नमस्ते स्वास्थ्य अभियान एवम् पार्वता स्मृति साहित्य प्रतिष्ठानको संयुक्त आयोजनामा सम्मान कार्यक्रम

१७ भदौ ।
नमस्ते स्वास्थ्य अभियान एवम् पार्वता स्मृति साहित्य प्रतिष्ठानको संयुक्त आयोजनामा सम्मान कार्यक्रम गरिएको छ । कुसेऔँसीको तथा बुबाको मुख हेर्ने दिनको अवसर पारेर श्री आधारभूत विद्यालय गिठेपानीको प्रागणमा उक्त कार्यक्रमको आयोजना गरिएको थियोे । कार्यक्रममा ८० वर्ष नाघेका १५ जना वृद्ध वृद्धाहरूलाई अबिर लगाइदिएर एवम् चप्पल, टोपी तथा मह प्रदान गरेर सम्मान गरिएको थियोे ।

नमस्ते स्वास्थ्य अभियानका अध्यक्ष मातृकाप्रसाद पाण्डेको अध्यक्षतामा भएको कार्यक्रममा श्री आ.वि. गिठेपानीका प्र.अ. श्री गिरिराज भट्टराईले आगन्तुकहरूलाई स्वागत गर्नुभएको थियोे । कार्यक्रममा वृद्ध आमाबुबाहरूलाई विद्यालय व्यवस्थापन समितिका अध्यक्ष तथा समाजसेवी दिनेश ओलीले नमस्ते स्वास्थय अभियानले उपलब्ध गराएको मह र टोपी दिएर र साहित्यकार एवम् समाजसेवी श्री सुरेशकुमार पाण्डेले पार्वता स्मृति साहित्य प्रतिष्ठानले उपलब्ध गराएको चप्पल प्रदान गरेर सम्मान गर्नुभएको थियोे ।

कार्यक्रममा युवा समाजसेवीहरू अर्जुन पन्थी, केशर बहादुर रावत, भेष बहादुर रावत, खानेपानीकी श्रीमती यसोदा पाण्डे, अशोक भुसाल, वसन्त शर्मा, ब्लेड डोनट दाङ जिल्लाका अध्यक्ष शिवराज पाण्डे, श्रीमती देवी पाण्डे लगायत विभिन्न संघ संस्थाहरूबाट थुप्रै अतिथिहरूको उपस्थिति रहेकोे थियोे । कार्यक्रमको सञ्चालान ऋषिराम पाण्डेले गरेका थिए ।

समाचारको श्रोत- मेसेन्जरमा प्राप्त