दाङ १५ फागुन । घाेराही उप-महानगरपालिका वडा नं. १७ मा अवस्थित नाथ सम्प्रदायकाे विशेष महत्व बाेकेकाे नेपालकै प्राचीन एवम् पुरातात्त्विक पहिचान रहेकाे गाेरक्ष पात्रदेवता सिद्ध रत्ननाथ मठमा सदाझैँ फाल्गुण कृष्ण विजया दशमीका दिन ऐतिहासिक पीर स्थापना पर्व मेला सम्पन्न भएकाे छ ।
हरेक वर्ष फाल्गुण कृष्ण एकादशी अर्थात विजया एकादशीका दिनमा नयाँ पीर मठाधीश लगायत अन्य मठमा पूजा पाठ गर्नकालागि कर्मचारीकाे नियुक्ति छनाेट हुने गर्दछ । नयाँ पीर मठाधीश छनाेटका लागी अघिल्नो दिन साँझ बसेकाे भेष बाह्र पन्थ नाथ याेगीहररूकाे भेलाले याे निर्णय गर्ने गर्दछ । नयाँ रङ्ग राेगनले सिङ्गारिएकाे मठ परिसर त्यसमा पनि दुलहीकाे जस्तै सिङ्गार पटार गरिएकाे ऐतिहासिक दलिचा ( पूजा पर्व ) स्थनानमा नयाँ पीरलाई प्राचीन विधि अपनाई फेरिने परम्परा रहेकाे छ । अर्थात पीर बदलिने भए पीरकाे सम्पूर्ण जिम्मा नयाँ हुने पीरलाई हस्तान्तरण गर्ने साथै विधि सिकाउने पहिलाकाे पीरले गर्नुपर्ने हुन्छ ।
जस अनुसार आज पहिलेका पीर मठाधीश सन्ताेषनाथले नयाँ हुने पीर याेगी ब्रहमनाथलाई एक भव्य समाराेहमा पीरकाे जिम्मेवारी सुम्पीनु भएकाे हो । याेगी ब्रहमनाथ यसभन्दा अगाडि मृगस्थली गाेरखनाथ मठ काठमाडौमा रहेर विभिन्न जिम्मेवारी सम्हालि सक्नुभएका युवा हुनुहुन्छ । सिद्ध याेगी रत्ननाथले गुरु गाेरखनाथबाट प्राप्त गरेकाे पात्रदेवताकाे दैनिक तान्त्रिक विधिबाट पूजा गरिने परम्परालाई निरन्तरता दिने उद्धेश्य अनुरुप हरेक वर्ष यसै दिनलाई मुख्य साईत पारेर पीर फेर्ने गरिन्छ । पीर हुनकालागि याेग्य ,सपाङ्ग ,विवाह नगरेकाे ब्रह्मचर्यकाे पालन गरेकाे ,कानकाे चिरा लिएकाे याेगी व्यक्ति हुनुपर्ने नियम रहेकाे छ ।
यस वर्षका पीर ब्रहमनाथकाे जन्म पूर्वी नेपालकाे धरानमा भएको हो । यसै गरेर पीर लगायत पुजारी, भण्डारी सिरानेकाे छनाेट समेत पीर स्थापना मेला, पर्वकाे अघिल्लाे रात साँझ भेष १२ पन्थकाे समितिले गरि आज विजया एकादशीका शुभ दिनमा पीरकाे साथै अन्य ४ जनाकाे सार्वजनिक दलिचा पर्व स्थानमा घाेषणा गरिने चलन रहेकाे छ । यस पर्वका दिनमा स्थानिय ब्यक्तिहरुकाे जमघट पीर फेरेकाे हेर्नकालागि ठूलाे श्रद्धाका साथ मठ परिसर एवम् दलिचाकाे वरिपरि बस्ने गर्दछन् ।
यसै दिनकाे प्रतिक्षामा विशेष गरेर कपिलवस्तु, चन्द्राैटा, कृष्णनगर, घाेराही बजार लगायत भारतका व्यापारीहरुद्वारा मेलामा मिठाई, बदाम, नमकिन, फलफुल लगायत विभिन्न खाले खेलाैना बेच्नुका साथै पीङकाे पनि ब्यबस्था गरिएकाे हुन्छ। वि.स.८०९ मा स्थापना मानिएकाे याे ऐतिहासिक मठमा लाग्ने याे मेला पर्व नेपालकै ऐतिहासिक मेलाकाे रुपमा लिने गरेकाे पाईन्छ ।
