“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयएकतीसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०५/०५
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १३३{एकसयतेतीसौंऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पौडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
कुबाटाेमा पाइला राेकेर हिड्ने
आफ्नाे भनी गन्तव्य ताेकेर हिड्ने
बुबा नै हुन् यस जगतमा हाम्राे,
शिर उठाइ छाती ठाेकेर हिड्ने
काँधमा जिम्मेवारी बाेकेर हिड्ने।
-सुशीला पौडेल
पञ्चाङ्ग:०२
संसारमा सबै मान्छे राम्रा दाजै
स्वार्थ मिलेसम्म मात्र हाम्रा दाजै
हात समाइ हुर्केको दिन बिर्स्याे,
कठै ! साेच,गुणि हुन्न चाम्राे दाजै
के काम फलेका फल डाम्राे दाजै ।
प्रद्युम्न चालिसे
पञ्चाङ्ग:०३
हाम्रो बा घरकाे मूल खम्बा धूरी हुनुहुन्थ्याे
हामी रम्ने रमाउने चुरी -फुरी हुनुहुन्थ्याे
छ बा काे महिमा , छुट्टै यो संसार बनाउने
सन्तानको खातिर अमरा पुरी हुनुहुन्थ्यो ।
हाम्रो बा जीवन दाता मुरी मुरी हुनुहुन्थ्यो ।
भवानी घिमिरे
सर्लाही ।
पञ्चाङ्ग-४
माता धर्ती हुन् भन्छन् हाम्रो शास्त्रले पितालाई आकाश ठाने मैले
वैदिक शास्त्रमा लेखिएको कुरा बल्ल आज आएर जाने मैले
पिताले लुकाएको रहस्य जान्नलाई जिन्दगी नै लाग्दो रहेछ ,
मुख हेर्ने समय पाइन त्यसैले पिताको तस्बिर छाने मैले
तस्बिर हेर्दै परदेशको भुमिमा लामो सास ताने मैले।
-पशपती राई खोटाङ ।