काठमाडौ, । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको २१ औँ शृङ्खला शनिबार सम्पन्न भएको छ ।
अभ्यासमा ५७ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला उक्त शृङ्खला सञ्चालन गरिदै आएको समाजका अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको २१ औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको टुक्का
कति जल्छौ आरिसले, गर्दै मेरो डाहा,
मौकामा लेप लगाएँ, दुखेकोथ्यो घाहा ।
✍️ वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
डाहा गर अझैँ आउ लाैन बिन्ती गर्छु
तिमी तान्छाै जति तल लाग्छ माथि सर्छु ।
ताराप्रसाद चापागाईं
धुनिबेसी ।
[२]
तिमी जल्दै गर आरिसले म प्रगति गर्छु
तिम्रो डाहासँग नडराइ भकारी नै भर्छु ।
राजेशराज गड्तौला
रतुवामाई- १०, मोरङ, हाल- प्रवास
[३]
भर्न देउ पहिला मलाई रबरको थैलो ,
रिस राग फालिदिन्छु यो मनको सबै मैलो।
होम प्रसाद न्यौपाने
धरान,सुनसरी ।
[४]
तिमि जल्दै गर जल्ने बाटो सधै खाली गर्छु,
रिस राग अन्त्य गरि भकारिमा धान भर्छु ।
नवीन जोशी
प्रदेस ७ कैलाली 🌹🥀
[५]
मौका मिल्दा चौका हान, हेर पर्दाखेरि दाउ,
पुग्ने गरी मलम लगाउ, नबल्झियोस् घाउ ।
वसन्त अनुभव
घोराही उपमहानगरपालिका १४, दाङ
[६]
आरिसेको कामै यस्तै डाहाले नै मर्ने,
सधैँभरी अर्काको चियो र चर्चो गर्ने ।
ललिता अभागी
सुनकोशी ५ सिन्धुली
[७]
आरिसे र डाहा गर्ने गरिरहुन् है जत्ती,
आफ्नो कर्म गर्नु पर्छ डर नमान्नु रत्ती ।
गुणनिधि घिमिरे
पाँचथर मोरङ हाल अमेरिका
[८]
मनको घाउ मेटाउन शीतल मल्हम लाएँ,
जमिन,जल,जङ्गलको सबै जडिबुटी खाएँ ।
डम्बर थामी ‘अनुपम’
कालिन्चोक गा.पा. -६, दोलखा
[९]
तिम्रो लागी सबथोक हुँ म जे गरेनी हुन्छ,
शक्ति मेरो हातभरी जस्ले छुन्छ उहि रुन्छ।
पूर्णबहादुर श्रेष्ठ “हृदयङकृत”
पनौती न.पा.-३,काभ्रे
[१०]
आरिसले किन जल्छौ देखासिकी गर ,
मिलीजुली खाऔँ साथी अलि यता सर ।
रामजी लामिछाने
पोखरा २७
[११]
मलाई मज्जा तब छ मौकामा नुन, चुक हाल्दा,
ननिको लाग्छ खत उप्काई तिमीले काम थाल्दा।
म्यामराज राई
हतुवागढी-६,भोजपुर
[१२]
जले जलोस जल्नेहरु बुझ्नेले गर्दैछन् वाह,
निको भएको छ घाउ अब सबैले गर्छन् आह !
