“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- एकसयबतीसौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८२/०२/१५
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार पञ्चाङ्ग साहित्य समाज नेपाल” को आधिकारिक दर्ता पछिको: १३२[एकसयबतीसौऔं] चित्रपटमा,यहाँहरुलाई हार्दिक स्वागत गर्दै यस शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
सोमनाथ लुइटेल “रवि पाल्पाली
गुणनिधि घिमिरे
सुशीला पाैडेल
चित्र संकलन
सुशीला पाैडेल
संकलन
सुशीला पौडेल
दुर्गा रिजाल आचार्य
शुद्धीकरण
भवानी घिमिरे
पशपती राई
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
पञ्चाङ्ग:०१
माया पिरती गाँसेका छन्।
जोडी राम्ररी हाँसेका छन्।
जोडी होस् त सबैको यस्तै,
दुश्मन सारा मासेका छन्।
एक अर्कोले टाँसेका छन्।
सुशीला पौडेल
पञ्चाङ्ग:०२
हेर्दा ठ्याक्कै सुहाउने पृथ्वीमा जोडी मिलेर बसुन्
नहोस् कुनै छलकपट नै अनुराग खिलेर बसुन्
च्यापै समाइ तान्ने तलतिर आधार छ संसारको
राम्रो बाटो बनाइ पसिनाको कमाइ निलेर बसुन्
आइ लागे जटिलता बरु उल्टै छाला छिलेर बसुन् ।
✍️अच्युत घिमिरे, सर्पाङ, भुटान🇧🇹
पञ्चाङ्ग:०३
तिम्रो आँखामा हेर्दा आफ्नो पन देख्छु
जङ्गलको फूलपातीमा धन देख्छु
छुट्टिएर बस्न पटक्कै मन छैन ,
सपनीमा पनि त तिम्रै तन देख्छु
तिम्रो ढुकढुकीमा आफ्नो मन देख्छु।
-धनमाया चौधरी कैलाली
पञ्चाङ्ग:०४
आज सुन्दर जोडी कति मिलेर बसे हेर,
उनीहरूको डाहाले घर भित्र पसे हेर
यसैगरी दिन हाँसीखुसीअगाडि बढुन्,
मायाको खेती गरेर हिड्ने कति फसे हेर
आफैंले खनेको त्यो खाल्डामा आफैं खसे हेर।
-दुर्गा आचार्य
मोरङ
पञ्चाङ्ग-०५
सादा छ जीवन यहाँ मायाले रङ भर्नु परेको छ
दुइ मुटु मिलि जिन्दगीको सागर तर्नु परेको छ
मायामै जिउने माया नै पिउने दुइदिने चोलामा
आखिर मर्दा पनि मायाकै काखमा मर्नु परेको छ
एकजोडी भइ मिलेर यहाँ सृष्टि गर्नु परेको छ।
-पशपती राई खोटाङ ।