समर्पण रम्जान दिन मियाँ
साउदी अरब
राष्ट्रिय स्वतन्त्र पार्टी (रास्वपा) प्रवास संगठन “‘प्रवास नेपाली सम्पर्क विभाग” साउदी अरबको दोस्रो अधिवेशन सफलतापूर्वक सम्पन्न भएको छ । साउदीमा कार्यरत रास्वपाका नेता भुपाल भण्डारीको सभापतित्वमा २०२६–२०२८ कार्यकालका लागि 15 सदस्यीय नयाँ कार्यसमिति सर्वसम्मत रूपमा चयन भएको छ।
संस्थाका का.बा. सचिब घनश्याम खत्रीद्वारा संचालित उक्त कार्यक्रम निवर्तमान का.बा. सभापति प्रेम आचार्यको अध्यक्षतामा सम्पन्न भएको थियो भने प्रमुख अतिथिमा साउदी अरबस्थित नेपाली दूतावासका श्रम काउन्सिलर कविराज उप्रेती, अतिथिहरुमा समाजसेवी यम तमु, पत्रकार महासंघ साउदीका अध्यक्ष विष्णु घिमिरे, पत्रकार लालबहादुर श्रीपाली तथा पत्रकार लोकेन्द्र खड्का, रियाद क्षेत्रीय समितीका सभापति मनिष लामा रहेका थिए।
रास्वपाको चुनाव चिन्ह घन्टि बजाएर उद्घाटन गरिएको कार्यक्रममा अधिकांस रास्वपा प्रेमि दाजुभाई दिदिबहीनीहरुको बाक्लो उपस्थिति रहेको थियो । निर्वाचन प्रक्रिया निर्वाचन समिति प्रमुख उमेश भट्टज्यूको नेतृत्वमा निष्पक्ष, पारदर्शी र लोकतान्त्रिक ढङ्गले सम्पन्न गरिएको थियो ।
उक्त अधिबेशनद्वारा नव निर्वाचित सभापति भण्डारीद्वारा आफ्नो कार्यकालमा प्रवासमा रहेका नेपालीहरूको समस्या न्यूनीकरणका लागि व्यापक, व्यवहारिक गरिने महत्वपूर्ण चरणबद्ध ६ बुँदे कार्ययोजना, बाचाहरु प्रस्तुत गर्दै आफ्नो कार्यकालभित्रमा पूरा गर्ने प्रतिबद्दता ब्यक्त गरेका छन् ।
नवनियुक्त सभापति भुपाल भण्डारीको ६ बुँदे कार्ययोजनाहरु
१. कानुनी सहायता र श्रमिक अधिकार संरक्षण
प्रमुख शहरहरूमा कानुनी सहायता संयन्त्र स्थापना गर्ने, श्रम विवाद परेका कामदारलाई दूतावास र सम्बन्धित निकायसँग समन्वय गरी सहयोग उपलब्ध गराउने, श्रम सम्झौता, भिसा प्रक्रिया र रोजगारदाता परिवर्तनसम्बन्धी तालिम कार्यक्रम सञ्चालन गर्ने योजना ।
२. सूचना प्रवाह र डिजिटल प्लेटफर्म विस्तार
प्रवासी नेपालीहरूका लागि एकीकृत डिजिटल प्लेटफर्म विकास गरी श्रमिक अधिकार, दूतावास सेवा, आपतकालीन सम्पर्क नम्बर, कानुनी प्रक्रिया, बीमा र स्वास्थ्य सेवासम्बन्धी जानकारी उपलब्ध गराइनेछ। अनलाइन उजुरी प्रणालीमार्फत समस्याको छिटो समाधान खोजिने।
३. सामाजिक सुरक्षा र आपतकालीन सहयोग
आपतकालीन सहयोग कोष स्थापना गर्ने, मृतक श्रमिकको शव स्वदेश फर्काउन तथा परिवारलाई सहयोग पुर्याउने संयन्त्र बनाउने, स्वास्थ्य बीमा र सामाजिक सुरक्षाबारे सचेतना अभिवृद्धि गर्ने योजना बनाईने।
४. मानसिक स्वास्थ्य र सामाजिक एकता
नियमित सामाजिक भेटघाट, सांस्कृतिक कार्यक्रम र सामुदायिक संवाद सञ्चालन गर्ने, मानसिक स्वास्थ्य परामर्श सेवा उपलब्ध गराउने, तथा युवाहरू, महिला श्रमिक र कमजोर वर्गका लागि विशेष कार्यक्रम ल्याइनेछ।
५. सीप विकास र पुनःस्थापनाको योजना
प्रवासी नेपालीहरूको सीप अभिलेख तयार गर्ने, व्यवसायिक तालिम, उद्यमशीलता विकास कार्यक्रम र लगानी जानकारीसँग जोड्ने, तथा सरकारी तथा निजी क्षेत्रसँग समन्वय गरी पुनःस्थापनाका अवसर सिर्जना गर्ने ।
६. संगठन सुदृढीकरण र पारदर्शिता
नियमित बैठक, सार्वजनिक प्रतिवेदन, लेखा परीक्षण, डिजिटल सदस्यता प्रणाली, तथा नीति निर्माण प्रक्रियामा प्रवासी नेपालीहरूको सुझाव समावेश गर्दै संगठनलाई पारदर्शी, जवाफदेही र जनमुखी बनाउने ।
यी मुख्य बाचाहरु बाहेक समय समयमा भैपरी आउने अन्य श्रमीक समस्याहरुमा सदैव कटिबद्द रहेर निस्वार्थ भावनाले सहयोग गर्ने पनि सभापति भण्डारीले बताए ।
कार्यक्रममा अहिलेसम्म पार्टिको उथ्थान तथा पार्टि बिस्तारमा योगदान दिने सबैलाई सम्मान स्वरुप खादा, दोसल्ला र प्रमाणपत्र दिएर सम्मान गरिएको थियो
कार्य समितिमा