अनुग्रह राना मगर ‘पुष्प’
संखुवासभा हाल मलेसिया
[१३]
नेता बनायौं कुर्सी दियौं भए बेपत्ता,
टन्न कमाइ हालियो गए जाला सत्ता ।
सुरेशकुमार पान्डे।दाङ घोराही१८
[१४]
हात्ती छाप चप्पल लगाइ शहर पसे पहिले,
राजनितीको पसल थाले महलमा छु अहिले।
नवशिला
बेलबारी-२,लालभित्ती,मोरङ।
[१५]
कति जल्छौं जल्दै गर,
डाहा गरी भुँडी भर ।
दुर्गा भट्टराई
मोरङ
[१६]
भागबण्डा लाउन पर्ने घ्याम्पे छालाले रोज्छ,
डाहको प्रवाह छैन लागेको बानीले खोज्छ ।
प्रेम थापा “मन ” बागलुङ
[१७]
डाह गर्ने जल्ने मर्ने अल्छि अनि आरिसे,
चोट नदिई बस नत्र बन्छौ वेवारिसे ।
बिबस पारदर्शी
भद्रपुर – २ ( झापा )
[१८]
आरिस गर्ने भोकै होलान् , म त टन्नै भएँ,
हुँ भान्से डाडु पन्यु सँगै , बस्न भित्र गएँ ।
बिके माकजु , भक्तपुर ।
[१९]
तिम्रो कामलाई होइन मुहारलाई डाहा गरेको,
त्यसैले त सधैँ तिम्रो नजिक नजिक हामी सरेको।
कल्पना थामी
सिन्धुपाल्चोक
[२०]
आरिसले मर्नेहरू जति सक्छौ मर,
म त मेरै बाटो हिंड्छु खुट्टा तान्दै गर ।
इन्दिरा देवकोटा
कपिलवस्तु
[२१]
आरिसले जल्नेहरु आफैँ हेर खाक हुन्छन्,
थाहा भई भई पनि फेरि तिनै जाल बुन्छन्।
दीपक ठटाल जलन,खरसाङ।
[२२]
डाहा गर्ने मान्छेको नै अघि जान मन लाग्छ,
यिनको त हेर्दै आँखा तरी रिस ममा जाग्छ,
बिनिता विश्वकर्मा बिनु
बुढीगंगा न•पा•९बाजुरा
[२३]
आरिस गर्नेहरु गरुन्
जलेर मर्नेहरु मरुन्।
बिके मुखिया
दार्जीलिङ भारत।
[२४]
किन जल्नु आरिसले ? लिएकाकाे घाउ,
तिमीले नै खाेज्या छाै कि ? घात गर्ने दाउ।
सरस्वती भट्ट
लमजुङ
[२५]
खुट्टा तान्ने प्रवृत्ति बचाई राख सदा,
कहिल्यै हार्दिनँ मेरो पछि तिमी छदा।
अनिल खग्रास
फनपा ९, पर्वत
[२६]
डाहा गर्दै तछाड मछाडको रमेका छन् कुर्सी माथि,
जनतालाई दुःख दिदै चिल्लो कारमा छन् भ्रष्ट साथी ।
अम्विका अधिकारी
झापा विर्तामोड
[२७]
दु:खमा नि खुसी थिएँ दुनियाँले देख्दा,
हाँसो उठ्छ अहिले त्यो इतिहास लेख्दा ।
चुडामणी ध्रुव देवकोटा
[२८]
कुर्सी मात्र कति गर्छौं नेता तानातान,
देश त खोक्रो बनाई छाड्याै जानाजान।
तारा घिमिरे
सङ्खुवा सभा
[२९]
जल्नेहरु जल्दै गर मर्ने मर्दै गर,
तिमी जस्तो मानिसको हेर्दिन अधर।
लक्ष्मी श्रेष्ट
बिर्तामोड झापा
[३०]
आरिस अनि डाहा गर्ने सबै उँधो लाग्छ,
कर्म गर्ने कर्मवीरको सधैँ भाग्य जाग्छ।
अरुण कु.भुजेल
गोरूबथान,कालेबुङ्ग,भारत।
[३१]
जति रिस र डाहा गरेपनि माया जस्तै लाग्छ,
कति आउँछन् घोचपेच झन पो जाँगर जाग्छ ।
जमुना आचार्य
सिन्धुपाल्चोक
[३२]
दुनियाँको कुरा सुनेर असमझदारी पो भएछ,
तिम्रो मेरो विश्वासले कुन्नि कता टाप कसी गएछ ।
गंगा खड्का
बूढानीलकण्ठ काठमाडौँ
[३३]
विरलै भेटिन्छ मान्छे सबको भलाइ गर्ने,
घाउ चहर्याइ रहेको बेला मलम भर्ने ।
जि कुमार गौतम
भद्र्पुर -१ ( पृथिविनगर) झापा
[३४]
सक्दिनँ म राम्रो देख्न छैन भन्छु डाहा,
लौन समाज मलाई मात्रै भन आहा !
