——————————————–
“पाँच तत्त्व पाँचै विकार, पञ्चाङ्ग नै ठिक आधार “
विधा :- पञ्चाङ्ग
अभ्यास गर्ने थलो :- पञ्चाङ्ग पाठशाला
मिति:- २०७९/ ०१/२०
………………………………………….
प्रशिक्षक:-
सोमनाथ लुइटेल “रवि पाल्पाली”
नारायण प्रसाद निरौला
भाषा शुद्धीकरण सुझाव :-
सुशीला पौडेल
सविता के.सी.
चन्द्रावती अधिकारी
सङ्कलक :-
सोमनाथ लुइटेल “रवि पाल्पाली”
सहजकर्ता :-
महासचिव
रामराजा के. सी.
======================
अनुप्रास र स्थायी आफुखुसी राखेर १६ अक्षरमा पञ्चाङ्ग बनाउनु होला ।
पञ्चाङ्ग ०१
जनता हार्दा चुनाव अहिले सार भएन
जनमत आयो आर्कैको अब पार भएन
पाँच वर्षमा आएको चुनाव खेरै जाने भो
जनता मरे नेतालाई कैले मार भएन
नेता थिए जनता एकदेखि चार भएन ।
🙏सोमनाथ लुइटेल “रवि पाल्पाली” ।
पञ्चाङ्ग ०२
लेक र बेसी, प्रीतको बोट, सारेर जानुछ ।
सबैले मिली, प्रेमको फल, झारेर जनुछ ।
जीवन मार्ग, हेरेर जानु, मानिस सबैले ,
आँखाको आँसु, मनको पीडा, तारेर जानुछ ।
आखिर पल, सृष्टिको माया, मारेर जानुछ ।
🙏आर्त अकुलीन, कैलाली।
पञ्चाङ्ग ०३
चुनाव खेल खेल्दामा एक जित हाे अवश्य ।
हुँदैन द्राेह गरेर बसे हित हाे अवश्य ।
पाइन्न पार बाेकेर रिस राग हाे शत्रुता ,
मिलेर रहे विकास गरे मित हाे अवश्य ।
जित्नु र हार्नु दौडमा हुने रीत हाे अवश्य ।
🙏भवानी घिमिरे, सर्लाही ।
पञ्चाङ्ग ०४
सातु सर्वत खाने दिन आजै परेछ हैत
शिवकाे बिहे वार्षिकाेत्सव् आजै रहेछ
हैत सत्य युगमा हिमालयकी पुत्री पार्वतीकाे
बिहे भएर कलि युगिमा आस्था झरेछ हैत
सनातन धर्मिले याे महत्व गरेछ हैत ।
🙏मधुसूदन प्रसाद घिमिरे ।
पञ्चाङ्ग ०५
हावा हुरीबाट जोगाउने एउटा घर होस्
सुखदुःखमा साथ निभाउने वर होस्
तब जिन्दगीमा सन्तुष्टि मिल्छ सफल हुन्छ
पर्दा हातमा हात दिने उस्तै भर होस्
गोत्र कन्यादान गरे नि उही थर होस् ।
🙏सविता के.सी. काठमाडौं ।
पञ्चाङ्ग ०६
चुनावकाे यहाँ धेरै चटाराे छ जतातता
गाउँघर डुली हिड्ने हताराे छ जतातता
उत्तरसँग आएर दक्षिण मिल्छ के गरी
पूर्व र पश्चिमी चाेसाे पसाराे छ जतातता
सत्ता भित्र गुताईने लठाराे छ जतातता
🙏ताेयानाथ सुवेदी, काडाघारी,काठमाडौं ।
पञ्चाङ्ग ०७
साइनो गाँस्दै घर दैलोमा आउँछ है फेरि
सय बाँड्दै लाखौं उठाउन धाउँछ है फेरि
