काठमाडौ, ७ साउन । साप्ताहिक ‘टुक्का माथि टुक्का’ व्यङ्ग्यात्मक टुक्का लेखनको ४३औँ शृङ्खला साउन ७ गते शनिबार सम्पन्न भएको छ ।
अभ्यासमा ५५ जना टुक्काकारहरूको सहभागिता रहेको कार्यक्रम संयोजक तथा प्रशिक्षक वसन्त अनुभवले बताउनुभयो । टुक्का साहित्य समाजको आयोजनामा उक्त शृङ्खला विगत लामो समय देखि नियमित रूपमा सञ्चालन हुँदै आएको छ।
टुक्का कविताको उन्नयन, विकास र प्रवर्द्धन गर्ने हेतुले समाजले विविध किसिमका कार्यक्रम गर्दै आएको छ । टुक्का लेखनमा पृथकता एवं फरकपन भित्राउने सिलसिला अन्तर्गत यस शृङ्खला सञ्चालन गरिदै आएको समाजका संस्थापक अध्यक्ष एवं कार्यक्रमका परिकल्पनाकार ताराप्रसाद चापागाईंले बताउनुभयो ।
टुक्का लेखनका लागि एक व्यङ्ग्यात्मक टुक्का राखिने र त्यसैमा आधारित रहेर गहन भावको एक एक टुक्का सहभागीले राख्नुपर्ने संयोजक अनुभवले जनाउनुभयो ।
‘टुक्का माथि टुक्का’ व्यङ्ग्यात्मक टुक्का लेखनको ४३औँ शृङ्खलाको लागि समाजका वरिष्ठ टुक्काकार वसन्त अनुभवले समसामयिक विषयमा लेख्नुभएको व्यङ्ग्यात्मक टुक्कालाई राखिएको संयोजक अनुभवले बताउनुभयो ।
अभ्यासका लागि राखिएको प्रतिनिधि टुक्का
राखेर बाँझो खेतबारी, बेसाइकन खान्छौँ,
त्यसैले त आफूलाई अब्बल कृषक ठान्छौँ ।
वसन्त अनुभव
सहभागी टुक्काकारहरूले अभ्यासका क्रममा सृजना गर्नुभएको टुक्काहरू
[१]
खेत सबै टुक्रा पारी बसाए घर डेरा ,
खाडीतिर लिलाम भए ती किसान मेरा ।
✍️
ताराप्राद चापागाईं
धुनिबेसी
[२]
हिङ्ग नभएपनि सम्झनोस्, छ हिङ्ग बाँधेको टालो,
को खटिराखोस् हिलो र मैलोमा मन बनाई कालो ।
✍️
वसन्त अनुभव
घोराही उपमहानगरपालिका १४, दाङ
[३]
किसानले धानेका छन् याे मुलुककाे सान ,
बिना मलको जानेका छन् फलाउन धान ।
✍️
रामकृष्ण दुवाडी
पाेखरा ।
[४]
हिस्सा बाड्दा बाड्दै टुक्रा टुक्रा बनाए खेतबारी,
त्यहीँ टुक्रो पनि बेच्नै पर्यो ठिक्क घडेरी पारी ।
✍️
अच्युत घिमिरे
भुटान बाट 🇧🇹
[५]
खान्छौँ हामी खेत बेचेर शहरमा आज,
भन्छौँ कृषिप्रधान देश नमानेर लाज।
✍️
प्रदीप के रिमाल
इटहरी आठ, सुनसरी ।
[६]
कृषिप्रधान देश भन्छौँ आयात गर्छौँ धान,
लाज सरम पचाई देखाउँछौँ फोस्रो शान ।
✍️
त्रिलाेचन भण्डारी
मेचीनगर, झापा
[७]
कृषिप्रधान देश हाम्रो बाँझिएको छ अहिले,
युवा शक्ति विदेशीए अन्न किन्दै खान्छौ जहिले ।
