कपिलवस्तु – २७
जिल्लाको मायादेवी गाउँपालिका–१ पकडीमा भारतीय नम्बरको तीन टेलर गाडीबाट करिब १ करोड ८० लाख रुपैयाँ बराबरको सामान बरामद गरिएको छ ।
जिल्ला प्रहरी कार्यालय कपिलवस्तुको निर्देशनमा इलाका प्रहरी कार्यालय पकडीका प्रहरी निरीक्षक सुभाष खतीवडाको कमान्डमा खटिएको टोलीले गोप्य सूचनाको आधारमा चेकजाँच गर्दा, UP 51 BT 3932 नम्बरको टेलरमा ४२,२२० केजी De-Oiled Cake (Poultry Feeds), HR 69 E 9039 नम्बरको टेलरमा ४२,००० केजी बासमती चामल, र HR 58 B 8687 नम्बरको टेलरमा ४२,००० केजी Soya DOC समान बरामद गरेको छ ।
बरामद सामानको कुल मूल्य १ करोड ५ लाख १४ हजार १६९ रुपैयाँ रहेको र टेलरहरूको मूल्य सहित जम्मा करिब १ करोड ८० लाख १४ हजार १६९ रुपैयाँ पुगेको प्रहरीले जनाएको छ । बरामद सामान र चालकलाई आवश्यक अनुसन्धानका लागि राजस्व अनुसन्धान कार्यालय बुटवल, पठाइएको प्रहरीले जानकारी दिएको छ ।