन्छ पीडितलाई सहयाेगकाे लागि अघि सराैँ।
✍️ कल्पना भण्डारी
सिन्धुपाल्चोक हाल काठमाडौँ
[२०]
१.
प्रकृतिको नियम पनि कस्तो
मानवीय क्षति बनायो सस्तो ।
२.
मनमा पिर परेको आफैलाई झैँ ठान
मिलिजुली गरौँ सबले जति हुन्छ दान।
✍️ अनुग्रह राना मगर ‘पुष्प’
पाँचखपन नपा – ६ संखुवासभा ।
[२१]
१.
किन आउँदैछ आपत् विपत् यही देशमा नै घरीघरी
जाजरकोट र रुकुमेली जनता रुदैछन् धरधरी ।
२.
भुकम्पमा परेका परिवारमा सहने शक्ति प्रदान गरुन्
प्रार्थना गरौ हामी सबैले पीडितको घाउमा मलम भरुन् ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
[२२]
१
कोही कसैलाई कुनै देशलाई चाहिएको थिएन
कुनै समय निश्चित छैन हल्लाउँछ सुख दिएन ।
२
ज्वालामुखी भन्दा त खतरा भुकम्प होला
असिना पानी आगजनी हुँदा को नरोला ?
✍️ चुडामणी देबकोटा
हाल: बारा सिमरा
[२३]
१.
हिजोसम्म पूर्ण घर आज भयो सबै रित्ता
अहिले हेर काल बन्यो आफ्नै घरका भित्ता।
२.
बाजा बजाई आउँदैन दुर्भाग्य यो हाम्रो
सहयोगी हात अघि बढाउनु नै राम्रो ।
✍️ मन्दिरा सेढाई
मलेखु, धादिङ
[२४]
१.
भुकम्पले स्तब्ध नै बनायो सबैलाई
राेएको छ देश आज आफन्त गुमाई ।
२.
निन्द्रामा आयो नि भुकम्प काल बनेर
सोचेको थिएन बेहाल होला भनेर ।
✍️ दुर्गा भट्टराई
मोरङ
[२५]
१.
भूकम्पको प्रकोपबाट आज रोएको छ देश हाम्रो
जाजरकोट र रुकुमलाई सहयोग गरौँ राम्रो ।
२.
दैव दशा ठुलो लाग्यो सुदुरका गाउँमा
भ्रष्टाचार नहोस् यहाँ राहतका नाउँमा।
✍️ पद्मा काश्यप पाण्डे
मोरङ
[२६]
१.
भूकम्पले हल्लियो धरा
मानिसको बिचल्ली बरा।
२.
सयौँ मानिसहरुको ज्यान गयो
कैयौँको घरबार विहीन भयो ।
✍️ सुशीला पाैडेल
अर्घाखाँची, हाल काठमाडाैँ
[२७]
अझै यस्तै रहने हो भने यो भुकम्पको चाल
अर्को जापान जस्तै लाग्न थाल्यो मलाई नेपाल।
✍️ बि.कुलुङ
दार्जिलिङ
[२८]
१
मानो पाथी अन्न दाना, यथासक्दो अर्थ पनि
विपद् मा सेवा दिए हाम्रो जीवन धन्य छ नि ।
२
प्रकोपले कहाँ कहिले कुनलाई पिर्छ पत्ताे छैन
जीवनको के छ ठेगान, दीर्घकालीन सत्ता हैन।
✍️ मनोहरी पौडेल
गैडाकोट १
[२९]
१.
कसरी सुन्नु हामीले यति धेरै रोदन
सहयोग गर्न हजुर नगरौँ दोमन ।
२.
हातेमालो गरेर सबैलाई सघाऊ
सारा नेपालीमा यही सन्देश जगाऊ ।
✍️ शशिश्री आचार्य
बौद्ध कुमारीगाल ६, काठमाडौँ
[३०]
१.
दुई हजार असी कार्तिक सत्रको मध्यराती
छ दशमलव चारको भूकम्पले दुखायो छाती ।
२.
भूकम्पले प्रलय गर्यो जाजरकोट रामिडाँडा माथि
ठुलोक्षति भो जुटाउँ राहत स्वास्थ्य सेवा मिलेर साथी ।
✍️ योगप्रसाद उपाध्यय चापागाईं
गोठाटार, काठमाडौं ।
[३१]
भूकम्पले बारबार तर्सायाे हल्लाउँदै धरा
गरिब दुखी पर्दैछन् मृत्युको मुखमा हे बरा ।
✍️ दीपा शाही रावत
कैलाली ।
[३२]
१.
अहो! भुकम्प यो कस्तो पड्कियो बम झै गरी
भत्कायो घर ती सारा अस्ताए यसमै परि ।
२.
