“पाँचै तत्व पाँचै विकार पञ्चाङ्ग नै ठिक आधार”भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग :- त्रिपन्नौंमा हामी पुगेका छौं।
लेख्नु पर्ने पञ्चाङ्ग सङ्ख्या :- ०१
मिति:- २०८०/०७/२३ गते
आदरणीय पञ्चाङ्ग अनुरागी एवम् स्रष्टाज्युहरू हार्दिक नमस्कार ” पञ्चाङ्ग साहित्य समाज नेपाल” को आधिकारिक दर्ता पछिको:५३[ त्रिपन्नौं] चित्रपटमा छौं।
यहाँहरुलाई हार्दिक स्वागत गर्दैयस् शृङ्खलामा दिइएको चित्र अनुसारको विम्बात्मक तथा गहन मौलिक भाव झल्किने एक पञ्चाङ्ग शनिबार बेलुका ९:०० बजे भित्र आफ्नो नाम र ठेगाना सहित कमेन्ट बक्समा लेख्नु हुन हार्दिक अनुरोध गर्दछौं!
प्रशिक्षक :
गुणनिधि घिमिरे
घनश्याम पौडेल
तोयानाथ सुवेदी
चित्र संकलन
सुशीला पाैडेल
शुद्धीकरण
जमुना आचार्य
भवानी घिमिरे
पुष्पा नेपाल (सुवेदी )
संरचना
अनुप्रास :- आफू खुसी
स्थायी :- आफू खुसी
अक्षर :- बराबरी
समायोजक
सोमनाथ लुइटेल “रवि पाल्पाली”
तथा
पञ्चाङ्ग साहित्य समाज नेपाल
चित्र अनुसार पञ्चाङ्गहरू [चित्रपट]~~~~~
चित्रमा पञ्चाङ्ग
पञ्चाङ्ग:०१
देखाउनै भनेर फोटाेेहरू खिच्ने धेरै छन् यहाँ।
अरूको पाए भने जति पनि घिच्ने धेरै छन् यहाँ।
यहाँ आफैलाई महान भनेर अरूलाई हेप्नेहरू
आफू राम्रो अरु खराब भन्दै थिच्ने धेरै छन् यहाँ।
सहि कुरालाई नि झुठाे भनी मिच्ने धेरै छन् यहाँ।
सुशीला पाैडेल
पञ्चाङ्ग:०२
अरूलाई चिथेर मोजमस्ती गर्ने यहाँ छन्।
फोटो खिच्न अनावश्यक भ्रम छर्ने यहाँ छन्।
बिरालाको ख्यालख्याल कठै साना मुसा भने,
हाँसो हाँसो गर्दा गर्दै अकाल मर्ने यहाँ छन् ।
अर्कैको खुसीका लागि बलिमा पर्ने यहाँ छन् ।
श्रीकृष्ण शर्मा पोखरा
पञ्चाङ्ग:०३
भित्ता मैला काती थिए।
त्यहाँभरी हाती थिए।
को को थिए तिनीहरू,
हजुर्बा र नाती थिए।
देख्दाखेरी जाती थिए ॥
गुणनिधि घिमिरे अमेरिका
पञचाङ्ग:०४
खुड्किलामा गोडा थमाएको देखियो।
लडौँलाकि भन्दै। कमाएको देखियो।
रमाइलो गर्न आएका यी विद्यार्थी,
हात्ति चढी राम्रो समाएको देखियो।
ठाउँठाउँ सिट जमाएको देखियो ॥
मधुसुदन प्रसाद घिमिरेपञ्चाङ्ग:०५
अध्ययन गर्न अल्छी लाग्छ रमाइलोमा नै भुल्छौ हामी।
यसो हातमा पुस्तक लिएर बस्न पाको छैन झुल्छौ हामी।
अनुशासन न सिके शिष्यले न त सिकाए गुरुले नै,
नचाहिने कुरामा फ्याट्ट प्रतिक्रिया दिएर खुल्छौ हामी।
समयको पर्वाह नगरी लखर – लखर डुल्छौ हामी।
-पशपती राई खोटाङ ।