✍️
तारा घिमिरे
सङ्खुवा सभा
[८]
हिङ्ग नभए नि हिङ्ग छ भन्दै अरूसँग माग्ने,
हामी नेपालीनै छौँ गजबका कृषिदेखी भाग्ने ।
✍️
टिकाराम पुन टिपु
छत्रेश्वरि गाँउपालिका २ सल्यान
[९]
बाँझै छन् खेतबारी तिमी चाहिँ बेसाई खान्छौ,
अभाव भएपछि चाहिँ मुग्लानतिर जान्छौ ।
✍️
डम्बर थामी ‘अनुपम’
कालिन्चोक गा.पा.-६, दोलखा ।
[१०]
सिँचाइ छैन मल बीउ आउँदैन समयमै के भनौ,
कृषिप्रधान देशमा बरै कति पर्यो अनिकाल गनौ ।
✍️
सुरेशकुमार पान्डे
दाङ घोराही १८
[११]
खेती हुन्छ मेहनतले आलस्यले कहाँ,
सुख हुन्छ परिश्रमी कृषक हुन्छ जहाँ ।
✍️
दीपक ठटाल जलन,२३.०७.२२
[१२]
धेरै किसान थोरै जमिन, भयो हराभरा,
एकै पटक खान बसे ,अघाउँदैनन् चरा ।
✍️
होम प्रसाद नेउपाने
धरान,सुनसरी
[१३]
गमलामा धान राेप्छाैँ साेफामै लगाउँछाैँ बीउ काटेर माला,
मगाउँदा विदेशकाे टन्न कमिसन छ हिलो को छुन जाला ?
✍️
निरज कोइराला
बेलका १ उदयपुर
[१४]
जग्गा बाँझो राखी बस्नलाई शहर झर्छन्,
छत एवं कौसीको गमलामा खेती गर्छन् ।
✍️
रबि श्रेष्ठ
सन्धिखर्क-१, अर्घाखाँची,
हाल : बुटवल, रुपन्देही
[१५]
विकासको नाममा खेतबारी कंक्रिटले ढलान गरे,
बुझ्दैन यहाँ कोही अन्न बिना हाम्रो प्राण बाँच्दैन भरे ।
✍️
शंकर कार्की
थाहा ३ मकवानपुर।
[१६]
अब्बल कृषक म नै हुँ भन्दै तान्छ अनुदान सरकारी,
राखेर बाँझो खेतबारी बेसाएर भर्छ ऋणको भकारी !
✍️
बिबस पारदर्शी
भद्रपुर झापा
[१७]
कृषक हुँ भन्दै चाल चल्छन् अनुदानको लागि,
तलदेखि माथिसम्म मिलाउँदै आउँछन् भागी ।
✍️
दुर्गा आचार्य
मोरङ
[१८]
कृषिप्रधान देश मेरो खेतीमा लगाउँने छैन जल,
निकम्मा छ सरकार मेरो समयमा पाइदैन मल ।
✍️
बिके माकजु
भक्तपुर ।
[१९]
म किसान भनी हिड्छौ माटो नलाई हातमा,
अनुदान सधैँ लिन्छौ जादु नै छ त बातमा ।
✍️
रामजि लामिछाने
[२०]
गाउँको खेत बाँझो राख्ने छतमा खेती गर्ने,
आउँदैछन् दिन ख्याल गर भोकै मर्नु पर्ने।
✍
नवशिला
बेलबारी -२,लालभित्ती,मोरङ।
[२१]
किसान बन्नु अभिशाप भयो, छैन मल बीउ
यहि तरिकाले अब कसरी पाल्नु आफ्नो जिउ ।
✍️
राजेशराज गड्तौला
रतुवामाई- १०, मोरङ
हाल- प्रवास
[२२]
अब किताबमा मात्रै रह्यो , कृषिप्रधान देश हाम्रो ,
किसानलाई मल बीउ दिन , सरकार हुन्छ चाम्रो ।
✍️
बुद्धिमान दनुवार
सुरुङ्गा ४ झापा
[२३]
कृषिप्रधान हाम्रो देशमा हराउदै छ हलो कोदालो,