उठ जाग सबै लाग मान्छे मान्छे बनिकन
एकता हात फैलाउ देशका हे मणिजन ।
✍️ रामजी लामिछाने
पोखरा २७
[३३]
विनासकारी भूकम्प फेरि पनि यहाँ नै पिछडिएको हाम्रै ठाउँमा गयो
हुनेखानी त सुरक्षित थिए नै पक्की घरमा नहुनेकाे बिल्लबाठ भयो ।
✍️ पवन कुमार बुढाथेाकी
काठमाडौँ
[३४]
१.
कठै! त्यत्रो दुर्दशा आइलाग्यो त्यहाँका मानिसलाई
सबैले केही सहयोगी हात बढाऔँ हे दाजुभाइ ।
२.
मन्दिरको पूजाले मात्र पाइदैन् नि सच्चा खाले धर्म
विपत्तिमा सहयोग गर्नु मानिसको असली कर्म ।
✍️ अर्जुन प्रसाद चौलागाई
रामेछाप सुनापति-१, हालः अमेरिका, बोस्टन।
[३५]
कहाँबाट अायाे भूकम्प काल बनेर
धर्तीलाई कम्पन दियाे छल गरेर ।
✍️ प्रेमकला सिटाैला
झापा
[३६]
भुँइचालोले जाजरकोट रोएको बेला
बुझ्न सकिदैन हजुर यो दैवको खेला ।
✍️ बुद्धिमान दनुवार ( सुरुङ्गेली कान्छो )
कनकाई ४ झापा
[३७]
कम्पन बनी आयो कोहीको काल
कोही कसैको त भयो नि बेहाल ।
✍️ कृष्ण घिमिरे उदार
पाणिनि ७, अर्घाखाँची
[३८]
१.
आकाश छाना भयो धर्ती भयो नी कठै घर
दु:खमा जस्ले साथ दिन्छ उसैकाे हुन्छ भर ।
२.
मुटु चट्टान झै नै चाहिन्छ सहनलाई यस्तो कुरा
छुटेका परिवार भत्केको घर कसरी हुन्छ पूरा ।
✍️ सुशीला शिखा
काठमाडौं, कागेश्वरी
[३९]
१.
आयो भूकम्प गर्यो विनास
दैवको लिला रोकियो सास ।
२.
जुट्ने बेला हो यो त जुटी, सबैले सकेको सहयोग गरौँ
घाइतेको सफल उपचार होस् , तड्पिएर कोही नमरौँ ।
✍️ चिरञ्जीवी श्रेष्ठ
धनकुटा ।
[४०]
१.
तिहारकै मुखमा कालो बादल छाएर
सिङ्गो नेपाल रुँदै छ, भुइँचालो आएर।
२.
भुइँचालो पीडितलाई सहयोग गरौँ,
मानवीय धर्म हो, मिलेर मलम भरौँ ।
✍️ अजय दनुवार
धनगढीमाई न.पा.-४, जयपुर, सिराहा
[४१]
१.
घरवास उठिबास भो मौसम अति सिरेटो
छिटो उद्वार छानो पिठो खोजौँ नगरौँ रँगेटो।
२.
टुक्का कविताबाट नै आऊ हामी आह्वान गरौँ
पैसा होईन अभाव जिन्सी राहत गर्जो भरौँ ।
✍️ इन्दु श्रेष्ठ
चितवन
[४२]
दैबले पनि के देख्यो खै अन्धकार थियो माथि
भुकम्पले ध्वस्त पार्यो न जोगाउने थियो साथी।
✍️ उमा दाहाल
शुन्दरहरैँचा १० मोरङ
[४३]
१.
फेरि पनि गरिबकै दुख पाउने पालो आयाे
सरकारले न त टालो न दु:खकाे छानाे छायाे ।
२.
जाजरकोट र रुकुमतिर ठुलो क्षति भयो
धन जन स्वहा भएर घरबार पनि गयो ।
✍️ आशिष ऐडी
कालिकोट पचालझरना
[४४]
१.
विध्वंश भएको बेला, असहायको साथ हुनु
विपनामा बिचल्ली हुनेलाई हात बढाउनु ।
२.
विलाप र बिस्मातको घडीमा सहायता गरौँ
बिसेक बनोस् घाउ त्याे दया मायाको भाव भरौँ।
✍️ माेती सुब्बा
दार्जिलिङ
[४५]
१.
चारैतिर छायाे रुवाबासी भूकम्पले गर्दा
मिल्न सक्छ दु:खमा राहत हामी अघि सर्दा ।
२.
प्रकृतिलाई के नै पाे गर्न सकिन्छ र ?
पीडितलाई मद्धत अब अघि सर ।
✍️ पुनिता चाैधरी
सुरुन्गा न.पा.११, महेशपुर सप्तरी