काठमाडौ, २८ जेठ । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ३७औँ शृङ्खला शनिबार सम्पन्न भएको छ ।
अभ्यासमा ३७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ३७औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
रोजगार दिन्छु युवालाई, पठाउँछु खाडीमा,
रेमिटेन्समा मोज गरेर हुँइकिन्छु गाडीमा ।
✍️वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
ईमान रहेन तिमीमा जमान रहेन,
थोरै लाज त हुनुपर्ने त्यो पनि भएन ।
✍️
वसन्त अनुभव
घोराही, दाङ
[२]
युवा बेच्छन् खाडीतिर पैसा साेर्छन् दलाल,
मिलेर बाँड्दै खान्छन् कानुन भयाे हलाल ।
✍️
ताराप्रसाद चापागाईं
धुनिबेसी, हाल प्रवास
[३]
आऊँ युवा स्वदेश अब हाम्रै बोक झोला,
पाल्न सक्छौँ तिमीलाई बेचेर नदी खोला।
✍️
होम प्रसाद नेउपाने
धरान,सुनसरी ।
[४]
बिरोध हुन दिन्नँ म, मेरा कुनै कार्यको,
जसो जसो बाजे उसै स्वाहा, शिरोधार्यको।
✍️
प्रदीप के रिमाल
इटहरी, सुनसरी
[५]
सधैँभरि चोखो बन्न अनेक थरी भन्छु,
बाहिर सम्वृद्धि भनेर भित्र पैसो गन्छु* ।
✍️
प्रेम थापा “मन”
[६]
युवाको लहर प्रारम्भ खाडीको गर्मीमा नुहाउन,
दलाल नेताले पैसो सोहोर्दै थाले जन्ता रुवाउन।
✍️
अच्युत घिमिरे-
भुटान बाट 🇧🇹
[७]
सबै जनताको पसिना लुटी खान पल्केका,
घ्याम्पे भुँडी हल्लाउँदै गाउँ सहर ढल्केका ।
✍️
भुपेन्द्र राना मगर
धादिङ
[८]
खाडी राष्ट्र नै जाऊन् युवा ! यहाँ छैन काम,
रेमिटेन्स पठाइदेऊन् सबलाई माम ।
✍️
बिबस पारदर्शी
धद्रपुर -२ झापा
[९]
जुन आएपनि उखान टुक्काले राज गरे,
युवालाई खाडी पठाएर आफ्नो झोला भरे।
✍️
सुरेशकुमार पान्डे।
दाङ घोराही१८
[१०]
त्यो सपना फटाहाहरूको लागि दिवास्वप्न बन्छ,
अझै नचेते यमराजले यता पठाउनू,भन्छ।
✍️
म्यामराज राई
हतुवागढी-६, होम्ताङ्, भोजपुर, हाल:-जापान
[११]
मौकामा त पैसा दिएर पनि किनियाे भाेट,
कुर्सी पाइ गइयाे दिने हाे यिनलाई चाेट ।
✍️
भवानी
[१२]
अरूलाई लुछेर मोज किन गर्छौ ?
एक न एकदिन खाडलमा पर्छौ ।
✍️
बूढानीलकण्ठ काठमाडौँ
[१३]
हाम्रा देशका शासकहरू त पजेरोमा गुडे,
ज्यामी माहुरी जस्ता युवाहरू खाडीतिर उडे ।
✍️
डम्बर थामी ‘अनुपम’
कालिन्चोक गा.पा.-६, दोलखा ।
[१४]
जनताले खबरदारी गर्दैछन् तर नेताले भने खल्ती भर्दैछन्।
✍️
राज कुमार राजभण्डारी खाेटाङ्गे
भक्तपुर ।
[१५]
भाषण सुन्दा राम्रो लाग्ने निष्ठुरीको बोली,
सत्ता मात निकै चढ्यो बिर्सियो आजभोलि ।
✍️
सुर्य मणि रेग्मी
चितवन
[१६]
खाडीतिर युवा पठाउने दलाल र देशद्रोही हुन,
युवाहरू बगाउँछन् पसिना विदेशमा, ती चुस्छन् खुन।
✍️
दीपक ठटाल जलन,खरसाङ।
[१७]
मेरै हातमा डाडु पन्युँ, बजेट मेरै हातमा,
किन टाउको दुखाउँछौ आफन्त सब साथमा ?
