काठमाडौ, । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २२ औँ शृङ्खला शनिबार सम्पन्न भएको छ ।
अभ्यासमा ४७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २२औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
आज बोलेर भोलि भुल्छन् जनताका के कुरा,
राष्ट्र हितमा होस् नहोस् आफ्नो हितमा छ पुरा ।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
सोझा साझा जनतालाई, लुट्नुसम्म लुट,
विदेशमै थुपार्यौ धन, त्यतै जान जुट ।
वसन्त अनुभव
घोराही उपमहानगरपालिका १४, दाङ
[२]
वाह ! क्या गजब जनतालाई लुटेर स्वर्गमा जाने,
जनतालाई उनैले सधैँभरी भेडा र बाख्रा ठाने।
सुरेशकुमार पान्डे दाङ घोराही१८।
[३]
माला पहिर्याइदिने या गलहत्त्याउने,
राम्रो हेरौँ चारो फाल्दै फकाउॅंदै आउने।
म्यामराज राई,भोजपुर
[४]
राष्ट्रको हितमा हैन, नेताकै हितमा भयो,
देशको महिमा छैन, राष्ट्र पिछडिदै गयो ।
गुणनिधि घिमिरे
पाँचथर मोरङ हाल अमेरिका
[५]
अन्यायको बिरोध गरौँ देशको विकास गर्न,
एकताको माला बुनेमा पाउनन् तागत हर्न।
दुर्गा आचार्य
मोरङ
[६]
कुर्सीको लागि लडे यी नेता धेरै स्वार्थी भए,
वेरोजगार जनता कठै परदेश गए ।
अम्बिका अधिकारी
[७]
देशमा बहिरो छ प्रशासन अन्धा छ कानुन,
भ्रष्टाचारीको साम्राज्य छ जनताको चिसो खुन।
बिके मुखिया
सिग्रीमताम बस्ती, दार्जीलिङ भारत।
[८]
पदै मेरो नेता, आज बोल्छु भोलि भुल्छु,
कसलाई के को चिन्ता भट्टीतिर डुल्छु ।
राजेशराज गड्तौला
रतुवामाई- १०, मोरङ, हाल- प्रवास
[९]
त्यागौँ खराब आदतहरू भए हाम्रो,
समयमै आफ्नो बानी सपारेको राम्रो ।
नवीन जोशी
प्रदेस ७ कैलाली
[१०]
राष्ट्रघात गर्नलाई बारम्बार कम्मर कस्छु,
जति विरोध गरे पनि रमिता पो हेरी बस्छु ।
डम्बर थामी ‘अनुपम’
कालिन्चोक गा.पा. -६, दोलखा
[११]
नेता हुँ म मेरो बानी कसलाई थाहा छैन,
कमाउने बेला नै यही हो मैले ढाट्या हैन।
नवशिला
बेलबारी-२,लालभित्ती,मोरङ।
[१२]
यस्तो रुप देखाउन खै कसरी सकेका होलान् ,
आज गल्ती गर्नेहरू कुना पसी अवश्य रोलान् ।
गंगा खड्का
बूढानीलकण्ठ काठमाडौँ
[१३]
जनतामारा टारेर झारा चुम्बके आसन,
लिएर सारा देखायौ पारा भुँडीको शासन ।
प्रेम थापा “मन”बागलुङ
[१४]
कामकाज हुँदै गर्छ दुनो सोझ्याउँदै गरे,
आफ्नै पेट भरे पैले जनता ठाउमै मरे।
कमला, देवकोटा, पाल्पा
[१५]
जनतालाई झुटो बोली भोट माग्दै हिडेथ्यौ,
आफ्नो स्वार्थ पूरा गर्न विपक्षिलाई गिडेथ्यौ ।
अनुग्रह राना मगर ‘पुष्प’
संखुवासभा हाल मलेसिया
[१६]
जनतालाई बोलेर नै मिठो बोली सधैँभरि भुलाएँ ,
मेरो नेपाललाई किन? बाहिरी हस्तक्षेपमा डुलाएँ ।
विक्रम तिरुवा सलिन
जुम्ला
[१७]
भनेजस्तो सजिलो छैन राजनीतिको कुरा,
पराईले धम्काउँछ प्यारा देखाएर छुरा ।
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
[१८]
जनतामा खाेस्टा फ्याँक्छन् आफू सँधै चुस्छन् जुस,
जति बिरोध गरे पनि छाड्ने हाेईनन् घुस ।
त्रिलाेचन भण्डारी
झापा ,मेचीनगर
[१९]
शेर गुफा पस्दा गिध्द र स्यालको रजाईं,
बेलैमा होस् नपुर्याए बिदेशीकै कजाईं ।
लक्ष्मी प्रसाद फुयाल
मोरङ पथरी शनिश्चरे
[२०]
हो, यहाँ हरेक क्षेत्रका नेताहरूको उहीँ चाला,
जो गुटमुटाउन पाउँदैन त्यसैले रोप्यो भाला !
