“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग भाग:एकसय बाईसौं अभ्यासमा हामी पुगेका छौ। सम्पूर्ण पञ्चाङ्ग स्रष्टाहरुमा पञ्चाङ्ग लेख्नु हुन हार्दिक अनुरोध छ:
अभ्यास पाठशालाको अभ्यास शृङ्खला दर्ता पछिको भाग :-१२२ —————————-
विधा :- पञ्चाङ्ग
अभ्यास गर्ने स्थान :- पञ्चाङ्ग अभ्यास पाठशाला
मिति:- २०८१/०८/०३
पञ्चाङ्ग वा समपञ्चाङ्ग लेखि बुधबार बेलुका ०९ बजेसम्म पठाउनु हुन अनुरोध छ।
……………………………………….
प्रशिक्षक:-
……………
सोमनाथ लुइटेल
गुणनिधि घिमिरे
सुशीला पौडेल
………………………
भाषा शुद्धीकरण:-
———–
पुष्पा सुवेदी नेपाल
भवानी घिमिरे
जमुना आचार्य
पशपती राई
सङ्कलक :-
———-
दुर्गा रिजाल आचार्य
संयोजक:-
सोमनाथ लुइटेल “रवि पाल्पाली” ======================
अक्षर सङ्ख्या:- [बराबरी]
अनुप्रास :- आफुखुसी
स्थायी :- अनिवार्य
पञ्चाङ्ग:०१
आज याैटा कुरा तिमी सँग भन्छु है
तिमी आली मिलाउ म बारी खन्छु है
प्रेम नै त हाे जिन्दगी आउ रमाऔं ,
तिमी आगाे भैदिए म पानी बन्छु है
साथमा आकाश हेर्दै तारा गन्छु है।
सुशीला पौडेल
पञ्चाङ्ग:०२
मायाको जालोमा हामी सबै भुल्दै किन ?
नुन चिनी झैँ जालोमा हामी घुल्दै किन ?
सोमबार भोले बाबा आज शुभबार
प्रभुलाई नचिनेर हामी डुल्दै किन ?
हामी क्षणिक सुखमा सधैं झुल्दै किन ?
कार्की डिबी माकुम
सुनवल-४, नवलपरासी
पञ्चाङ्ग:०३
उता नजाउ है प्रिय मौरीको घार छ
बारीको वरिपरि हेर काँडे तार छ
मैले त भलो गर्न खोजेको मात्र हुँ नि,
ढकमक्क तोरी फूली उज्यालो टार छ
चुँडी जाला तिम्रो गलामा लामो हार छ ।
धनमाया चौधरी कैलाली
पञ्चाङ्ग:०४
निकै रमाइला थिए सुरुवाती बातहरु पनि,
रुखमा नै लाग्यो चोट ओइलिए पातहरु पनि।
जन्म दिदाको कठिनाइको कुनै ख्याल भएन र?
त्यसै टाढिदै गएका छन् प्रेमिल हातहरु पनि,
वास्ता गर्न छोडेको छ धात पछि घातहरु पनि।
दुुर्गा आचार्य
मोरङ
पञ्चाङ्ग:०५
यसो के संजालमा हेर्छु गाली मात्रै धेरै देख्छु
मुहार हेर्दा देखिन्न पराइ सप्पै मेरै देख्छु
के छ हालखबर बुझ्न खोज्दा बोल्ने हैन कोही
देखिन्न क्रिया यहाँ प्रतिक्रिया उतिखेरै देख्छु
गाली गर्ने थोरै छैनन् यिनिहरूको जेरै देख्छु।
-पशपती राई खोटाङ ।
पञ्चाङ्ग०६
सम्बन्धमा सँधै बोल्न सिक्नु
अल्झाउने गाँठो खोल्न सिक्नु
प्रीतिको फूल फक्राउनु छ भने
अभिरुचिलाई पोल्न सिक्नु
दुई मुटु सँगै मोल्न सिक्नु ।
✍️अच्युत घिमिरे, सर्पाङ, भुटान🇧🇹
ॐ
पञ्चाङ्ग:०७
“””””””””
नायकको छ शुभ समाचार जताततै
व्याप्त छ देशभर भ्रष्टाचार जताततै
स्वार्थकाे घाेडामा सवार गरेपछि हेर
भएकाे छ अन्याय अत्याचार जताततै
युवा शक्ति गरन ललकार जताततै ।
प्रद्युम्न चालिसे
भक्तपुर कटुञ्जे ।