“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग: एकसय पचासीऔं अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा अनुरोध छ।
अभ्यास पाठशालाको अभ्यास शृङ्खला दर्ता पछिको भाग :-१८५———-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८२/०१/१४
पञ्चाङ्ग वा समपञ्चाङ्ग लेखि बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
भवानी घिमिरे
पशपती राई
सङ्कलक :-
———-
दुर्गा रिजाल आचार्य
संयोजक:-
=====
पञ्चाङ्ग साहित्य समाज नेपाल ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग:०१
जिन्दगीमा रमाउन सक्नु पर्छ
आपसमा समाउन सक्नु पर्छ
दुईचार जना चाहिन्छ कुरा काट्ने,
खर्च दिन कमाउन सक्नु पर्छ
आफ्नो वस्तु जमाउन सक्नु पर्छ।
सुशीला पौडेल
पञ्चाङ्ग-:०२
जीवनमा बस्नु पर्छ रमाएर सधैं हामीले
अन्त्यमा के लानु छर जाँदा कमाएर हामीले
खुसी हुँदै सबै सँग मीठो बोलौं जति बाचिन्छ ,
बनाउनु छ यहाँ सम्बन्ध जमाएर हामीले
अवश्य मरिन्छ लगिन्छ के समाएर हामीले ?
-दुर्गा आचार्य
मोरङ
पञ्चाङ्ग:-०३
जिन्दगीको लामो यात्रामा पैताला पोल्न सक्छ
तिम्रो कम्जोरी देख्दा कानमा विष घोल्न सक्छ
जिन्दगीमा खुसी किन्न पाइँदैन र मात्रै हो,
स्वार्थकै निम्ति पनि थुप्रै भाउहरू मोल्न सक्छ
भरोसा नगरौँ केवल स्वार्थमै बोल्न सक्छ।
✍🏻अन्मोल मुस्कान
तकदाह छाउनी,
दार्जिलिङ।
पञ्चाङ्ग:०४
घर या बस्ती मिलाउनु छ
नराम्रो चिज जिलाउनु छ
सके सबैलाई राम्रो गर्नु,
नसक्ने भए हिलाउनु छ
अशक्तलाई खिलाउनु छ।
-ह्यारिस
पञ्चाङ्ग:०५
वन जङ्गल भैँसी चर्ने चौरी सानो भयो
ऐलानीमा प्रीति गाँसे आकास छानो भयो
पुरानालाई खेदाएर नयाँनयाँ आए ,
अन्न भण्डार ढिकुटीमा मात्र दानो भयो
मुरी बनाई पाथी घट्यो चानोमानो भयो ।
गुणनिधि घिमिरे
पाँचथर खान्द्रोङ्ग
हालः- अमेरिका।
पञ्चाङ्ग-०६
पेवा हैन कसैको यो धरा सबैको साझा घर हो
माटोमै जन्मिएपछि हामी सबै त बराबर हो
प्रकृतिले सबैलाई समान दिए गरेझैं लाग्छ,
फेरि किन कसैले आँसु पिउँछन् कसैले तर हो
लड्नुपर्छ समानताको लागि किन मान्ने डर हो!
-पशपती राई खोटाङ ।