युवाहरू खाँडी मुलुकमा पुगेर बन्दैछन गोठालो।
✍️
बिके मुखिया
दार्जीलिङ भारत।
[२४)
खेतीपाती गर्नुभन्दा प्लटिङ्गमै आम्दानी धेर,
पर निर्भर भइ बाँच, बसेर रमिता हेर ।
✍️
मित्र उराठी गाैतम
अमरपुर,गुल्मी हाल तिलाेत्तमा न पा-२ रुपन्देही
[२५]
किसान हुँ भन्छन् विदेशीकै खेतबारी गोड्छन्,
सेरोफेरो मेरो भन्दै खेतबारी बाँझै छोड्छन् ।
✍️
योगप्रसाद उपाध्याय चापागाईं
गोठाटार, काठमाण्डौं ।
[२७]
हामी रोप्छौँ खेतबारी, विदेशको खान्छौँ धान,
कृषिप्रधान देश हो, बाँझो राखी गर्छौँ शान ।
✍️
एवाइ प्रभात
धनकुटा हाल मोरङ
[२८]
खेत बाँझै छाडी विदेशीने, शहर पस्ने चल्यो लहर,
कुटाे बाउसाे त्यागी लर्खराउने मलाई जाग्यो रहर ।
✍️
रामप्रसाद पुरी
बादेल, खाेटाङ ।
[२९]
सबैले भन्छन् नि कृषिप्रधान देश हाम्रो,
सुलभ तरिकाले मल बीउ पाए राम्रो ।
✍️
सरस्वती श्रेष्ठ
इटहरी
[३०]
धान फल्ने खेत सबै प्लटिङले खान लाग्यो
सबैको भान्छामा विदेशी चामलै पाक्न थाल्यो ।
✍️
देबकी के.सी.
दक्षिणकाली ,काठमाडौ
[३१]
शहरमा बसी मीठो खाइ हिड्छौँ लगाइ राम्रो,
खेत बाझोँ राखी कृषिप्रधान देश भन्छौ हाम्रो ।
✍️
अनुग्रह राना मगर ‘पुष्प’
पाँचखपन – ६ संखुवासभा
हाल मलेसिया
[३२]
आफू चैँ फाटेको लाउनु, दुनियाँभर सबैको पेट पालिदिनु,
कृषकको भाग्य पाउनु , भनेकै जीवन घरापमा हालिदिनु ।
✍️
बि.कुलुङ
भारत, दार्जिलिङ
[३३]
राम्रो खेत र बारी घडेरी बिक्री गर्न भागबण्डा गर्छौ,
व्यञ्जन राम्रो चाहिने रे आयातित चिजले पेट भर्छौ ।
✍️
प्रेम थापा
[३४]
कृषिप्रधान देश हो तर सिँचाइ छैन् राम्रो,
नदी बेच्यौ छिमेकीलाई सुख्खा भो खेत हाम्रो ।
✍️
उसा खपाङ्गी
छिन्ताङ् धनकुटा
[३५]
कृषिप्रधान देशका कृषक गमलामा रोप्छन् धान,
गलामा लाउँछन् बीउको माला यही हो उसको शान।
✍️
अरुण कु.भुजेल
गोरूबथान,कालेबुङ्ग,भारत।
[३६]
मौसमको भरमा खेतीपाती गर्छौं,
वर्ष दिन खानलाई समुन्द्र तर्छौं ।
✍️
भगवती दवाडी
,झापा
[३७]
कृषिप्रधान देश हाम्रो घुस खेती गर्ने,
भारतबाट धान ल्याइ भकारीमा भर्ने।
✍️
मन्दिरा सेढाई
मलेखु,धादिङ
[३८]
कृषिप्रधान देश नेपाल हाे हाम्रो
खानलाई त कहिले पुग्दैन राम्रो ।
✍️
राज कुमार राजभण्डारी खाेटाङ्गे
मध्यपुर ठिमी भक्तपुर ।
[३९]
किसान बनेर काम गर्न साह्रै लाग्ने लाज,
बाँझो बन्न पुगेको हो हाम्रो खेतबारी आज ।
