काठमाडौ। साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ६५ औँ शृङ्खला यही पौष ९ गते शनिबार सम्पन्न भएको थियो।
अभ्यासमा नेपाल लगायत विश्वका ५२ जना नेपाली भाषी टुक्काकारहरूको सहभागिता रहेको कार्यक्रम संयोजक/ प्रशिक्षक एवम् टुक्का साहित्य समाजका उपाध्यक्ष वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आइरहेको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष, टुक्का प्रवर्तक एवम् कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ६५औँ शृङ्खलाको लागि प्रतिनिधि टुक्काको रूपमा समाजका उपाध्यक्ष वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
बाहिर मात्र बुढो हजुर, भित्र लक्का जवान,
हेर्नुस् सत्ता मेरै हातमा, यो मुलुकको कमान ।
✍️वसन्त अनुभव
घोराही, दाङ
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
राजनीति र कुटनीतिलाई उमेरले हुन्न,
सधैँ सत्ता मेरै हातमा बुढेसकालले छुन्न ।
🌑ताराप्रसाद चापागाईँ
धुनिबेसी ।
[२]
देश बिग्रियोस् केको चिन्ता यस्ता बुढालाई,
चुनाव जिताउने हामी उस्तै दाजुभाइ ।
🌑हरि पराजुली
[३]
देशको लागि नगर्नेे बुढा, कहिले युवा हुन्छ ?
बेचिसक्यो युवाहरू, देश बेच्ने विचार बुन्छ।
🌑एवाइ प्रभात
धनकुटा हाल मोरङ
[४]
हिड्दा, डुल्दा, र बोल्दाखेरि बढे पनि सास,
प्राण हुन्जेल मर्ने छैन, सत्ता छोप्ने आस ।
🌑बाबुराम गौतम
गुल्मी
[५]
तन मात्रै बुढो हजुर, मन अझै सोर,
नछाड्ने भरसक कुर्सी, हट्ने कहाँ हो र ।
🌑बुद्धिमान दनुवार
सुरुङ्गा ४ झापा
[६]
हाँसी हाँसी नबोलीकन सत्ता आफ्नै हातमा लिएर बस्छु,
भन्नेले बुढो भन्दै गर्छन् भारीकाभारी पैसा बोरामा कस्छु ।
🌑अम्विका अधिकारी
झापा विर्तामोड
[७]
जित्न खाेज्ने आयाे भने छेकाराे हाल्छु ऐले,
र्याल सिँगान चुहाउन अब छाड्छु मैले ।
🌑धन कुमारी रेग्मी
भरतपुर
[८]
हाम्रो देशका सांसदहरूको हुन्न कुनै सिमा,
देशलाई विकास गर्न लगाऔंं तीब्र गतिमा ।
🌑कबिताहरी
सुन्दर हरैंचा नगरपालिका १ मोरङ
[९]
बाँचुञ्जेल कुर्सी रोक्नुभयो मलाई छाड्नु भैन,
जे जे भनेपनि विजन उखान बाहेक छैन।
🌑सुरेशकुमार पान्डे
दाङ घोराही १८
[१०]
काम गर्ने बुद्धिले हो, बुद्धि बुढो हुँदैन,
बुढापामा अनुभव हुन्छ उमेरले छुँदैन ।
🌑अजय कुमार झा
[११]
खान्छु देश जाँतो घुमे समान,
सत्तामा ल्याउँछु मेरा जवान ।
🌑रिजाल विनोद
[१२]
आओ देश बनाउने विषयमा सत्ता र भत्ता लिऊँ,
हाम्रो साथ दिँदैन जो दल चिनौँ डाँडो कटाई दिऊँ ।
🌑घनश्याम रेग्मी
[१३]
छेक्ने छैन हातपाउ, उमेरले मेराे,