भूषण जंग
[२१]
आफ्नै हितको कुरा मात्र गर जनता जतासुकै मरोस्,
सुतेका जनता व्युँझी लखेटे देश छोडी भाग्न नपरोस्।
अरुण कु.भुजेल
गोरूबथान,कालेबुङ्ग,भारत।
[२२]
पाईन्छ खर्चेर सारा शक्ति सत्यवादी राज्य राम,
जनताबाटै खुसी मिल्छ रोकिदैन उनको काम।
होम प्रसाद न्यौपाने
धरान,सुनसरी ।
[२३]
खर्च गर्दै भोट माग्छु, कसरी गर्नु विकास,
आफ्नै खर्च उठाउँदा, किन खोज्दैछन् निकास।
प्रदीप के रिमाल
इटहरी, सुनसरी
[२४]
जस्तो भए नि जनता माझ फुस्रा भाषण गर्छु,
उनीहरूलाई नभए नहोस् आफ्नै भुँडी भर्छु ।
जमुना आचार्य
सिन्धुपाल्चोक
[२५]
चुनावमा भोट माग्छन्, चिप्लोचाप्लो कुरा गरेर ,
जितेर गएपछि हेर्दैनन् नेता उँधो झरेर ।
बुद्धिमान चौधरी
कनकाई नगरपालिका ४ झापा
[२६]
नेता हित नभैकन राष्ट्र हित हुन्न,
सत्य कुरा बोल्दा यहाँ चाहान्छ को सुन्न ?
बिबस पारदर्शी
भद्रपुर – २ (झापा)
[२७]
जनताको मुख बन्द छ, नेता झुठो खोक्छ यहाँ,
आयो कहाँ लोकतन्त्र? जुत्ता तिनका बोक्छ जहाँ।
मनोहरी पौडेल
गैडाकोट १
[२८]
देश विकासका नौला कुरा छन् गर्ने बातमा,
बेच्ने र लुट्ने सन्धि सम्झौता हुदैछ रातमा ।
रिजाल विनोद
मोरङ
[२९]
जनता बने गुच्छा नेताले खाए लाठी सहनु पर्छ।
अन्योलबाट छेउ युवाले लाए सयौं मानव मर्छ ।
संझना कुवर
[३०]
बोली बोलिमै सिमित हुन्छ व्यबहारमा आलु,
जसरी पनि बन्नुपर्छ यीनलाई ठुला ठालु ।
ललिता अभागी
सुनकिशी५-सिन्धुली
[३१]
थोत्रे चप्पल लाउने नेता सुटबुट लाउने भए,
गुन्द्रुक र ढिडो बिर्से तिनले आज मार्सी घिच्दै गए ।
लक्ष्मी श्रेष्ट
बिर्तामोड झापा
[३२]
चोर भ्रष्ट बेइमान नेताहरुको कुरा किन गर्छौं?
राष्ट्रघाती एमसिसी खारेज गर नेता नत्र मर्छौं।
कबिताहरी
सुन्दर हरैंचा नगरपालिका १ मोरङ
[३३]
जनताले हो पीडा बटुल्ने,
नेता परे आकाशमा डुल्ने।
अनिल खग्रास, पर्वत
[३४]
झुठ्ठा आश्वासन छर्दैछन् भिरेका छन् ताज ,
सिमाना मिच्नेसँग चुइक्क बाेलेनन् आज ।
प्रद्युम्न चालिसे
भक्तपुर कटुञ्जे ।
[३५]
दुनियाँलाई मन्छाउँन बाचा कसम गरे,
एमसीसीलाई पन्छाउँने साँचाे छैन अरे ।
रामकृष्ण दुवाडी
[३६]
आफ्नै हित सर्वाेपरि हाे जनताका के गर्नु कुरा,
मुखले राम फलाक्दै चलाउनु बगलीमा छुरा।
मित्र उराठी गाैतम
गुल्मी अमरपुर
[३७]
इमान्दार छु म नेपालको नेता सच्चा,
नेपाली जनता सबै मेरो लागि कच्चा ।
बिके माकजु , भक्तपुर
[३८]
जे गरुँ जसो गरुँ दुनियाँलाई केको दरकार,
आन बान सान मेरै छ म यो देशको सरकार ।
बेदु न्यौपाने 💕काठमाडौ✍️
[३९]
भुल्छन् सधैँ दिएकाे वचन कुर्सी पाएर,
झापड हानिदेउ जनता भाेट लाएर।
ताराप्रसाद चापागाई
धुनिबेसी ।
[४०]
देश र जनताको यीनलाई केकाे हुन्थ्यो र पिरमर्का,
अझ थाक्दैनन् तिनी कहिल्यै भ्रामक भाषण गर्न चर्का !
रामप्रसाद बेल्बासे ‘एक्लाे यात्री’
बुद्धभूमि -३,कपिलवस्तु
कार्यरत : तमानखाेला -३,बागलुङ ।
[४१]
देशको ढुकुटी सके पारेर छरपस्ट,
कहिलेसम्म खेप्नुपर्ने हामीले यो कष्ट ।
दुर्गा भट्टराई
मोरङ
[४२]
खान्न खान्न भन्दाभन्दै काेच्याउँछाै किन?
तयार छैन् हाम्रो देश एम सी सी लिन।
प्रेम कला चापागाईं
मेचीनगर १२ झापा
[४३]
फेरि आउने दिन तोक्यो गाउँघर टोल,
हात जोडेर दैलो कुर्दै ओड्दै नयाँ खोल ।
कर्ण दयाल
मेलौली नगरपालिका ७ बैतडी
[४४]
भोट माग्न आउँछन् नेता लुरुलुरु हेर,
राम्रो मान्छे मात्रै चुन्नु भोट नफाल्नु खेर।
सहयात्री शाेभा अर्याल
रुपन्देही १४ बुटवल
[४५]
जनताकाे बल जफतले कुर्सी भेट्छाै,
सदनमा पुगेपछि किन घाँटी रेट्छाै ?
भावना मञ्जु
माेरङ
[४६]
गद्वारहरू गर्दैछन् एमसीसीका कुरा,
लगाएर नेपाल आमाका छातीमा छुरा ।
नाम केसर बाेहरा (सङ्घर्ष )
सुदुरपश्चिम अछाम ।
[४७]
बेइमान नेताहरु कौडिको भाउमा बिक्छन्,
आउदो चुनावमा तिनीहरू सबक सिक्छन् ।