संझना (कुसुम)
[३५]
मलाई कुनै दुःख पर्दा, तिम्रा घर भोज गर्छौ ,
रक्सी धोक्दछौ शान्ति हुन, एकदिन थला पर्छौ।
मनोहरी पौडेल
गैडाकोट १ नवलपुर
[३६]
हात्ती लम्कदै जान्छ, कुकुर भुक्दै गर्छ ,
मेहनत गरे , डाहा गर्ने पछि सर्छ ।
बुद्धिमान चौधरी
[३७]
मेरो काम प्रति किन यतिधेरै आक्रोशित हुन्छौ,
प्रगति गरेको देखेर एकदिन जलेरै मर्छौ।
कबिताहरी
सुन्दर हरैंचा नगरपालिका १ मोरङ
[३८]
प्रगति गरेको त देख्नै नहुने रिस डाहा गर्ने,
सिन्कोसम्म नभाँच्नेहरुले किन जलिजली मर्ने।
राम रावल सागर
कैलाली
[३९]
मानेको छैन् मैले कसैलाई पनि रिस अनि डाहा ,
मलाई मात्र छ सधैँ मै खाऊँ मै लाऊँ भन्ने चाहा ।
विक्रम तिरुवा सलिन
तिला गाउँपालिका ३ कुडारी जुम्ला
[४०]
आरिसले जलि तिमी आफै खरानी बन,
आफ्नै पाैरखले कमाई रहन्छु म धन ।
प्रद्युम्न चालिसे
भक्तपुर कटुञ्जे ।
[४१]
रहर हुँदाहुँदै हो गरिने चाहा,
केहि गर्न नसक्नेले त गर्छ डाहा ।
रिजाल विनोद
मोरङ
[४२]
धनका धनी हौली तिमी आकाशमा उड्यौ,
मेरो नजरमा त बरै सागरमै बुड्यौ।।
ओमकुमारी बन्जारा
सामाखुसी काठमाडौँ
[४३]
कति बस्छौ तिमीहरू अरूकाे डाहा नै गरेर,
स्वार्थी बनेर सधैँ रिसले आफ्नो मन भरेर।
सहयात्री शाेभा अर्याल
रुपन्देही १४ बुटवल
[४४]
डाहा के गर्नु छ र परिश्रममा बल,
गर्नसके आफैँ झुल्छ कमाईको फल ।
सन्तु खत्री
[४५]
डाहा गरून् या आरिस गरून् राखिदैँन चासाे,
गर्ने कर्म छोडिँदैन सकिएला बरू हाँसाे ।
त्रिलाेचन भण्डारी
झापा,मेचीनगर
[४६]
संघर्षशिल ति पाइलाहरू चलाउँदै जाउँ ,
गन्तव्यमा पुगे आफैँ बिलाउँछन् मनका घाउँ !
माहादेव भट्ट
दशरथ चन्द नगरपालिका 01 गुरुखोला कलौन बैतडी
[४७]
धनको बिटा सम्झिएर भएको त्याे घाहा,
हामी सिधा जनलाई कहाँ हुुन्छ र थाहा ।
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
[४८]
स्वार्थी बनेर नेताले, देश बेच्नै लागे,
आफ्नै दुनो सोझो पार्न, डलर नै मागे ।
भगवती दवाडी ,झापा
[४९]
जल्ने जतिले जल्दै गर्छन् बल्ने बलिरहन्छन्,
रोकिदैनन् मेरा पाइला सदा चलिरहन्छ्न् ।
शर्मिला खतिवडा
विर्तामोड झापा
[५०]
रिस गर्ने गर्दै गर फूल झर्ने छैन,
काम गर्न नसक्नेले डाहा गर्ने हैन ।
धनुष न्यौपाने
गुठीचौर गाउँपालिका ०४ बिगारे जुम्ला
[५१]
लाेभ छैन लाभ छैन, रिसराग हैन,
भाेकप्यास औधि लाग्यो, ठूलो भाग छैन ?
रामकृष्ण दुवाडी
[५२]
कति जान्ने भएछौ है, चाकरीका कुरा ,
केहि गर्ने जोहो छैन, बोल्दाखेरी छुरा ।
कर्ण दयाल
मेलौली नगरपालिका ७ बैतडी
[५३]
तिमी जल्दै जाऊ डाहाले म हिँडिरहन्छु पथमा,
जति अबरोध गर मेराे जीवन रुपि रथमा।
रामकृष्ण रिजाल
बागलुङ
[५४]
आरिसेका आँखा हेर कत्ति बलेका,
अर्कालाई लुटिकन खाई जलेका ।
शान्ति याक्साे
काठमाडौं ।
[५५]
कति स्वार्थी बन्ने मलाई देखावटी माया गर्दै,
मेरो हिड्ने बाटो बाटोमा तिखा तिखा काँडा छर्दै।
अच्युत घिमिरे
भुटान
[५६]
डाहा र ईर्ष्या बालेर आफ्नै मुटु जलायो,
“मेरा स्वार्थ सर्वोपरि” भनी हल्ला चलायो ।
भूषण जंग
नेपाल
[५७]
जति जल्छौ जल्दै गर मलाई केही डर हुन्न,
जसो गरे पनि मेरै हो पालो कसैले नि छुन्न ।
💕बेदु न्यौपाने 💕काठमाडौ✍️
जय टुक्का ! जय साहित्य !!