कति सुत्छौ मस्त? जनता अब त जाग्नुपर्छ,
भोट माग्न मुकुण्डेले चिप्लो लाउँछ है फेरि
लय फेर्दै पुरानो गीत नै गाउँछ है फेरि।
🙏अरुण कु.भुजेल
गोरूबथान,कालेबुङ्ग,भारत।
पञ्चाङ्ग ०८
एक छाक टार्न दिनदिनै गिट्टी कुट्नु पर्छ
काम गर्न आफ्ना परिवारसँग छुट्नु पर्छ
भयावह अवस्था बुझ्छौ, बुझ्दैनौ हाम्रो प्रश्न
निमुखा हेप्नेका मन नै बेसरी खुट्नु पर्छ
यस्तो असमानता रोक्न नै हामी जुट्नु पर्छ ।
🙏प्रेम थापा “मन”बागलुङ ।
पञ्चाङ्ग ०९
सहर गाउँ उराल्दै गीत गाएछ चुनाव
गठबन्धन एकल लड्न लाएछ चुनाव
सिध्दान्तहिन कुचेष्टा लिए जनता रूवाइ
अर्कैकाे दल जिताइदिन धाएछ चुनाव
अाफ्नैमा भाेट सजाय भाेग्न अाएछ चुनाव ।
🙏सुरेश चन्द्र घिमिरे, लमजुङ ।
पञ्चाङ्ग १०
समयमा ठाउँमा नपुग्दा हार लाग्ने रैछ
केही गर्छु भन्दा पनि जाँगर नै भाग्ने रैछ
सञ्जालबाट मुक्ति पाउन नी गार्है छ अब
परिस्थिति अनुसार मन सारा माग्ने रैछ
सादा जीवन उच्च भावना भोकै जाग्ने रैछ ।
🙏जमुना आचार्य, सिन्धुपाल्चोक ।
पञ्चाङ्ग ११
आजभोलि म घरदैलोमा लागेकाेछु राम्ररी
त्यसैले त हाेला म साह्रै नै थाकेकाेछु राम्ररी
नजाउँ भनेपनि पार्टीमा लागि हालियाे नि त
समाजमा पार्टीकाे इज्जत राखेकाेछु राम्ररी
मासुभात उम्मेदवारकाे खाएकाेछु राम्ररी ।
🙏नवराज भट्ट, महेन्द्रनगर, कञ्चनपुर ।
पञ्चाङ्ग १२
उमेरमा त भिर पाखामा गइदोरहेछ
बुढेसकालमा बिरामी नि भइदोरहेछ
तिमीहरूको उमेरमा हामी के के गर्थौ
अझ उमेर ढल्के पिढीमा रहिदोरहेछ
त्यो बेला जसले जे भनेनी सहिँदोरहेछ ।
🙏सुमित्रा पोखरेल काठमाडौं
पञ्चाङ्ग १३
०१
सुरुमा दिलमा बास बस्ने गरी आउँने छन्
नपाउन्जेल जहिले पछि पछि धाउँने छन्
जब आफ्नो स्वार्थ पूरा हुन्छ नि तब उनैले
स्वच्छ पवित्र प्रेमलाई पाखा लगाउँने छन्
जिन्दगी भरि पिडाकाे आँसुमा डुबाउने छन् ।
०२
अरूलाई फकाउने बानी गज्जबको छ तिम्रो
कसैसँग लजाउने बानी गज्जबको छ तिम्रो
धेरै नौटंकी नाटक देखाउनु पर्दैन अब
कोही पछि लगाउने बानी गज्जबको छ तिम्रो
कसैलाई हटाउने बानी गज्जबको छ तिम्रो ।
०३
घाइते मुटु लिएर हिँडेको देख्ने को छ र
फाटेको दिल सिएर हिँडेको देख्ने को छ र
जिन्दगी त हासीखुसी रमाउने को लागि पो
गुनमा खुन दिएर हिँडेको देख्ने को छ र
तनाव हुँदा पिएर हिँडेको देख्ने को छ र ?
