“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसय चवन्नौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८३/०३/११
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १५५[एकसय पचपन्नौं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग आइतबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
पञ्चाङ्ग:०१
फूललाई जहाँपनि फुल्नु पर्ने रहेछ
यही जीवन जगतमा डुल्नु पर्ने रहेछ
भित्रभित्र रोएर बाहिर खुसी देखिनु,
आफ्नो पीडा लुकाएर खुल्नु पर्ने रहेछ
चारैतिर वास्ना छर्न खुल्नु पर्ने रहेछ।
-सुशीला पौडेल
पञ्चाङ्ग:०२
आहा!सुन्दर फूल फुलेको देखियो
बोटमा दुई रङ्ग खुलेको देखियो
प्रकृतिको सुन्दर नि:शुल्क देन,
डाली नै लटरम्म झुलेको देखियो
बगैंचामा भमरा डुलेको देखियो ।
-शोभा आचार्य गौतम
काठमाडौँ
पञ्चाङ्ग:०३
रङ्गीचङ्गी फूल साथी
प्रकृति हाे मूल साथी
सबैलाई मनपर्ने ,
सफा पानी मूल साथी
कुफतले शूल साथी ।
प्रद्युम्न चालिसे
भक्तपुर कटुञ्जे ।
पञ्चाङ्ग:०४
राम्रो फूल बीच बस्न मन छ
काम गर्दै घुँडा धस्न मन छ
हेर्दै सुन्दर लाग्ने कस्तो फूल,
हावा स्वच्छ लिन पस्न मन छ
फूलको बीचमा खस्न मन छ।
-ह्यारिस
पञ्चाङ्ग-०५
फूलको जीवन काँडा बीच पनि फुली दिने
छरेर सुवास अरूलाई आफू खुली दिने
पिडा त होला नि उसलाई पनि कति कति,
तर दुनियाँलाई हेर्दै हाँसेरै भुली दिने
बरु थोरै दुःख अरूकै पनि असुली दिने।
-पशपती राई खोटाङ ।