दाङ, २० बैशाख ।
श्री गाेरक्ष पात्रदेवता सिद्ध रत्ननाथ मठमा सञ्चालित गाेरखनाथ वैदिक गुरुकुलमले आफ्नाे तृतीय वार्षिक उत्सव एक समारोह बिच मंगलबार मनाएको छ । उक्त कार्यक्रम नेपाल संस्कृत विश्विद्यालयका उपकुलपति प्रा.डा.यादवप्रकाश लामिछानेकाे प्रमुख आतिथ्यतामा सम्पन्न भएको थियो ।
सनातन वैदिक दर्शन र संस्कृतिकाे संरक्षण तथा निरन्तरताकालागि आज भन्दा ३ बर्ष अगाडि वि. सं. २०७६ साल बैशाख २४ गते अक्षय तृतीयाकै दिन दाङ जिल्लाकाे ऐतिहासिक महत्त्व बाेकेकाे श्री गाेरक्ष पात्रदेवता सिद्ध रत्ननाथ मठमा गाेरखनाथ वैदिक गुरुकुलमको स्थापना भएको हाे ।
जाेगी देवनाथकाे अध्यक्षतामा संचालित कार्यक्रममा गुरुकुल समितिकि सदस्य सुषमा रेग्मीले स्वागत मन्तव्य सहित कार्यक्रम बारे जानकारी गराउनु भएकाे थियाे ।उक्त कार्यक्रममा प्रमुख अतिथि एवं उपकुलपति लामिछानेले संस्कार, संस्कृति र आफ्नाे पहिचान बचाउन आज कठिन परिस्थिति भएको उल्लेख गर्नुभयो । साथै उहाँले दाङकाे यस गुरुकुलका कृयाकलापले अत्यन्तै प्रभावित पारेकाे बताउनुभयो ।
उहाँले विश्वविद्यालयकालागि चाहिने शैक्षिक जनशक्ति यदि कसैले दिनसक्छ भने त्याे गुुरुकुलले मात्रै भएको बताउनुभयो । गुरुकुलबाट पढेर आएका जनशक्तिकै अभावले ने.सं. वि. लगायतका सम्पूर्ण शैक्षिक तथा धार्मिक क्षेत्र पनि सन्ताेष गर्न लायक नबन्दा दु:ख लागेकाे बताउनु भयाे ।
साथै उहाँले दाङ जिल्लामा सञ्चालित याे गुरुकुलमा आफू २ पटक आउँदा पहिलेकाे भन्दा धेरै प्रगति भएकाे धारणा राख्दै गुरुकुल हुर्काउने दायित्वबाट ने सं वि पछाडि हट्न नहुने भन्दै मठ तथा गुरुकुल परिवारलाई धन्यवाद समेत प्रदान गर्नु भएको थियाे ।
कार्यक्रमका अन्य वक्ताहरूमा उप-प्राध्यापक सुन्दर गाैतम, पतञ्जलि याेग समितिका उदय डाँगी, घाेराही नगर शिक्षाका नारायण प्रसाद पाैडेल, प्रेश सेनानी तथा सर्वाेदय पुस्तकालय तथा वाचनालयका अध्यक्ष सुशील गाैतम, लगायतका रहनुभएको थियोे । शैक्षिक उन्नतिका साथै सामाजिक रुपान्तरणका लागि गुरुकुलीय शिक्षा र संस्कारकाे ठूलाे भुमिका रहेकाे सहभागी वक्ताहरूको भनाइ रहेकोे थियोे ।
गुरुकुलमा अध्ययनरत छात्र छात्राहरूबाट स्वस्ति वाचन र स्वागत गीतबाट सुरुभएकाे कार्यक्रममा प्रमुखअतिथिले गुरुकुलमा अक्षयकाेष, नगद तथा खाद्यान्न ,लत्ताकपडा लगायतका वस्तु सामग्री सहयाेग गर्नुहुने दाताहरूलाई रुद्राक्ष माला सहित प्रमाण पत्रले सम्मान गर्नु भएकाे थियाे।
कार्यक्रममा नगर शिक्षाका अधिकृत नारायण प्रसाद पाैडेलबाट उत्कृष्ठ अंक प्राप्त गर्ने छात्रछात्रालाई र पीर मठाधीश याेगी ब्रह्मनाथ महाराजबाट सरसफाईमा ध्यान दिने ,अनुशासित तथा जेहेन्दार छात्रछात्रालाई सम्मान सहित पुरस्कार प्रदान गरिएकाे थियाे ।
उक्त कार्यक्रममा गुरुकुलकी प्राचार्य सन्ताेषी सुवेदीले गुरुकुलकाे परिचय गराउनुभएको थियोे भने निवर्तमान अध्यक्ष प्रकाश भट्टराईले विभिन्न जिल्लाका गुरुकुल र धार्मिक एवं शैक्षिक निकायबाट प्राप्त शुभकामना सन्देश वाचन गरेर सुनाउनु भएको थियो ।
शुभकामना सन्देश प्रेषित गर्नेमा नेपाल महर्षि वैदिक फाउन्डेसन, श्री दुर्गा संस्कृत वेद वेदाङ्ग विद्यापीठम् दुर्गानगर रुपन्देही, श्री निङ्गलासैनि गुरुकुल संस्कृत विद्यापीठ,धनगढी ,कैलाली, श्री दुर्गा वैदिक विद्यापीठ नयाँमील ,रुपन्देही, श्री पञ्चकाेशी वेद विद्याश्रम दैलेख, श्री अनन्तादर्शन संस्कृत वेद विद्यालय माईधार,झापा, श्री रामजानकी राधाकृष्ण संस्कृत गुरुकुल आधारभुत विद्यालय काेहलपुर बांके, विश्व हिन्दूमहासंघ केन्द्रीय कार्यालय, श्री कालिगण्डकी गुरुकुलम् पाल्पा लगायतका संस्थाहरू रहेका थिए।
गुरुकुलका अध्यक्ष जाेगी देवनाथकाे अध्यक्षतामा सञ्चालित कार्यक्रमको सञ्चालन गुरुकुल समितिका सदस्य कृष्ण प्रसाद अधिकारीले गर्नु भएकाे थियोे। कार्यक्रमको अन्तमा अध्यक्ष जाेगी देवनाथले कार्यक्रममा प्रत्यक्ष अप्रत्यक्ष रुपमा सहभागी हुनुहुने सम्पूर्णमा हार्दिक धन्यवाद ज्ञापन गर्नुभएको थियोे।
शिक्षक अभिभावक संघको भेला सम्पन्न
उक्त गोरखनाथ वैदिक गुरुकुलको वार्षिक उत्सव कार्यक्रम समापन भएसँगै दाेस्राे शिक्षक अभिभावक संघको भेला संघका अध्यक्ष शम्भु हरि अधिकारीकाे अध्यक्षतामा सम्पन्न भएको थियो ।
साथै भेलाले विभिन्न विषयहरुमाथि छलफल गरेर निर्णय समेत गरेको थियोे ।