✍️
लालीमाया थापा मगर
प्युठान
[४०]
आफैँले आफैँलाई नै अब्बल ठानेर केही हुन्न,
धर्ती बाँझो नराख्ने कुरा पर्छ अब सबैले गुन्न ।
✍️
बूढानीलकण्ठ काठमाडौँ
[४१]
कृषिप्रधान देश हाम्रो जताततै छ खेती,
पेटभरि खान छैन साहुलाई फले जति ।
✍️
दुर्गा भट्टराई
मोरङ
[४२]
कृषिप्रधान देश भनी चिनाए राम्रो,
जहाँतहि बाझै छन् खेतबारी हाम्रो ।
🇳🇵
आर्मित्मा थापा मगर
स्याङ्जा
[४३]
कृषिप्रधान देश मेरो गमलामा धान,
चामल सकिएमा किन्नलाई छ दोकान ।
✍️
सागर संगम
कटारी, उदयपुर
[४४]
हुँतिहारा भै, शहर झरियो, पेशा के भन्दा अलमल,
ढाट्दै मनलाई थिलो पारेर नै खस्कदै छौं पलपल ।
✍️
मनोहरी पौडेल
गैडाकोट १ नवलपरासी सुस्ता पुर्व
[४५]
धानको बीउ गलामै रोपेर आएँ,
जोत्न भो लाज बेसाएर मैले खाएँ ।
✍️
इन्दिरा
[४६]
कृषिप्रधान देश हो भनेर के गर्नु जल मलको जहिल्यै खाँचो,
तेल र ग्यासको भाउ बढेर जनताको घरमा सधैं खाने काँचो ।
✍️
अम्विका अधिकारी
झापा विर्तामोड
[४७]
बाँझो खेतबारी सबै सामन्तीको घडेरी,
बेसाएर खानुपर्छ लागेपछि खडेरी ।
✍️
-रामशरण न्यौपाने
भक्तपुर
[४८]
खेतीयोग्य जमिन प्राय घडेरीमा गयो ,
कृषिप्रधान देश हाम्रो भन्नुमात्र भयो ।
✍️
केशवप्रसाद ढकाल ‘प्रीतबीज’
सिरान्चाेक-७, उपल्लो गाेहाेरे, गाेरखा
[४९]
नाम मात्रै भयाे कृषिप्रधान देश भनेर हाम्रो,
जति दु:ख गरेपनि उब्जनी हुँदैन यहाँ राम्रो ।
✍️
सहयात्री शाेभा अर्याल
रुपन्देही १४ बुटवल
[५०]
कृषि क्रान्ति त आयो भन्छौ कहाँ आयो खोइ ?
खेतबारी सबै बाँझै बाँझो हेर्दैछ रोइ ।
✍️
जमुना आचार्य
सिन्धुपाल्चोक
[५१]
ठूला मान्छे हुन् उनी दुईचार पैसा कमाउने,
फुर्सद छैन रत्तिभर हलाे कुटाे समाउने ।
✍️
रामकृष्ण रिजाल
बागलुङ
[५२]
कृषिप्रधान देश हाम्रो काम गर्न लाज मान्ने,
बिना परिश्रम खै कसरी हो व्यवहार धान्ने ।
✍️
दुर्गा भट्टराई
मोरङ
[५३]
राेजगारीकाे खाेजी गर्दै युवा शक्ति पुगे खाडी,
कृषिप्रधान देश हाम्राे खेतभरि भयाे झाडी ।
✍️
प्रद्युम्न चालिसे
देवघाट तनहुँ ।
[५४]
कृषिप्रधान देश हाम्रो जग्गाभरि चिरफार,
धान चामल आयात गर्दै पेट पूजा साकार ।
✍️
बेदु न्यौपाने
काठमाण्डौँ
[५५]
मलजलको छैन व्यवस्था किसान सधैँ मर्कामा,
आकाशको नै मुख ताक्नुपर्ने खेती गर्दा बर्खामा ।
✍️
कबिताहरी
सुन्दर हरैंचा नगरपालिका १ मोरङ