✍️
राजेशराज गड्तौला
रतुवामाई- १०, मोरङ हाल- प्रवास
[१८]
विदेशबाट श्रम स्वीकृति ल्याईयाे भन्दै छाती फुलाउने नेतृत्व,
रेमिट्यान्सबाटै मगनमस्ती गरिकन विकास गर्दछ व्यक्तित्व ।
✍️
प्रद्युम्न चालिसे
भक्तपुर कटुञ्जे ।
[१९]
युवाशक्ति बाहिर ठेली बुढा गर्छन् शासन,
माखाे केही मार्नु छैन गजधम्म छ आसन ।
✍️
त्रिलाेचन भण्डारी
मेचीनगर, झापा
[२०]
इलम सिकेर गरे देशमै काम
हुनेछ विश्वमा राष्ट्रको ठुलो नाम।
✍️
बिके मुखिया
दार्जीलिङ भारत।
[२१]
सुम्पेर देशको बागडोर, बृद्घहरूको हात,
पसेर खाडीमा युवाहरू खट्दैछन् दिनरात।
✍️
बि.कुलुङ
दार्जिलिङ
[२२]
काम दाम छैन युवाको भन्दै पुर्याए बिदेशको खाडीमा,
खोलानाला बेच्दै देश धराप पारी यी डुल्छन् चिल्ला गाडीमा ।
✍️
बेदु न्यौपाने
काठमाडौ
[२३]
युवालाई विदेश पलायन बनाई देशका नाइके बाँचे,
अझै दम्भ यिनैको छ ठुलै परिवर्तन गरे भन्ठान्दै नाँचे।
✍️
शंकर कार्की,
थाहा ३ मकवानपुर।
[२४]
लौ हजुर गर मोजमस्ति, चढ नयाँ गाडी
श्रीमतीलाई किनीदेऊ, रेमिटेन्सले साडी ।
✍️
बिके माकजु
भक्तपुर ।
[२५]
त्यसै खाकाे होइन है मैले जिती पुगेर सत्तामा,
जागिर खाएका छैनौं राजश्वबाट खान्छाैं भत्तामा ।
✍️
रामप्रसाद पुरी,
बादेल, खाेटाङ ।
[२६]
युवाहरू निदाउँदासम्म यस्तै मोज गर्दै गर्नु,
ब्युँझेको दिन अकाल मृत्यु मर्न लम्पसार पर्नु।
✍️
अरुण कु.भुजेल
गोरूबथान,कालेबुङ्ग,भारत।
[२७]
पालो अब आफ्नै हो मोज गर, नबनेर एकोहोरो,
काम गरी इज्जत बचाउनु नजानु जेल दोहोरो ।
✍️
अनुग्रह राना मगर ‘पुष्प’
संखुवासभा हाल मलेसिया
[२८]
दक्ष युवा शक्ति जति लाग्दैछन् परदेशको बाटो,
बुढा खाडा अनपढले के छोप्लान्, गरीबीको टाटो ?
✍️
गोबिन्द लम्साल
धादिङ
[२९]
अम्बक सम्झिएर जनता टोक्ने,
गधा भएर विदेशीलाई बोक्ने।
✍️
रिजाल विनोद
[३०]
साथ देऊ झोलेहरू रङ्गीन दुनियाँ घुमौला,
हात केही नलागे सपनाको शिखर चुमौला।
✍️
परिक्रमा श्रेष्ठ
[३१]
कसले दिएकोछ रोजगारी गरीबलाई, कसले दियो कामदाम,
विदेशबाट आएको रेमिटान्सले सरकार देखाउँछ तामझाम।
✍️
मल्ल लक्ष्मी श्रेष्ट
मेची किनार बिर्तामोड झापा
[३२]
आऊ युवा आफ्नै जन्मभुमि बाेकेर झाेला,
पाल्छन् अब हामीलाई बेची बगर खाेला।
✍️
सहयात्री शाेभा अर्याल रुपन्देही १४ बुटवल
[३३]
देशको लागि विकासमा, सापट गर्नेछु,
युवा विदेश छिराई ,आफ्नो धोग्रो भर्नेछु ।
✍️
जमुना आचार्य
सिन्धुपाल्चोक
[३४]
युवाहरू खाडीमा दिनरातै पसिना चुहाउँदै ,
दलालहरू युवा बेचेर चिल्लो गाडी गुडाउँदै ।
✍️
बुद्धिमान दनुवार
कनकाई नगरपालिका ४ झापा
[३५]
काम गरेरै खाने मन छ मलाई स्वदेशमा,
भेटभरी खुवाउन पुग्दैन यो परिवेशमा ।
✍️
भगवती दवाडी
झापा
[३६]
देशको माटो रोइरहोस् छ पैसा कमाउनु,
युवा श्रम सस्तोमा बेची छ यतै रमाउनु ।
✍️
मनोहरी पौडेल
गैडाकोट १ नवलपुर
[३७]
रोजगार छैन स्वदेशमा बिदेशतिर जाने,
यता मोज गर्ने घुसखोरिले रेमिट्यान्स खाने ।
✍️
अभागी सिन्धुली