०४
खुनको बदला खुनले तिर्ने छु
परि आए मुटु,कलेजो चिर्ने छु
मुखले ठिक्क पार्ने नगर्दा हुन्छ
झ्यालबाट भए पनि म छिर्ने छु
खराब व्यक्तिलाई मैले पिर्ने छु ।
०५
पैसा र पावरको कुरा नगर तिमी
जिन्दगीमा कसैको भर नपर तिमी
मुखले फुर्ति लगाउने धेरै छन् यहाँ
कुराले अघि सार्यो भने नसर तिमी
जहिले उम्रिने बीज मात्रै छर तिमी ।
🙏सुशीला पौडेल ।
पञ्चाङ्ग १४
मेरो भग्यमा लेखेको मात्र पाउँछु होला
बिपरित दिशामा सदैव धाउँछु होला
बिधाताको नियम थाहा पाउन सके त
इच्छा लागेको कुराहरू नै लाउँछु होला
तिमीले दिलैले बोलाएमा आउँछु होला ।
🙏देविकी के.सी. , काभ्रे हाल बिरगंज ।
पञ्चाङ्ग १५
सपनामाथि असिना पानी परेपछि
दिनै मार सहने यो बानी परेपछि
कर्म छैन भने सुख कहाँबाट हुनु
दुःखै दुःखको अनन्त खानी परेपछि
अचानोझैँ मेरो जिन्दगानी परेपछि ।
🙏श्रीकृष्ण शर्मा, पोखरा ।
पञ्चाङ्ग १६
नजान्नेकाे फुत्की जान्छ दाउ चाैका पनि
सबैलाई एकैचाेटी आउन्न माैका पनि ।
कहिले पालाे कसैकाे हाे कहिले कसैकाे
चैतमासे खडेरीमा के काम नाैका पनि?
उही अमृत उही बीष हुन्छ लाैका पनि ।
🙏चन्द्रावती अधिकारी, कोहलपुर बाँके ।
पञ्चाङ्ग १७
बाघकाे छाेराे बाघै हुन्छ हेर स्याल हुँदैन
घमण्डले खान्छ नै एकदिन ख्याल हुँदैन
छाेड्न सक्नु पर्छ खराव अाचरण सबैले
धनदेखि काेही नचुहाउने -याल हुँदैन
पर्मात्माकाे अाँखा नपर्ने कुनै झ्याल हुँदैन ।
🙏रामराजा के.सी.
फर्पिङ, काठमाडौं ।
पञ्चाङ्ग १८
गाउँ सहर घन्काउदै गित छाउँछ चुनाव
जनता र नेता बिचमा मीत लाउँछ चुनाव
घर समाजमा डुलाउँदै झुकाउँदै माथ
सत्य युगका देवताका गित गाउँछ चुनाव
फूल हार पहिराएर जित धाउँछ चुनाव
🙏सरिता काफ्ले कोहलपुर बाँके ।
पञ्चाङ्ग १९
जहाँतहीँ चुनावको माहोल चलेको छ हेर्नुस्
एकअर्को बिच पार्टीमा आगो बलेको छ हेर्नुस्
प्रचार प्रसारका निम्ति नै तछाड मछाड गर्दै
हिडेर शरीरलाई बेस्सरी गलेको छ हेर्नुस्
मानिसले स्वार्थका लागि पनि छ्लेको छ हेर्नुस् ।
🙏आर्मित्मा थापा मगर
स्याङ्जा ।
पञ्चाङ्ग २०
साहित्यको भोक हो यो मेटिँदैन कहिले
भोक लाग्दा खानेकुरा भेटिँदैन कहिले
यस्तै गरि निशा लाग्ने सबैलाई नै होकि
लेख्दा लेख्दै निद्रा आए लेटिँदैन कहिले
सारङ्गी ता आफैँआफ रेटिँदैन कहिले।
🙏गुणानिधि घिमिरे, हाल अमेरिका ।
पञ्चाङ्ग २१
आफू बलियो भएदेखि उछिन्न मन लाग्छ
असहाय भएपनि सबै किन्न मन लाग्छ
दुःखी गरिबीको कोही छैनन् यस जगतमा
सामन्तीलाई त घुनसँगै पिन्न मन लाग्छ
सहयोगीलाई मौकामा नै चिन्न मन लाग्छ ।
🙏निर्मला सुवेदी , बागलुङ।