लुँड्याउन बाँकी नै छ सारा सेरोफेरो ।
🌑रामकृष्ण दुवाडी
[१४]
घुमीरहन्छ सत्ता सधैँ मेरै वरिपरि,
भाग्यले नै जुराउँछ मलाई घरिघरि ।
🌑मित्र उराठी गाैतम
तिलाेत्तमा न पा-२,रुपन्देही
[१५]
उखानै छ ठिटाे गाेरू चाँडै थाक्दछ, बुढाे गाेरू आफ्नाे मेलाे तुर्छ,
देश हाँक्ने कार्य ठेट्नालाई, मेराे शेषपछि दिने साइत जुर्छ ।
🌑प्रद्युम्न चालिसे
भक्तपुर कटुञ्जे ।
[१६]
राजनीति कुटनीतिमा उमेर होइन दिमाग चलाउने,
सत्ता मेरै भनेर कहिले होला जनताको बुद्धि पलाउने ।
🌑अच्युत घिमिरे
भुटानबाट🇧🇹
[१७]
बुढो परिपक्व हुन्छ घुमिफेरि लिइन्छ सत्ता,
सधैँभरि खाइरहेको गहकिलो हुन्छ भत्ता ।
🌑भगवती दवाडी
झापा
[१८]
नेता हुँ म कहिल्यै मेरो हुन्न उमेर बुढो,
कुर्सी प्यारो मलाई जहिल्यै म त ठुटे मुढो।
🌑नवशिला।
बेलबारी-२,लालभित्ती,मोरङ।
[१९]
नगरी केही काम यत्तिकै के मरौला घुर्सी,
छोड्न मन लाउँदैन बुढो भएपनि कुर्सी ।
🌑हिमा रोका
मेहेलकुना सुर्खेत
[२०]
बुढो भएपनि गर्दैछु मन्थन,
नगरी नहुने भो गठबन्धन ।
🌑बिके मुखिया
दार्जीलिङ भारत।
[२१]
बुढो भन्न लाज लाग्दछ, असी नाघे पनि,
मर्दा भोलि मुक्ति मिल्छ प्रधानमन्त्री बनि ।
🌑बिबस पारदर्शी
भद्रपुर झापा,
[२२]
घर मेरो, टाट्नो मेरै, मैले गोरू जस्तोसुकै पालौँ,
मेरै स्वादको खाना बनाउन, भान्से कदम चालौँ ।
🌑प्रदीप के रिमाल
इटहरी,सुनसरी।
[२३]
तनले पो ! बुढो भएँ, मन छ हेर पाको,
चुप लाग केटाकेटी, कुर्सी केवल बाको।
🌑प्रीति आत्रेय ज्ञवाली
बुटवल हाल प्रवास
[२४]
राजनीति र कुटनिती कुरा बुढो हुन्न कहिल्यै,
मेरो रिस नगरेर बस आउँछ सत्ता जहिल्यै ।
🌑बेदु न्यौपाने
काठमाडौ
[२५]
एउटा खुट्टा जमिनमा, अर्को चिता माथि,
अझै उस्तै लोभलालचा, छक्क पर्छु साथी ।
🌑वसन्त अनुभव
घोराही, दाङ
[२६]
राजनीति र कुटनीति हुन्छ विपरीत,
ढुक्क हुनु हार्नेको पनि हुन्छ यहाँ जीत ।
🌑सुरेश विश्वकर्मा
डोटी
[२७]
कोटेरे चरी गुँडै लायो दूबाको झाम्टामा,
तन्नेरीले अन्नेरी गर्यो बुढीको लाम्टामा ।
🌑सुरेश
[२८]
धेरै नै बूढो भएँ म त कपाल सेतै फुल्यो,
तर पनि युवा जोशमा कुर्सीमा मन भुल्यो ।
🌑डम्बर थामी ‘अनुपम’
कालिन्चोक गा.पा.-६, दोलखा ।
[२९]
अब युवा जागिसके तिम्रो जवान काम छैन,
छक्कापन्जा गर्दै बल खोसे नि दीर्घायुको हैन।
🌑म्यामराज राई
भोजपुर
[३०]
तन्नेरीलाई पालो देऊ बुढो कति दाउनु,
आराम नि गर्नु पर्छ बस्न घरमा आउनु ।
🌑सरिता सेढाई
धादिङ
[३१]
भन्न पाइन्छ नसके नि गर्न, हेर बाँचुन्जेल,
एकवर्ष धान्छौ यात धान्दैनौ, निको छैन खेल ?
