कपिलवस्तु — नेपाल कम्युनिष्ट पार्टी (एमाले) कपिलवस्तु जिल्ला कमिटीको पदाधिकारी बैठक सोमबार बाणगंगा नगर कमिटी कार्यालय, बैरियामा सम्पन्न भएको छ । बैठकले कार्तिक २२ गते वडास्तर भेलाहरू, ९६ वडामा जनसङ्ग्रह अभियान, कार्तिक २५ गते १० पालिकामा जनप्रदर्शन, र कार्तिक २९ गते बाणगंगा नगरपालिकामा शान्तिपूर्ण जनसभा आयोजना गर्ने निर्णय गरेको छ ।
केन्द्रीय सदस्य बलराम अधिकारीले पार्टीका निर्णयले संगठन सुदृढ हुने र जनतासँगको सम्बन्ध बलियो हुने विश्वास व्यक्त गर्नुभयो । बैठक जिल्ला कमिटी अध्यक्ष बाबुराम खनालको अध्यक्षतामा सम्पन्न भएको हो ।
यी कार्यक्रममार्फत पार्टीले स्थानीय जनतालाई आफ्नो नीति र विचारवारे जानकारी गराउने योजना बनाएको छ ।