🌑अनुग्रह राना मगर ‘पुष्प’
पाँचखपन नपा – ६ संखुवासभा
[३२]
सत्ता हातमा आएपछि बूढो पनि जवान हुन्छ,
सत्ता रापले पोलिएर तरुनीलाई पनि छुन्छ ।
🌑दीपक ठटाल जलन,२४.१२.२२
[३३]
यो बूढो भयो रङ्ग र गयो नभन है साथी,
चुरिफुरी यिनकै बढी नजाउन्जेल माथि ।
🌑कमला देवकोटा
पाल्पा
[३४]
बुढो साँढेले गाई ओगटेझैँ ओगटेर सत्ता,
नखाँदा राम्रो र्याले काकाबाले साँसदको भत्ता ।
🌑बिके माकजु
भक्तपुर ।
[३५]
मेरै राज हो राजनीति, मेरै हो पेवा,
पहिला आफू अनि मात्र अरूको सेवा ।
🌑प्रेम थापा “मन”
बागलुङ
[३६]
राजनीतिमा हिँडेपछि कामले कहिल्यै बुढाे हुन्न,
उमेरले नेटाे काटे पनि राजनीतिमा हात धुन्न।
🌑राज कुमार राजभण्डारी खाेटाङ्गे
मध्यपुर ठिमी ५ सङ्गम काेलाेनी भक्तपुर ।
[३८]
जीवनपर्यन्त देश र जनता प्रेमी बन्नु,
भ्रष्टाचारी उन्मुलन गर्न जरैदेखी खन्नु ।
🌑भुपेन्द्र राना मगर
धादिङ
[३९]
बूढो कसलाई भनेको होला, म त अझै छु तन्नेरी यस्तो
अब टन्न हसुरेर बनाउनु छ घर, दरबार जस्तो ।
🌑राजेशराज गड्तौला
रतुवामाई- १०, मोरङ हाल- प्रवास
[४०]
भन्नेहरू भन जे जे , म नै राज्य थाम्छु,
बोल्नेबेला खै के हुन्छ मात्र अलि काम्छु ।
🌑भगवती दवाडी
झापा
[४१]
अब जनता जागिसके, छैन तिमीजस्ताको काम,
हुन त जसले जित्यो, उसैले कमाउने हाे दाम ।
🌑शर्मिला लामा
सिन्धुपाल्चोक
[४२]
छैनन् कोही लक्का जवान अघिअघि सर्ने,
मै बुढोले घिस्रिएर शासन गर्नुपर्ने ।
🌑होम प्रसाद नेउपाने
धरान,सुनसरी ।
[४३]
अहिले पनि उही हालत बूढाकै हुने भो शासन,
युवा पिँढीले अझै पाएनन् माथिल्लो ठाउँको आसन ।
🌑अर्जुन प्रसाद चौलागाई
रामेछाप:-सुनापति-१
हाल:-अमेरिका,बोस्टन।
[४४]
उकाली बाटो ओराली झर्दै आखिर रमाए,
स्वार्थमा लिप्त पुरानै बाटो सबैले समाए ।
🌑आर्त अकुलीन
कैलाली
[४५]
बस्छु बजार पाल्छु भेडा गाेठ छ गाउँमा,
मुख मिठ्याउँछन् भुरा कुर्सी चढ्ने नाउँमा ।
🌑निरज कोइराला
बेलका १ उदयपुर
[४६]
उम्दा बहरहरू खाडितिर , डुक्रीनु पर्ने मै बूढो,
झिँजा छेस्का एकछिन झिलिक्क, काम लाग्छ उही मुढो ।
🌑टिकाराम पुन टिपु
छत्रेश्वरि गाँउपालिका २ सल्यान
[४७]
देश समाप्त पार्न लागे यिनीहरूले अब तके गर्नु ,
यी नेताहरूको मुखभरी मेरो तर्फबाट कुरा पर्नु!
🌑विक्रम तिरूवा सलिन
जुम्ला
[४८]
पिण्ड खाने बेलामा पनि युवाकै जस्तै फुर्ती,
सत्ता र भत्ताको लोभमा, चपाउँदै छन् सुर्ती ।
🌑रबि श्रेष्ठ, सन्धिखर्क-१, अर्घाखाँची,
हाल : बुटवल, रुपन्देही, नेपाल !
[४९]
माखो केही मार्नु छैन निरन्तर छ यहाँ शासन,
लाज सरम पचाएर जमाइरहन्छन् आसन ।
🌑त्रिलाेचन भण्डारी
मेचीनगर, झापा
[५०]
बोलिमा रहेन दम अनि सहारा लौरौ चाहिने,
नेपालमा मात्र रहेछ यस्तो अवसर पाइने ।
🌑शंकर कार्की
थाहा ३ मकवानपुर।
[५१]
जनताले पत्याउन छाडिसके, अब बुढाे भइयाे,
सत्तामाेह त्यागिएन अझै फेरि संसदमा गइयाे।
🌑शाेभा अाचार्य गाैतम
काठमाडौँ
[५२]
बुढेसकालले केही हुन्न, व्यवहार बालापन,
अहिले बामे सर्दैछु, उठ्छ सत्ता पाउँदा त मन।
🌑जमुना आचार्य
सिन्धुपाल्चोक